حياكم سفرة جديدة من ايديني....

السلام عليكم ورحمة الله وبركاته :







كيفكن بنات؟ اليوم موضوعي عن سفرة جديدة لحمولتي ، كان الدور علينا في الجمعه وبما انه برد اجتمع الحريم عندي في البيت والرجال في الاستراحة ، فقلت نغير وندلعهم شوي ، اول حاجة سويت حلى قهوة للحريم والرجال وللأسف من السرعة نسيت اصوره بس ماعليه بدور على صور مقاربة من مواضييع العضوات واحطها ، وكان الحلى عبارة عن:



حلى الماركة وشكله مقارب للصورة هذي:








مرة لذيذ واعجبهم كثير واخذوا طريقته بس كان بارد سموه حلى الايسكريم ينفع في الصيف اكثر بس والله متعب في عملية التكسير هههههه خاصة لو كنتي مستعجلة ..



الحلى الثاتي هو مربعات البف باستري وشكله مقارب للصورة هذي :








سهل وسريع ولذيذ واعجبهم بعد واخذوا طريقته..



وسويت للرجال زيادة مثلثات البف باستري بالشيرة ، عادي قطعت البف مثلثات ودخلتها الفرن ثم شربتها شيرة وبس



وكمان سويت تمر بالزبدة يمممم لذيذ ، سيحت الزبدة في مقلاة ثم حطيت التمر عليه وقلبته زين ثم رشيت عليه دقيق وقلبته الى ان تسبك زين ثم صبيت عليه فنجان حليب سائل وخليته يتسبك شوي معه ثم شلته من على النار وصفيته يممم لذيذ ..




نجي لسفرة العشاء وهذا شكلها:







وهذي بعد:








يتبع...

72 تعليق 7,751 مشاهدة

شاركي في النقاش

سجلي الدخول لإضافة تعليق.

التعليقات

71
  1. @aayon_saad

    صاحبة الموضوع
    زمن عمري
    يعطيك العاااافيه....... ننتظر الباقي...
    نكمل:



    هذا الجريش انا مسويته ، والرز من برى

    وبعدين عندنا نوعين سلطة أولا: سلطة الزهرة يممممم لذيذة:



    وطريقتها:

    تقطعي الزهرة صغير وتسلقيها شوي ثم تقليها
    تقطعي الملفوف طوال صغيرة
    ثم نخلطهم مع بعض زين ونضيف لهم الصوص النالي:
    صوص الرانش + ليمون + زيت زيتون+ ثوم مطحون+ شوية ملح
    تخلط زين ثم تصب على الزهرة والملفوف وتخلط زين ، وعند التقديم نضيف لها عيدان البطاطس الجاهزة تبغي باردة او حارة علشان ما تذبل ..

    ثانيا سلطة الباذنجان والجرجير :



    وهي سلطة الاخت مشاعل يمممم لذيذة بس انا استنغنيت عن الخبز المقلي ما احبه ودبس الرمان بس لذيذة والكل سأل عن طريقتها وهي على هالرابط :

    http://forum.hawaaworld.com/showthread.php?t=1553618

تابعي تجارب أخرى من هذا القسم.