زوجي شاف بنت الجيران لابسه قصير

الله يسخر لك زوجك ومايشوف فهالدنيا حلوة الا انتي

وبالنسبه للبنات قولي لهم زوجي شافكم بدون عبايات
وانه زعل قال لو معي واحد من جماعتي وشاف وحده منهم كذا ماتسترت يفكرها زوجتي


وزوجي فكر انكم متحررين وطبيعتكم كذا ماتتغطون لكن انا دافعت عنكم قلت لا بالعكس مؤدبات ومو راعيات هالحركات

بيحسون وبيفهمونها وان شالله انهم طيبات ونيتهم صافيه

انا اموت واعرف شلون هالرجال دايم حتى لو غلطو يخلونك انتي الغلطانه

حتى لو سكتتي ولا تكلمتي برضو يخلونك غلطانه

:)

شوفي زوجك لو انها جايزه له ولا مخطط على شي كان ماتكلم عشان ماتشكين

بس وااضح مره انه يبيك تغارين ويبي يرفع ضغطك ويتدلع اغلب الرجال كذا

وانتي قووليلهم من باب ان فيه عمال يخوفون انتبو لانفسكم لانك لو قلتي البسو عشان مايشوفكم زوجي بتقول هذي غايره واخاف تحطها ببالها صراحه بعض البنات ماتدرين كيف تفكيرهم


:)

1- لك حق تعصبين وتظهرين غيرتك بعد لأن من حقك تلومينه على زيغ نظره لان العين تزني وزناه النظر لو هي نظره وحده قلنا معليش الاولى له لكن تثبيت النظر مو من حقه

2- المفترض ومن الاساس كيف تقبلين أحد يزورك بدون ما يلبسون عبايه ؟؟؟!!! ليه مانصحتيهم من الأساس لأن هذا منكر وإنكارك للمنكر واجب وإذا ماسمعوا كلامك أعتذري عن جيتهم لبيتك منتي ملزومه بناس ما يتبعوا الشرع
لكن أنت سكتي عليهم وما أنكرتي ولا بعد جاملتيهم ويوم جات السالفه عند زوجك انقهرتي لانها ضرتك بهذا الشكل
فالغلط عليك من الاساس أنت اللي أعطتيهم وجه وهم على هذا المنكر (لبس غير محتشم وعدم مبالاة بوجود الرجال الاجانب )
مو عشانهم طيبين _على قولتك_ تسايرينهم بالمنكرات
ترى في هذا الزمن ما ينعرف الطيب من البطال بمجرد الكلام الحلو والمجامله لانه صار رخيص وبكل مكان وعلى كل لسان
لكن الطيب هو اللي ملتزم بالشرع لأنه بكذا ماراح يضر نفسه ولا يضر غيره

ادري ان كلامي فيه قسوة شوي لكن عشان مصلحتك لاجل تتوعين لهذه المشكله وما تغلطي غلطتك مره ثانيه

المطلوب منك الان

انك ماتستقبليهم فتره في بيتك عشان لا يجي طاريهم عند زوجك

وبعدين اذا بغوا يزورونك ما يدخلون بيتك الا بعباة

تقبلي مروري ...

العين تزني وزناه النظر طيب اوكي صحيح لكن الرجال شاف شي غريب وناظره والنظره الاولى لك والثانيه عليك معروفه واذا على كلامكم معناته المفروض انه وهو طالع من تحت مدري نازل يكون ماشي ومغمض عينه لين يوصل شقته ههههههه
شوفي عزيزتي والله صراحه الله يعينك الحين الرجال يخقون من وحده لابسه عبايه فكيف لابسه فوق الركبه وبنوته بعد ههههههه
انا ماقهرك بس انتبهي لزوجك ,الرجال ماينسى وحده شافها بالغلط خصوصا اذا كانت حلوه ورشيقه وبرضه مثل ماقالت وحده من الاخوات اهم شي ظل مره
امممم اقولك شي.. انقلي من العماره احسن لك اخاف يجي يوم ويتزوجها بالذات اذا كان زوجك من النوع اللي مايغض البصر عيونه زايغه يعني وعنده فلوس
الله يعينك

كان من البدايه قلتيلهن لا تجني وانتن لابسات كذا
اما اللحين لا تنقهرين ولاشي ياقلبي اذا زوجك شافك مقهوره بيعاند