أخباركم بنات..
انا متزوجة من 4 سنوات ونص تقريبا و من اول ما دخلت غرفتي وانا عروس ما حبيتها ابد ..
بس تعرفون اول ما يسألك بو شباب ما تقدرين تصرحين عن ما بداخلك :eek:
بس اللحين بعد ما طاحت الميانه طلعت له اللي بقلبي كله ..
بس بيني و بينكم احنا ننتظر دورنا في الارض والقرض و ودي احط حيلي في بيتي الجديد ولا اتخسر اللحين
بس بما ان السالفة مطولة (حوالي 4 سنوات في هالبيت) وانا كارهه الغرفة لقيت حل وسط يرضي جميع الاطراف
أول شئ بقولكم شكل غرفتي الحالي والقبيح بالنسبة لي
الموكيت بيج والستاير بيج والجدار ابيض و الغرفة لونها وردي على ابيض (لاحظوا كآبه الالوان)
المهم اللي فكرت فيه
حل اقتصادي نوعا ما ومرضي لجميع الاطراف وهو ان بدل ما اشتري غرفة اودي غرفتي واصبغها
واغير الستاير والموكيت فقط و اخلي صبغ الغرفة..
طيب نجي للألوان المقترحة طبعا بنيت هالالوان على اساس طبعة جدار لقيتها في محل بو عشرة شكلها خياااااالي
ورود سوداء ممتدة على طول الجدار اشتروها اخواتي ولصقوها طلعت فظيييييييييييعه كأنها رسمة فنان
تقريبا مثل هالاشكال
فأنا قلت بأشتريها لغرفتي والصقها على الجدار الابيض واصبغ الغرفة اسود واخلي غرفتي بشكل عام تتكون من الالوان الثلاثة
التقليدية الاسود والاحمر والابيض ..
بس احترت في لون الموكيت بما أن الغرفة غامقة لازم يكون الموكيت فاتح يعني ابيض بس ما ودي بالابيض تعقدت
لما يتوسخ تبلشين فيه ويبان عليه كل شئ..
فودي اسمع رايكم في الموكيت والستاير؟؟
والالوان المقترحة على اساس طبعة الجدران لانها عااااااااااجبتني وراسي والف سيف الا احطها :p
بانتظاركم يا مبدعات
و بإذن الله اول ما اخلص راح انزلكم صورها قبل و بعد :)
