شاركي في النقاش

سجلي الدخول لإضافة تعليق.

التعليقات

289
  1. ام الوليد 2007
    معكم بأذن الله <من اجل تربية ابناءنا التربيه الصحيحه
    وانا معاكم ان شاء الله

    عندي ابن عمرة12 والاخر عمرة 10 دائما في مشاكل وخصومات ومضاربات مع بعض لدرجــــــــــــــــه انا ووالدهم فقدنا الامـــــــــــــــــل وقلنا يكبروووووووون ويفهمون معنا الاخوة وينتهي الشجار
    استعملنا معهم ( الحرمان ووووووووووووو التهديد ووووووووو الثناء على المتسامح ووووووووووو التشجيع له

    ووووووووووو العقااااااااب احيانا ................:( من دووووووووووون نتيجه مازلو في مضارباتهم حتى على اتفه الاسباب جلس في مكاني هذي مكاني انا جيت قبله لا والاخر بكل اصرار هذا مكاني كنت فيه امس ويالله تبدأ الايدي وانا :( حزينه لحالهم

    والمشكله الاخرى ان عندي ابن 6 سنواااااااااااات يراقبهم من بعيد وإن كان واحد منهم ناااااااااااااايم يقلد ماراه من اخوانه على الصاااااااااااااحـــــــــــــي شفتي كيف احيانا اقول (( الله يصلحهم وادعي لهم كثيييييييييييييير واحيانا استخدم معه العقاب وسرعان ماأتنازل لرأفتي بحالهم وماأدري وين الحل ؟؟؟؟؟؟؟؟؟؟؟؟؟؟ ))
  2. @amy_aghl_maaandy

    نونية القحطاني
    معاكم باذن الله عندي 3اولاد وبنتين اولادي مزعجيييييين ومايسمعوا كلامي وذبحتهم بصراخ عليهم طول اليوم احس بتختفي شخصيتهم عن الوجود وملاحظه هشي
    عندي اربع اولاد وبنتين البنات متربيات على الاخر الاولاد مزعجين فيما بينهم خاصة اذا فيه مضارب بينهم يعني اذا راح المضارب صار البيت هادي لكن بدا الكبير يطلع الشارع وايضا دخلوا المدارس فصار في البيت ظاهرة المعايير يعني كل واحد يتهزا بالاخر من خلال ما سمع من زملائه مثلا ياصياح يافار اذنك طويله يحول سنك طاح وبصراحه صرت عاجزه عن توبيخهم لاني بديت اخاف على نفسي من السكر والمصيبه العظمى في ابوهم اللي ما عنده استعداد يربي يعني يسمعهم وهم يقولون الالفاظ ويشوف عصبيتهم بسبب الموضوع هذا ومع ذلك ما يحرك ساكنه ولكن اذا قام وضربهم صراحه اخاف ياخذ عمارهم من الضرب يعني ضربه في السنه مره واحده وباقي السنه كل شي علي انا ايضا اعيالي اللي هم الذكور عودهم ابوهم للاسف لنقل الكلام يعني مخليهم زي الكاميرا علي مثلا اذا ماعلمته واجبته على سؤاله ناداهم قدامي وقال تعالوا وش كذا وش كذا خاصة لرحت لاهلي مين راح معكم بالسياره امكم وين راحت من جاكم وش اكلتم يعني ما صار فيه خصوصيه ابد والمصيبه اذا هو راح لايمكن يعلمني بشي ويقول لعيالي لاتعلمونها فصاروا اعيالي للاسف ما ادري وش اقول

    ايضا فيهم العناد العناد مثلا لبسهم لازم هم اللي يختارونه رغم اني في صغرهم ما عودتهم كذا بس اذا ارفضوا واصرواابوهم ساعدهم وخلاهم يلبسون اللي هم يبون تكفين وش اسوي ايضا قومة الصبح للمدرسة كل واحد يقوم وهو زعلان يعني ما يفطر الا بعد طلعت روحي ولا يلبس اللبس اللي انا عادته لهم فيقولون ايه هين يجي ابوي ويخلينا نلبس اللي نبي فاظطر اقفل غرفتهم بس ابوهم معه مفتاح لغرفتهم حتى اني اضطريت مره اني اخذ ملابسهم اللي هم محددين معي للمدرسة وخليتها بسيارة السواق لمدة اسبوع المشكله فيه فترات كثيره اعيالي حبايب وطيبين بس برضه فيه منغصات يعني ما تتخيلي اسلوبي معه حلو وفيه حنان كثير بس الطرف الاخر مقويهم علي يعني اي شي ارفضه هو يجي يسويه لهم طيب وش الحل لاتقولين الحل بيد زوجك صدقيني زوجي يبي تربية من جديد فهو فاهم التربيه غلط والمشكله ان كلمته ماتنزل الارض عندهم مره يحبونه بس معي فيه اضاءات حمراء
  3. صاحبة الاميرات..
    الله يجزاك خير ويرزقك بالتؤام السليم يارب


    انا عندي مشكلة مع اولادي عندي ولد عمره 5سنين ومتأخر في الكلام وصار يخاف يتكلم عند أحد علشان مايضحكون عليه وبسبب هذا التأخير صار ماعنده ثقة بنفسة وخجول مرة والسنة الجاية بدخله المدرسة...كيف أعزز ثقته بنفسة ويصير جرئ
    والثاني عمره 3ونص مايتكلم ابد يعني ماأحد يفهم عليه وحتى الحين مايعرف يلبس لحاله ولايعرف يروح الحمام واحسه مايفهم علي بس هو جرئ ومايخاف بس مشكلته عدم الفهم وتأخر الكلام عندة..
    وجزاك الله كل خير