سلالالالام يا بنات سامحوني بس خط التليفون عندنا مدري إيش فيه مشكله و أنا شابكه من الجوال الحين و مره بطيييييء طفشني
سلامات لرنووود مع إني متأخره وأكيد خفت و الله يعطييك العافيه
و ترجعي بالسلامه يا شيري تصدقي شكلي قاعده معاكي السنه دي في الرياض تخيلي لحد الآن ما طلعت الفيزا حقت بابا و طبعا لو أتأخرت مافي حجز تاني قبل شهر شكله حيجيني إكتئاب إن شاء الله بس ربنا يسهلها
إسراء هلا شكرا والله ما فكرت في سيتي بلازا إن شاء الله أروح ادور
هلا بالضيوف الجدد بس مو تكتبوا واحد يوم و تختفوا لو سمحتوا و تسلمي يا أمنيتي ما تقصري خلاص حدديلنا اليوم بس إنت:)
بالنسبه لموضوع المناقشه الجديد شفتي كيف يا إسراء دايما أنا أطلع الفضايح و بعدين ما يردو:) المهم أنا زوجي " للأسف " نفس حكاية إسراء ماسك مشروع غير عمله الرئيسي و شغال فيه مع بنات و الصراحه كلمة نفسي أقتلهم قليل فيهم :) و لا كمان مسجل أرقامهم في الجوال و مره دقت واحده و ما ركزت في الإسم و ناولته الجوال و بس أسمعلك صوت رقيق يقول هلا إيشلونك مهندس ...... و طبعا أنا لصقت فيه و كل شويه أسمعلك ضحكه مدري كيف و بس بعدها 3 أيام قلبتها نكد مع إني عادة ما أبين له يعني أقول له شغل عادي بس الصراحه قهرتني يعني أنا كنت أشتغل في شركه فيها عملاء رجال بس مو كده طريقة الكلام معاهم ولا اللي زاد الطين بله إنه أخويا راح مره معاه مكان عمله و رجع يقول والله كل واحده أحلى من الثانيه يبغاله ضرب الثاني كمان بس أنا وراه إن ما خليته يبطل المشروع دا مع إنه الحمد لله متوقف في الصيف و لا تقولولي ثقه و مدري إيش لو أثق فيه ما أثق في البلاوي اللي معاه:)
و بس آخر أخباري إنه المفروض اروح جده الأربعاء دا بس لسه ما أتأكد الحجز أدعولي يتأكد الصراحه مره ما أحب كده لما ما أكون عارفه إيش راح يصير أحب كل شيء حسب خطه محدده حتى أستعد نفسيا بس يالله خير
و بس سلامي لباقي البنات كلهم
للمغتربات في الرياض
متابعة النقاش، صفحة 68