ساعدوني زواجي الأسبوع القادم

بنات كيفكم اللي عندها خبرة رجاءا تفيدني ايش اسوي

انا رحت سويت لشعري تمليس في مشغل ............ الله لايسامح اللي سوته لي

التمليس ماجاب نتيجة الا خرب شعري زياده

انا شعري عادي مو خشن بس بس مجعد كثير

سويت تمليس طلعت من المشغل الشعر الله لا يوريكم جاف كثير وخشن كأنه محترق

مع أنه ما كان كذا

المشكله أنه زواجي الأسبوع الجاي ولا أدري ايش أسوي

هل أحط علية تمليس ثاني والا ايش ؟؟؟

والأستشوار الهوائي و السبرايت هل بيقضي عليه نهائيا ؟؟؟

تعرفون بداية الزواج لازم أستشوار وغيرة

أيش أسوي ساعدوني أرجوكم أرجوكم

13 تعليق 1,354 مشاهدة

شاركي في النقاش

سجلي الدخول لإضافة تعليق.

التعليقات

13
  1. @alans_1

    لو تقدرين تستشيرين خبيرة تجميل ثقة و اتوقع صالونات التجميل تبع المستشفيات يوجد بها خبيرات تجميل ..

    لكن نصيحه مثل ما قالتaram لا تكررين التمليس خصوصا انك على وجه زواج.
  2. @aayn_albhryn

    انا اقول نطري عليه شوي يمكن بدايته جذي زيتيه من الحين الى السبوع الياي وكللووووووووووووووووووووووووووووش طبق طبق مبروك الف مبروك ومن المال ومنه العيال بيه <<<<<شتخربطين منج العيال ومنه المال ايه جذي

    انا اقول تفائلي ونطري كم يوم وبأذن الله بتعدل رحله موفقه اووووووه اقصد زواج موفق
  3. @dadonya

    انا اقول ماتسوي تمليس مرة ثانيه بس انصحك
    انا تكثرين الخلاطات الطبيعيه من ماينيز وحمامات زيت
    بس اهم سي لانقطعينه بالغسيل
    واهتمي بالبلسم مررررررررررررررررررررررررررره بعده
  4. @lhth_shrok

    حبيبتي امواج استهدي بالله وصلي عالنبي (اللهم صلي وسلم عليه)

    اولا الف مبروك ... وربي يسعدج ويوفقج بحياتج اليديده :icon28:

    ثانيا بسألج متى سويتي التمليس ؟؟

    لأنج لو سويتيه قريب وبعدج ما غسلتيه ... بيتم جاف لين ما تغسلينه اول مره ... وبيتغير ملمسه بعدها ... فلا تخافين عيوني

    ودام انج سويتي تمليس ... يعني لازم اتحطين في بالج انه شعرج يباله اهتمام ... حمام زيت ... وماسك ... وأنا انصحج من منتجات كادوس ... داومي عليه ...

    واعتقد ولأني مسويه تمليس لشعري ... انه الزيت ما يناسب الشعر الي فيه تمليس ... ولو بتسوينه لا اتطولين ... ساعتين بالكثير وغسليه ... لأني فيه مره حطيت زيت لمدة يوم ونص ... وغسلته ... والنتيجه شعري مشوط ونافش ...
    انا تقريبا والله اعلم نفس شعرك ... كان مجعد يعني فيه تموجات بس مو خشن

    حبيبتي لا تخافين مثل ما قلت لك ... اغسليه وبيتغير حالته ... وهالله هالله بالأهتمام
    وربي يوفقج ويحليج بعين ريلج ويسخره لج

    اختج في الله
    لحظة شروق

تابعي تجارب أخرى من هذا القسم.