اختاروا لي كتب مفيدة لاهنتووووا

السلام عليكم ورحمة الله وبركاته..

بكتب الموضوع سريع سريع لان بنتي بدت تصيح الله يصلحها (ادعوا لها ربي يهديها ويشفيها الله لايحرمكم الاجر)

الحمدلله انا متزوجة بكمل سنتين وعندي بنت امورة والحمدلله اموري تقريبا مستقره الا ماقل..
لكن احس مرات اني مو سعيدة بحياتي واحس اني مسكينه ومكروفة ومحد يحس فيني..
واحس اني مو سعيدة!!

رغم اني منعم علي بالصحة والعافية الي كثير يتمنونها والحمدلله بنععععععععععمة..
مدري كيف اعبر..<<هذي الي بتكتب بسرعة هههه

بس والله مرات تجيني حالات اكتئاب فضيعة واحس ان زوجي مو فاهمني ومايحبني رغم اني كثير احس انه يحبني بس مايعبر لي ولايجلس معي!!
واتعب من شغل البيت احسه مايخلص وتربية البنت احس صعبة ومسؤولية مرة مرة كبيرة..
ماافضى لشي ابد لكن قررت اني ارجع لقراءة الكتب بعد مقاطعه دامت سنوااااات<<من عرفت النت تركت الكتب
بس ببيتي ماعندي انترنت ونفسي ارتب وقتي وارجع اقرا كتب..

انصحوني بكتب مفيدة لحالتي بالذات ماابي شي يثقفني بامور ثانية..
وحدة ذكرت لي كتاب استمتع بحياتك للقرني على مااعتقد وصراحة عنوانه مرة عجبني نفسي استمتع..
وكتاب لاتحزن للحين ماقريته واحس فعلا ودي اني مااحزن ودي اتعلم انبسط بحياتي..

خصوصا ان زوجي معه مبلغ ونفسي اطلب منه يشتري لي هالكتب لاني من زماااااااااااااااااان ماطلبت منه يجيب لي اي شي غير حفايظ وحليب للبنت ودي يحس اني لي طلبات بعد..:09:<<<غصصصصصصصصصب هههه

ودي بمكتبه صغنونة ابداها في بيتي واستفيد من وقتي عشان اقدر اعيش حياتي واتخلص من ضيقة الصدر..

والله يجزاكم خير يارب الي يردون والي مايردون..

واكييييييييييييد طبعا اول كتاب راح اقراه هو القران

16 تعليق 5,516 مشاهدة

شاركي في النقاش

سجلي الدخول لإضافة تعليق.

التعليقات

15
  1. @aazyz_1

    هلا وغلا

    كتاب الرقائق لمحمد العريفي

    استمتع بحياتك اكثر من رائع وهو لمحمد العريفي وليس للقرني

    كتاب اسعد امرأة بالعالم للقرني

    كتاب السلام عليكم ايضاً للقرني


    وعلى فكرة لو تروحي مكتبة جرير وتشتري كل كتب عايض

    فهي والله كتب مفيدة واكثر من رائعة
  2. @maryaaldlaa

    أختي
    شيء حلو أن تعودي للقراءة
    وتعملي مكتبة ببيتك

    بنصحك بعدة كتب كانت من أفضل ماقرأت
    لاتحزن
    أفتح النافذة ثمة ضوء
    قوة التركيز للمرأه
    السجينة لمليكة أوفقير -> ان كنتي تحبين الروايات ستعجبك والرواية حقيقية

    اغلب قراءاتي روايات
    ان كنتي تنوي قراءة هذا النوع
    خبريني وأكتب لك أكثر

    باالتوفيق
  3. انا احب الكتب المتعلقه بتربيه الاطفال ومن اهمها عندى نشاطات مبتكرة لمرحلة ماقبل المدرسه - كيف تجذب الناس كالمغناطيس - خمس خطوات لتعديل سلوك طفلك -ولاتحزن - اسعد امراة فى العالم
  4. @dmaa_moadaa

    هلا وغلا بنت ابوها .
    من طول الغيبات ....
    ابد مايرضينا زعلك ولا أدري اصلا ليش؟؟
    عموما قلبووو انا قريت كتاب لاتحزن لعايض القرني مررره يجنن ويعيشك بأجواء غير ويحسسك بمعنى وجودك في الحياة كتاب تثقيفي ترفيهي تستمتعين بكل كلمه تقرأينها والله قيمته 30 ريال اظن ووالله لو يقولون بألف مو حرام فيه.
    وبس هذا اللي عندي ....
    والله يحفظلك زوجك وبنتك ياااارب .....

تابعي تجارب أخرى من هذا القسم.