السلام عليكم ورحمه الله وبركاته.
يالله تحيي كل من اسفهلت وتباركت وقلطت عندي هنا يامرحبتين والله.
هنا ياقلبي انتم نتجمع حنا ياصاحبات البال الوسيع اللي صبرنا ونلنا راحه البال ان شاء الله تكون هي نصيبنا من بعد تجربه مابي اقول فاشله لا ليش نحط من ثقتنا لاكن ابي اقول تجربه مره وصعبه عشناها فتره وماقدرنا نتاقلم معها عشان كذا اخترنا ان حنا ننسحب بكل عزه نفس ورزانه عقل وننهي معاناه التجربه هذي من حياتنا للابد.
مابي اصير فيلسوفه زياده>>>>وحده مو قد الفلسفه وخايفه تتوهق مع الفيلسوفااات.
بس انا ماتجرات وفتحت هذي الصفحات الا لجل انتمي انا وانتم في وسط سطورها اللي تبي تكتب معاناتها لايردها الا حروف الكيبورد حقها واللي تبي توسع صدرها وتقول مواقفها مع طليقها ولا لحظات تحبها صارت ولا لحظات موتتها منه برضو صارت كل اللي يخطر ببالك وتبين تقولينه عن حياتك السابقه قوليه نبي نخلي الصفحات هي اللي تستمع مننا وتتحمل الامنا وتواسينا من بعد الله لاتقولين ماله داعي انسي الماضي لاتلعبين على نفسك قبل لاتلعبي على اللي يقرالك هذي حياه انتي اللي عشتيها بحلوها ومرها كيف راح تنسينها ماتقدرين.ياحبايبي انتم مو مشكله تراء الطلاق ولاهو شي يخرع عادي اللي مطلقه تقلط وراسها مرفوع وتكتب لنا >>
منهو كان طليقك؟
كم قعدتي عنده؟
كم عمرك الحين؟
كم لك من تطلقتي منه؟
ووش سبب الطلاق؟
هل عندك اطفال ولا لا؟
كم عمر اطفالك؟
متوظفه ولا كانتي ترجي من وراه الريال؟
كانتي ساكنه عند اهله ولا براء لحالكم؟
وش احسن شي لقيتي فيه؟
ووش اسوى شي شفتيه منه؟
تفرحين لماتذكرينه ولا تضيق بك الدنيا؟
حبيتيه ولا عادي عندك لما كنتي عنده طبعا" ومافيه مانع تقولين شعورك من ناحيته الحين بعد؟
صارت لك مواقف معه حلوة قوليها وتذكريها وفرفشي شوي؟
اعيالك بينك وبينه ولا لا؟
تزوجتي من بعده وهو بعد ولا لا؟
كيف نفسيتك الحين مرتاحه ولا تعبانه؟
يعني مثل كذا واللي تبي تضيف شي ماتقصر.
ملاحظه: انا مطلقه مرتين طيب واقول وبلا فخر يعني اني مفتخره بشي هذا لاني مثل حالتكم واللحمد لله خلصت من الهم على قولتك.
انا طولتها وهي قصيره خلاص خلونا نقلط مع بعض ونقول اللي عندنا.:26:
الموضوع مغلق