بالعكس يا الغالية ضروري يكون في الحمام مغسلة حتى لوصغيرة جداً ماتاخذ مكان وفيه أشكال ناعمة ورخيصة
تلاقينها عند النخبة في طريق الخرج والله أخذتهم على 160 ريال عرض المغسلة مايتجاوز 55سم
لأنه صعب الواحد يطلع من الحمام ماغسل إيديه ويمسك أوكرة الباب وإيديه ملوثة ويطلع يغسلها في مغاسل الضيوف
اللي تستخدم لغسيل الأيادي\ قبل وبعد الأكل:eek:
أنا والله حطيت في كل الحمامات مغسلة وكل حمام حسب مساحته وحاجته
يعني غرفتيوغرفة بناتي حطيت مغسلة بدواليب تحتها ومعلقة في الجدار يعني الدولاب ماوصل للأرض لأنه تصريفنا في الجدار
وتعرفون الأم وبناتها لهم أغراض خاصة صة لازم تكون في الحمام عكس الأولاد
كذلك حمام الضيوف حطيت في مغسلة فصلتها تفصيل رخام صناعي وصمم فيها جزء مرتفع شوي عن المغسلة وخليته
مخصص لغيار الطفل تخبرون بعض الحريم تظطر تغيير لطفلها وتنحرج وين تغيير له فيه
وهذي الفكرة أعجبتني في بعض حمامات الأسواق
وبتلاقون أفكار كثيرة مناسبة لها
أنا حمام الضيوف مترين في مترين
فحطيت المغسلة على طول الجدار المواجه لك وأنتي داخلة يعني طولها مترين وعرضها 60سم
زحطيت فيها حوض غسيل إيدين وجنب الحنفية شطاف مخفي تشوفينه تحسبينه حنفية عاية بس هو يطلع من مكانه يعني متحرك وأسألوا عنه عند محلات الأودوات الصحية وبيورونكم إياه وهذي\ فكرة مني للي تبي تشطف طفلها
تصميم بيت مثالي للي بيعمرون
متابعة النقاش، صفحة 64