تقول عني متخلفه !!! اتمنى تقراء موضوعي وتشوف ردي عليها

السلام عليكم ..

كيفكم يا عسولات يا حوائيات

صباحكم / مسائكم

معطر بذكر الله


:26:

السالفه اللي بكتبها صارت لي من فتره ولحين بخاطري لاني اتهمت بالتخلف

لهالدرجه صار المتخلف يرمي التهمه على غيره


الموضوع ليس بمشكله لي بحيث انه مشكله متفشيه بالمجتمع النسائي غالبا ويكثر في الاسواق

وحبيت لو كانت من مرتادي المنتدى لكي تقراء ما فعلته ان كانت تتكلم دون تعي ما تقول

او انها سيطر غضبها الجنوني الى رمي الكلمات والصراخ وما بقي الا العويل

كنت باحدى المراكز المخصصه للملابس والمكياج والخ

وانا قربت اخلص كانت سياره زوجي بعيده قالي حاسبي بقربها واطلعي

كانت قدامي وحده وقالي انتظرك

انتظرت بالصف انتظر اللي قبلي تخلص

شوووي تجي وحده اعتقد كانت لابسه جلابيه مو عبائه مخصره حمراء مزخرفه

ليس العتب على عبائتها لكن اصلحها الله وهداها تعتقد ان العبائه هكذا هي تطور

ولم اكن بعبائه مهترئه ولا مغبره لكن عبائتي فيها من الحشمه لم تكن بحشمه عبائتها نسال الله الهدايه لها وعلى من شاكلتها


البنت جت صااااااااااااااااااااااااروخ ولا كاني موجوده مدري تراني علاقه ملابس مدري عبائه معروضه للبيع

ولا كاني موجوده

ومعها كارتونه صغيره فيها روج الظاهر

وشوي الا تطالعني بنظرات من الاستحقار كاني ماكله شئ منها


انا الى هنا والوضع عادي

لما قربت تخلص اللي قبلي

قلت لها شوي بجيب اغراضي

وكاني قلت لها تراي قتلت فرد من افراااد عائلتك


ثاااارت البنت اللي بداخل العبائه واصبحت لا انثى بل اسد جااائع

:p >>> الوصف يا بنات تراه صدقوني بمحله

وكل الحوار اللي بكتبه حصل والمحاسب يحاسب للحرمه اللي قبلي
وكان يتابعنا

قالت خير تحاسبين قبلي انا بحاسب اول

عاد انا اكره ما عندي انثى ترفع صوتها قدام رجال وبسوق وعليها من الفتنه ما يكفى للفت النظر

قلت لها لو سمحتي الناس بالدور اخلص حاسبي

قالت انا جيت قبلك انا بخلص حسابي مار اح اتاخر

:angry2:


انا ضاق صدري عليها وعلى صوتها لكن قهرتني وقلت دوري ما فيه غلط ما ابي اتنازل
:(


قلت لو سمحتي قصري صوتك ماله داعي الانفعال ومن ناحيه الدور انا جيت اول

قالت ما شفتك انا جيت قبل

تكلمت هنا الحرمه اللي قدامي وقالت لا هي جايه بعدي على طول << تقصدني هنا ثارت ثانيه قالت انت وش دخلك

كنت تحاسبين ما تشوفين

تكلم المحاسب وقال لا صحيح هي جايه اول وبحاسب لها

هنا انكسر كلامها على بالكم سكتت والله يا بنات تمنيت ما كلمتها وطنشتها مو ضعف فيني

لكن اكره الحرمه تكون محط انظار وصراخ

عيب عليها

المهم انا سكت وهي ما سكتت رجعت تحارشني بكلامها

وقالت انت مطوله حساب وانا زوجي برا

قلت والله حتى انا زوجي ينتظر برا ومو معناته معاك غرض تتعديني ما كانك شايفتني

لوو استاذنتي وجيتي باسلوب وذوق حلو سمحت لك تحاسبين قبل بس يا الزمي دورك يا تكلمي بذوق

انت جايه تصارخين

انا قلت كذا وتزيد صراااخ

انت متخلفه


انا :o

ناس متخلفه تعلمني الادب انا جااايه من برا ما شفت التخلف اللي عندكم هنا بالسعوديه

انا انسانه محترمه وذوق لكن امثالك غير محترمين قاعده لي علشااان ما احاسب قبلك

انا شفتها كذا قامت تطووول الكلام تركتها لان النقاااش معها عقيم

وشافتني ساكته ما رديت عليها راحت للمحاسب قالت اذا ما تحاسب لي انا طالعه

هو ارتبك شوووي وبلحظه كان قالها تعالي احاسب لك لكن حطيت اغراضي على الطاوله

وبداء يحاسب لي طاارت على الاداره تشتكي



بصراحه قهرتني باسلوبها ايش التخلف اللي يسمعها يقول سافرت برا صارت مو سعوديه

وتبرت من اصلها :o


يا اختي ترا التطور والتخلف بعباتك وصراخك وامثالك

والنظام شفته برا وهنا بالسعوديه ما خربه الا امثالك

مو معناتهاساتره نفسي ماعرفت للتطور اللي برا اسااافر واطلع واشوووف التخلف لانك مسويته حتى برا


وبالنهايه اقووولك ترا سكوتي لك مو تخلف ولا ضعف لكن صوووتي عوره واخاااف عليه من مسامع الرجال اللي كنت توصلين لهم صوووتك


لانك سويتي من نفسك مشهد قدام شعبك الراقي وقدام الاجااانب اللي يرون لك بكل شئ نعتيني فيه


وابقووولك بالنهايه اذا اصبعك يشير لي الاتهام باني متخلفه
فبقيه اصااابعك تشير عليك انت


بالتخلف



ولك شعبي :26:

124 تعليق 11,473 مشاهدة

شاركي في النقاش

سجلي الدخول لإضافة تعليق.

التعليقات

113
  1. الله يصلحها ويهديها
    وربي انقهر من هالاشكا مدري كيف الوحده تمشي بهالعبايه
    واللي يقهرني الثور اللي معها
    وين الغيره
    الله المستعان
  2. @mshmsh_otfah

    رووووووووووووووووووعه بجد كالعاده مبدعه حرم عزوزي
    لكن اسفي انه كثيرات خريجات جامعه وقليلات ادب وطويلات لسان
    واكثرهم يطلعون بمواسم السوق برمضان وذي الحجه لهم فترات اللهم ياكافي
    نسال الله لهم الهدايه اللي يقهر انهم بنات البلد لاحول ولاقوة الابالله
  3. @aayn_alkmr_nglaaa

    خخخخخخخخخخخخ مرره دخلت سنتر الا الحريم يتهاوشون على الدوووووور
    وماتشوفي الا يدين
    وألفاظ على كيف كيفك
    الرجال كلهم مصدومين هههه
    طلعت من المكان بكبره مرره خوافه

تابعي تجارب أخرى من هذا القسم.