شاركي في النقاش

سجلي الدخول لإضافة تعليق.

التعليقات

1,414
  1. @la_rosa_1

    صباح الخير
    منورين
    وسام طبعا الاسعار فيها فصال وبتتراوح
    عندك كل الاسعار فى السواريهات يعنى الفستان من 50 لالف جنيه واكتر كمانعلى حسب خاماته والشغل اللى فيه ونضافته
    انتى عايزة تروحى تأجرى منين؟
  2. don
    ام باسل نصيحة منى فى الادوات الكهربائية بالزات زى البوتجاز و الثلاجة و الغسالة اوعى تدورى فيهم على الرخيص دول بالزات الفلوس فيهم مش خسارة لانهم نواة البيت و اصحاب العمل اليومى الشاق ازا اختارتيهم صح حيعيشوا معاكى العمر ان شاالله تجبيهم بال…
    ازيكم يا بنات ام باسل ودون وهبة ووسام واليانور ومنى وكللللللللللللله
    وسام
    بالنسبة للسوارية انا اجرت قبل كده من محل كويس اوي والسعر فعلا يبقى حسب شكل الفستان لكن يعني مرة تجرت ب 80 ومرة ب 100 بس كان تحفة وكلة شغل جميل اوي وعنوانهم وانتي رايحة روكسي بعد الاشارة بتاعة الامفتريون هتلاقي جروبي بعده بشويه صغيرين جدا هتلاقي يافطة فوق كده مكتوب عليها اتلييه دنيا هما في الدور الاول بصراحة شاطرين اوي والست قالت لي ان ليهم فرع تاني في مول اسمة سالي مول خلف السراج مول الفرع اسمه باربي وهناك بيفصلوا سواريه وفساتين افراح ان شاء الله هبقى اجربهم لان شغلهم نضيف
    اتمنى اكون افدتك
  3. @shyr_44

    don
    ام باسل نصيحة منى فى الادوات الكهربائية بالزات زى البوتجاز و الثلاجة و الغسالة اوعى تدورى فيهم على الرخيص دول بالزات الفلوس فيهم مش خسارة لانهم نواة البيت و اصحاب العمل اليومى الشاق ازا اختارتيهم صح حيعيشوا معاكى العمر ان شاالله تجبيهم بال…
    صبـــاح الخيــر يا بنـــات...

    مبـــروك رجوع الملف تانى وان شاء الله تكون آخر مره يحصل كده فيها .
    ازيكم كلكم وحشتـــــونى اوى اوى اوى وبسلم على كل واحده فيكم وببوسها بـــــوسه كبيــــــــــــــــ:luvkiss: :luvkiss: :luvkiss: :luvkiss: :luvkiss: :luvkiss: ـــــرة
    هو احنا مش نفتح يا بنات جزء جديد ؟ انا حاسه الجزء ده كبر اوى ياريت كفايه عليه و نفتح واحد جديد
    ابله دون : تقريبا كنتى قلتى لى على بتاع ملابس الأطفال فى ميدان الجامع انا رحته انبارح و اشتريت منه شويه حاجات تجنننننننن اصل صاحبتى ولدت جابت بنت مش ولد :04: و جبت لها حاجه دهب و الحمد لله خلصت المرتب و شكلى حقعد جنب اى جامع عشان اقدر اكمل باقى الشهر بس مش مشكله الحمد لله الشهر قرب يخلص بس كده بأه خراب مالطه :)

    ماحدش رد عليا لما سألت عن محل سواريهات يكون عنده مقاسات كبيره :( يعنى بردوا حروح افصل !!

    بنات الى تحب تبعت لى الميل بتاعها عشان اكمل فايل الأيميلات ياريت تبعته على الخاص وان شاء الله اول ما يخلص واجمع اكتر عدد حبعته لكم , وميرسى لكل الى بعتى لى فعلا يارب نفضل كلنا كده دايما متعاونين :27:

    انا كنت فى كارفور الأسبوع الى فات و اخدت مجله wedding وقعدت اتفرج عليها وجبت منها ارقام وعنوانين ناس كتير اوى منهم هانى البحيرى بتاع الأزياء ومسيو عبده وغيرهم وواحده كمان لقيتها كاتبه انها بتعمل كورسات ميكب آب لو عايزين قولولى اكتبهم لكم .
    يلا سلام و اشوفكم على خير كلكممممممممممم
  4. @roshana

    ام باسل
    زى دون ماقالت اهم حاجة فى الاجهزة الكهربية انها تكون ماركة معروفة وكمان حد تعرفيه مجربها عشان مش كل الماركات المشهورة كويسه
    ف يفضل تسألى اصحابك وقرايبك ومعارفك عن نوع الجهاز اللى عندهم
    وعلى راى المثل اسأل مجرب
    وعامة على نص الشهر الجاى 7 كل المحلات هاتبتدى تعمل تخفيضات عشان مهرجان اسياحة والتسوق ف ان شاء الله تجيبى الجهاز اللى عايزاه بتخفيض كويس
    المهم تحددى النوع اللى عايزاه
    انا عن نفسي عندى البوتجاز يونيفرسال (كويس مريحنى)
    التلاجة ايديال (مش كويسة فى الصيف مش بتسقع كويس)
    التليفزيون توشيبا العربى (كويس)

    mishmish
    مش عشان انت مش من القاهرة يا جميل يبقى ماتشاركيش معانا
    ازاى بقى ما تقوليش كده
    مش كل الناس بتستفسر عن اماكن فى القاهرة واسكندرية بس
    لكن مثلا زى ام باسل بتسأل عن ماركة جهاز كويس انتى ممكن تنصحيها بالنوع اللى تعرفى انه كويس سواء عندك او عند مامتك
    ومثلا فى الجزء الاول كان فيه بنات بتسأل عن نوع كريم كويس للبشرة وكل البنات دخلت تشارك وكل واحدة تقول عن النوع اللى استخدمته وريحها او نوع استخدمته وعجبهاش
    وكلنا بنستفيد من النقاش ده
    يعنى يا جميل قصدى ان فيه حاجات كتير بنتكلم فيها مش كلها فى دماغى دلوقتى لا تعتمد اطلاقا على المكان القاهرة او غيره
    وبجانب ده انا مثلا من القاهرة بس لما باقرا معلومات عن الاسكندرية بستفيد حاجة جديدة ممكن تنفعنى انا شخصيا لو روحت زيارة هناك
    او افيدبيها اختى او صاحبتى لو رايحين هناك
    انتى نفس الحكاية لما تعرفى معلومات عن اماكن ومحلات فى القاهرة ممكن تفيدك انتى لو شرفتينا ونزلتى زيارة مرة او حد تعرفيه رايح مصر هاتوفرى عليه كتير لانك هاتقوليلة من الاخر على المحلات والاماكن
    الكويسة من خبرة الاخوات فى الموضوع اللى ساكنين هنا وعارفين الاماكن دى كويس
    يا رب اكون اقنعتك :) ومستنيين مشاركاتك الجميلة معانا

تابعي تجارب أخرى من هذا القسم.