بيخطبني واحد اصغر مني

السلام عليكم ورحمة الله وبركاتة
بنات انا ابي تشاركوني ابي رايكم
بنات انا اعرف وحدة صديقتي يعني تعرفت عليها من منتدى وهي من الرياض اصلن وانا من الشرقية ومع الوقت جت هنا للشرقية لظروف عمل زوجها وسجلت انا بمعهد وقلت لها عنة وسجلت معي وشفتها وتعرفنا ع بعض اكثر
والبنت طيبة واخلاق ماشاء الله وملتزمة وربي انها غيرت حياتي ماشاء الله عليها الله يوفقها ويرزقها ماتتمناة
صارلي معها تقريبا سنتين اواكثر
طبعا ماحد يعرف اني اعرفها واكلمها جوال لان انا ماعندي صديقات وبالذات امي كنت بأيام المدرسة دايم تحذرني ماامشي مع اي بنت غير اختي وتخرجنا من المدرسة وماعندي صديقات غير اختي من كذا انا ماقلت لها عنها لانها من النوع اللي يدقق وسوالف الامهات مابي اطول عليكم
المهم ان هذي صديقتي كلمتني بموضوع من فترة وانا غضيت النظر عنة:
انها تبي تخطبني لواحد من جماعتهم لانها عرفتني وعرفت اخلاقي وكذا المشكلة الاولى ان هم من الرياض وامي بتسئل كيف عرفونا وشلون وكيف
ثاني شي واللي هو متعبني انة اصغر مني الولد حليوة واخلاق وطيب مرررررررةوهو من قبيلة بس انا مو قبلية
والصراحة هو يدرس هنا بالشرقية عندنا بالكلية وباقي لة 6شهور تقريبا ويتخرج ظابط ان شاء الله
وهي تقولي ان العمر مو مهم الرسول صلى الله علية وسلم تزوج السيدة عائشة وهي تكبرة
انا عمري تقريبا دخلت 27وهو24
مادري والله
يعني اهلي بيقولون كيف عرفونا من الرياض وحنا بالشرقية
بيدققون شوي انا للحين مارديت عليها لي فتحت معي الموضوع احاول اغيرة وهي تقولي لاتترددين وتوكلي على الله
والله انا اخاف من هلي تفكيرهم انة من الرياض وانا مستحيل اقول لهم عن رفيجتي وكيف عرفتها
وغير هذا انة ناس غيرة يبون يخطبوني وانا مومرتاحة لة ابد مو حابتة ذا الشخص
غير اللي قالت عنة رفيجتي مرتاحة لة مرررة
فماادري اوافق رغم انة اصغر مني
وشلون الحل مع اهلي اذا جاء وخطب كيف عرفنا وكذ
عطونيي رايكم وحلولكم