حامل وحايسه وين اولد ساعدوني

الله يكتب لي ولجميع الحوامل الخير يارب

انا متابعه بالحبيب بس من ناحية زحمه مووووووووووووووووت

بس انا خوفتي وقت الولادة يقولون مافي سرير هذا اللي يقولون زيادة على الطين بله الوحده يكفي الالم اللي فيها وذولي يقولون دور غيرنا

رعاية الرياض يجنن رعايه واهتمام وكمان الغرف حلوه مجددينها0واذا ماتبغين غرفه خذي لك جناح ملكي الظاهر مغطى من التامين بس تزودين مبلغ بسيط اسالي وتاكدي والا روحي شوفيها0والله يسهل عليك

حبيبتي اول شي ماعليك من فكرة قيصري وطبيعي كل مستشفى فيه القيصري والطبيعي ويتفاوت حتى الحكومي فيه
وفيه اخطأه والله المسهل مو المستشفى
انتي شوفي الاهتمام والرعايه لك وللبيبي ونظافة الغرف والكادر الطبي الي فيه يعني ناس عندهم خبره ولا خرابيط
عن نفسي ولدت بالحمادي وكل اهلي ولدوا فيه ونفس الدكتوره ولا شفنا الا العافيه الحمدلله
وبرضوا ناس ولدوا بدله ونفس الشي مدحوه ولا جاهم الا العافيه مع اني اكرهه
انتي روحي لكذا مكان وشوفي غرفهم وجو المستشفى وشوفي راحتك النفسيه وين
وحده اعرفها ولدت بالمملكه وماحبته ابد مو من قل اهتمام بس تقول نفسيا فلما راحت الحبيب تقول برجع للمملكه
عشان كذا هالشي يعتمد على ذوقك انتي ونفسيتك ووش يناسبك وصدقيني شي يناسبك ممكن مايناسب غيرك

الولاده تساهيل من رب العالمين
ماهي بيد أحد
حطي هالشي ببالك وادعي ليل نهار ان ربي يسهل ولادتك ويسخر لك عباده ذيك الساعه

بالنسبه للمستشفيات كثير يمدحون دله والحبيب
بس لا تنسين ان الرياض كلها كابه عليهم
يعني مهما كانوا ممتازين الا ما يطلع عليهم شي من كثرة الناس والزحمه

انا بكلمك عن رعاية الرياض اللي ولدت فيه
بصراحه كلمة زباله فيها ظلم كبير للمستشفى
هو صحيح قديم
وحتى يوم جددوه ما تكلفوا
بس الصراحه خبرات محد يقدر ينكرها
واهتمام بالأم والطفل

صحيح قسم التنويم عادي حتى بعد التجديد
وجناح الولاده قديم ولا رمموه
بس انتي وش تبين بالمظهر دام انهم زينين

الا اذا كنتي من النوع اللي يستقبل بالمستشفى
ويهمك شكل الغرف
فأفضل تشوفين غيره

يسلمووو