أرزاق مقسومة ع الهواء .. اسألي وانا أجيب ( عن الأسهم طبعا )

معليش سؤال ثاني..ايش معنى كلمة علاوة اصدار..اللي يطلبونها الشركات عند الاكتتاب..
وهل الاكتتاب في المراعي مجدي ويجيب ربح والا لا؟؟لانه غالي اكتتابهم..وكم تتوقع يوصل عند تداوله..
شاكرين لكم تجاوبكم

معليش اخوي اذا كثرنا الاسئلة..ترى نبغى نتعلم..والله يجزاك خير على ما تقدمه لنا ويرزقك الرزق الحلال..
طيب بطاقة مباشر من وين اجيبها هل تباع بالمكتبات.او محلات الاتصالات..او ممكن اشتريها من النت..وهل لازم استخدمها وانا توني مبتدئة..والا اتدري على موقع تداول اول واخليها لبعدين..وكم سعرها وكم مدتها؟؟وكيف طريقة استخدامها لاني اول مره اسمع عنها..

الشئ الثاني ممكن اذا تكرمت تقولنا ايش الطريقة اللي تقول انك من استخدمتها ما خسرت ابدا..هل هي التصدق والابتعاد عن الشركات المشبوهة والمضاربة بالشركات النقية..او انك تقصد استيراتيجية خاة بك في التعامل مع السوق..ياريت تدلنا عليه..اذا ممكن..
وجزاك الله خير وفتح لك ابوب رزقة الحلال..

ختي ام فوفو كفت ووفت في الاسئله وانت اخوي جزاك الله خير بعطينا العلوووووم
ونحن في انتظار000
وجزاك الله خير على الجهود ورزقك احسن الرزق واوفره وجعل لك صالح البنين والبنات يارب 00

وانت كذلك أختي الفاضلة
على اهتمامك
وسرعة تجاوبك ..
كما أشكرك على حي الخير لأخواتك
ومسارعتك لمساعدتهن ..
وأتمنى أن تفيدينا بكل ما عندك
عشان نستفيد ..

وفقك ربك ..

حياك الله اختي الكريمة ..
علاوة الأصدار ...
مثلا .. عندك شركة اتحاد الاتصالات .. هل كانت تعمل في السوق السعودية قبل أن تطرح أسهمها للاكتتاب ؟؟
الجواب / لا
طيب .. المراعي هل كانت تعمل في السوق السعودية قبل أن تطرح أسهمها للاكتتاب ؟؟
الجواب / نعم ، واها منتجات في السوق السعودية كالألبان ومشتقاتها .. الخ ..

فهنا النظام يفرق بين بين الشركة اللي كانت تعمل والشركة اللي ما كانت تعمل ,,,
فيقومون ( بتقييم ) لسهم الشركة بناء على دراسات معينة .. ثم يضعون له قيمة ..
يعني .. يقولون : لو كانت أسهم المراعي في السوق .. كم يسوى السهم ؟؟
بعد الدراسة يخرجون القيمة ..( وهذه هي علاوة الإصدار )
والخمسين ريال هي قيمة السهم الأساسية .. وكل الأسهم قيمتها في البداية 50 ريال ..

أما مساهمتك في المراعي فهذا شيئ راجع لك .. لكن لو ساهمتي انصحك تبيعين من اول يوم ثم اذا نزلت ترجعين تشترينها من تحت ..
ورأيي فعلا ان قيمة السهم غالية جدا ( ولكن هذا رأي شخصي ولا ألزم به أحد وليس دعوة للبيع او الشراء )
أما كم تاصل ..
فالعلم عند الله ...
وان كنت أرى إنها لن تبتعد كثيرا ...

وفقك الله وأسعدك ...