أكبر تجمع لطرح قضايا واهتمامات صاحبات المشاغل (1)

امانه انا ما جربته لكن ناويه اجربه
لكن فيه وحده جابت شغاله بنفس ها الطريقه واستلمتها من السفاره الفلبينيه عندنا

الله يعطيك العافيه

شوفي اختي انا الحين توني متعامله مع وحده تجيب عاملات من الفلبين والشهاده لله تعاملها قمه في الرووعه وتخليك تكتبين كل شروطك الي تبينها وتكلم العامله شخصيا وتعلمها بكل شروطك واذاوافقت تترجم شروطك على ورقه بالانجليزي وتخليها توقع عليها وتجيك العامله خلال اسبوعين فقط بس للامانه انا كوافيرتي راح توصل باذن الله الاسبوع هذا(أدعولي يابنات ان الله يبارك لي فيها ويطعمني من خيرها ويكفيني شرها والله انا عانيت كثيرالله يفرج لي) علشان كذا مااقدراعطيك حكمي عليها اذا كانت فعلا زي ماطلبت وموافقه على جميع شروطي والا لا(لان انا مانعتها من الجوال ومن الخروج من المشغل الايوم الاجازه فقط) يعني يبيلي تقريبا اسبوعين علشان احكم ..اذا حابه انتظريني:26:

شوفي حبيبتي انتي وجميع الاخوات معنا هنافيه برنامج احترافي لادارة المشاغل رااائع مصمم فيه الفواتيروتطلع لك بشكل مرتب وكمان فيه اسم العامله الي سوت الخدمه ويحسب لك البرنامج رواتب العاملات ونسبهم والدخل الصافي لك السنوي والشهري بعد خصم الايجار ورواتب العاملات وجميع فواتيرالاغراض الي اشتريتيها للمشغل واشياء كثيره مررر رائعه راح اتكلم عنها في رد ثاني بالتفصيل الممل لاني مرره متحمسه له وحاسه انه بيسهل علي اشياء كثيره وعلى فكره انا لسى مابعد جربته كمان بيوصلني باذن الله الاسبوع الجاي وبعطيكم رايي فيه لانه مصمم لي بشكل خاص يعني فيه نوافذ وشاشات انا الي طالبتها شخصيا ماكانت موجوده اصلا في لبرنامج بس متأكده انه راح يناسبكم لان اغلب الاضافات الي طلبتها كانت من افكاركم وارائكم وردودكم اقتبست منكم اشياء كثيره بس خلوني اجربه واعطيكم تفاصيله ...ولي رجعه باذن الله اتكلم فيها عن تجربتي مع الاستقدام والبرنامج استفدت منكم كثير وحابه افيدكم انتظروني:26::26: