السلام عليكم
كيفكم بنات ان شاء الله تمام
اول مره اكتب موضوع الله يخليكم لاتحرجوني
ابغى اشتري لبنتي سرير عمرها 3سنوات بس محتاره من اشتريلها بصراحه
اشتريت لولدي قبلها من ايكيا بس والله موقد كيذا يعني السرير مو خشب اصلي عاملينه بقشره ومن جوا والله ماني عارفه اسمه اللي زي الخشب مفتت ومضغوط
والقشره بدات تتقشر مع انه والله ماكمل 3سنين
والله زعلت ومو رخيص يعني تقريبا كلفني كله 2000
الله يخليكم ساعدوني ولو يكون سعره رخيص احسن عشان اغير سرير اخوها كمان لانه زوجي ماراح يرضى اغير سريرولدي
وعلى فكره انا من جده
انتظركم
شاركي في النقاش
سجلي الدخول لإضافة تعليق.
التعليقات
5- والله يا ليت اقدر اساعدك
بس احنا عندنا نجاريين يسوون تفصيل انا من الشرقية بس ما ادري اذا عندكم في جدة سألي وشوي شغل النجارين اول وتكلي على الله - كل المحلات من هالخشب المضغوووووط
فصلي لها عند البناء والعمار روووووووعه - مشكورين الله يسعدكم
ممكن بس اعرف اسعار البناء والعمار
ووين احصلهم بجده - مادري لهم فرع في جده عندهم فرع بالمدينه وعندهم اشكال للأسره كل شكل له سعر انا فصلت غرفه لبنتي
سرير عريض ودولاب ثلاث ظرفات وكومدينه وشفنيره ومكتب وتسريحه بالكرسي بـ 4 الاف مره حلو اسعااااارهم - شوفي محلات النجارة اللي تسوي للأطفال حتى بعضهم عندهم مودييلات حلوة
أو يفصلون على ذوقك
بس أهم شي ركزي على نوعية الخشب تكون ممتازة
ونصيحة ترى اثاث إيكيا كلة نشارة خشب ماتتحمل صحيح عندهم أفكار وشغلات حلوة
بس أثاث كرف ويتحمل لا
مواضيع مشابهة
تابعي تجارب أخرى من هذا القسم.