معقولة وصلنا لكذا..
بسم الله الرحمن الرحيم
السلام عليكم ورحمة الله وبركاتة
كل عام وانتم لله اقرب
احبكن في الله .. واحبكن كثير واقرأ لكن كثير
مابي اطول عليكن بمقدمه ممله ,, للاسف ماأعرف اكتب موضوع وان الله قدرنى وكتبت ضااعت الافكاار
بس اليوم جايه احكي لكم عن صدمه
شئ شفته بعيونى وصدمنى بقووه
طبعا اليوم الجمعة وهو اول يوم بالسنه الهجريه الجديده 1431هـ
يوم فضيل لسنه اتمنى تكون سنة خير وبركة على الجميع يارب
بس هالليله كانت غير في اماكن ثانيه
عارفه مليتوو منى وتقولوون الزبده
ايه اصبرن جايه لكن بالكلام
بالصدفه قدر الله انى ادخل روم شات (حكايه ثانيه بقولها لكم بس بعدين)
وكان فيه عرض كامات
صدمة العمر بنات يعرضون ويرقصون بملابس لا مو ملابس شئ ثانى
اقرب للعري
كنت اسمع بالبالتوك فيه عرض بنات بس انى اشوف هالشئ بموقع عادي للدردشه
صدمة وربي صدمه
وبليلة فضيله وسنة جديده
ياربي عفوك
وبنات بلدي سعوديات واكثرهم بدويات يااقهري
يمكن بتقولون وش موديك للشات بعلمكم لانى متوقعه هالسؤال
دخلت على ولد اختى ولقيته جالس قدام اللاب توب وبمبحلق قمت ابحلق معاه انصدمت
سالته معقوله هالشئ قال عادي ياخالتى بكل شات تلاقين هالشئ
فتحت جهازى وانواع الفره لقيت بكل روم ناس يارب سترك
الله يستر على بناتنا وعيالنا من كل شر وانحراف
السؤال كيف نقدر نمنع عرض الكامات بهالشكل المخيف كيف نخلي رقابه من الدوله قبل الافراد نفسهم
كيف نحمي اجيالنا القادمه
لازم يكون فيه تدخل ورقابه بس مدري من وين !! اكييد البيت بس برضوو لازم يكون فيه حمايه من الخارج
الاتصالات مثلا او الهيئه او اي شئ ثانى
اسفه على الاطاله ويارب تكونو فهمتو على اللي ابي اوصل له