اخوي جميل جدا ووسيم ماشاءالله ومتزوج والبنات يلاحقونه .....

هلا بنوتات
بعلمكم بسالفة اخوي هو ماشاءالله ماشاءالله ماشاءالله جدا جميل ووسيم وشكله ملفت للانتباه لما يروح لاي مكان عام على طول البنات يغازلونه عيني عينك ماعاد فيه حياء ولا شماته وهو طبعا متزوج وعنده ولد وفوق هذا مايعطيهم وجه وهم مازالوا مصرين ومستمرين حتى لدرجة انه في مرة من المرات كنا في مركز تجاري شفت وحدة مع مجموعة بنات تأشر له وتدق التحية نعم نعم وش هذا لهالدرجة وصلت الوقاحة :blink: لا والمصيبة قدام زوجته والله جن جنونها وكل شوي توشوش في اذني و تقولي شفتي كيف هو يتبسم لهم شفتي كيف يطالعهم والله رحمتها المسكينة بتموت من الغيرة الله يعينها
اخوي موظف في المستشفى وبالذات في مكتب الاستقبال وكل شوي تجي عنده موظفة او ممرضة او وحدة تكون عندها مراجعة وبس يتميلحون قدامه اللي تقول ياملحك واللي تقول اتمناك واللي تقول تزوجني والخبر وصل لزوجة اخوي عن طريق ولد عمها لانه صديق اخوي وصارت مشاكل بينها وبين اخوي وتدخلوا اهلها في الموضوع واخوي تضايق لما شاف اهلها كلهم واقفين في صف بنتهم والحين يبغى يطلقها وكل يوم يتصل علي ويقول تراها ازعجتني بالاتصالات وقوليلها اني ما عاد ابغاها وانها شكاكة وقلق وما ادري ايش وووووو
زوجته كل يوم تتصل علي مع اني بعيدة عن الناس ولا احب المشاكل الا اني تعاطفت معها والله تبكي بحررررررقة تبكي مثل الطفل وتقولي الله يخليك خليه يرد علي وانه اذا طلقها راح تنتحر وانها ماتبغى الدنيا من بعده واخوي متضايق ليش انها دخلت اهلها في الموضوع وقالت لهم كلام مبالغ فيه وغير صحيح والمشكلة قدامه من بعدها كبر قلب اخوي عليها وقال خلي اهلها يسرونها والله العظيم انها كل يوم تتصل وتتصل وتتصل لدرجة ان صوتها صار مبحووووووووح بالمرة والحين هي مريضة وعلى فراشها ولا ادري شسوي واخوي عيا يلين راسه وماسك كلمته
الله يعين بس :(

نسيت اقولكم تصدقون يا بنات اليوم كلمتني 6 مرات وكل شوي تقولي قلتي له ومن صوتها والله يقطع القلب وواضح التعب عليها والمشكلة ان اخوي مقفل جواله ومايبغى اي اتصال وكل شوي اتعذر لها واقولها طولي بالك وكبري عقلك ولا تهتمين لمثل هالامور التافهة وهي ياعمري تحلف وتقول انها راح تتغير وانها راح تكون الزوجة المطيعة والحبوبة وانها ماراح تثير له اي موضوع يضايقه وهي بصراحة ماقصرت معه ودائما تهتم بنفسها قصات شعر وصبغات وازيائها في قمة الروعة تبغى تصير في عيون اخوي الاجمل والافضل واخوي يحبها بس يكره شكوكها وزنها عليه من ناحية وين رحت ومن كنت معه ووش سويت اليوم زي كذا والرجال يكرهون الاستجواب
تصدقون من كثر ماهي تحبه تبين غلاه عند الكل وتجلس تضحك وتستهبل وتمازحنا وتمازحه بزيادة او تحضنه قدامنا وهو يبعدها ويقولها عيب عليك وتجلس تضحك بدلع وغنج وكل مرة تطلع بحركات يعني ماشاءالله عليها جريئة لكن الناس ماخلوهم والظاهر جتهم عين قووووووية .... كل اللي اتمناه انهم يرجعون لبعض ويفتحون صفحة جديدة بعيدة عن المشاكل ووجع الراس وفوق هذا حرام ان يكون ولدهم ضحية .......

187 تعليق 27,689 مشاهدة

شاركي في النقاش

سجلي الدخول لإضافة تعليق.

التعليقات

177
  1. @aryg11_1

    شوفي ياقلبي الله يخليلك اخوك اولا

    ثانيا الشخص اذا لقى مدح كثير يكبر راسه ويتكبر على اللي حوله

    وزوجته هي الضحيه انتي امسكي اخووك وكبري راس زوجته عنده يعني فلانه تحبك وتموت عليك وتغار عليك انت لازم تصبر

    عليها شوي وحاول انك ماتبتسم قدامها على غيرتها يعني المفروض تقولها

    انا مقدر ضرفك وانا بعد ماستغني عنك يعني بينكم اولاد مو شهر عسل لا عشره عمر

    والله يعينها من جد هالحين البنات يطيحون عالرجال سواء حلووو او شين مايهمهم المهم يخربون بيوت وبس
  2. @frhh_aamr_1

    مدري بس احس ان اخوك كبر راسه على زوجته ولا وش فيه اذا غارت هي عليه .........؟؟؟؟؟؟؟؟؟؟؟؟؟؟؟؟؟

    المهم هو يقدر موقفها ويحاول ايغير وظيفته للان الممرضات والوظفات اللي كذا هدموا بيوت كثيره وانا ما اشملهم كلهم للان فيهم الصالح اللي ودك تحبينها على راسها من احتشامها والباقي الله يستر علينا وعليهم ...


    وهي معاها حق انها تغار ....والله يعين كل وحده زوجها كذا
  3. كلمي اخوك ووضحي له انها من كثر ماتحبك سوت كذا وقولي له تراها مريضه بالفراش عشان شوي يصدق او هي ليه ماترجع لبيتها دام انها تبيه وتوضح له كل شي ولا اهلها مانعينها؟ الله يصلح حالهم
  4. @bnt_batshy

    صراحة كسرت خاطري زوجة اخوك الله يهديها اكيد من حقها تغار بس المفروض

    تثق بزوجها وما تدخل اي احد بمشاكلها الخاصة

    وولد عمها الله يهديه ليه يعلمها يعني مو عارف نتيجة بربرته قهرني من جد هو اللي خرب بيتها

    انتي خليك وسيط خير بينهم خصوصاً انه بينهم ولد حاولي يرجعون لبعض

تابعي تجارب أخرى من هذا القسم.