توني بخلص شهري الثالث وابي اروح العمرة..نصيحتكم

السلام عليكم يا خواتي الغاليات
ادخل بالموضوع على طول
ادري اغلبكم راح يقولون لي لا تروحين وتجازفين بنفسج .. بس انا ما اعتمرت بحياتي الا مرة واحده وزوجي ماقط مرة اعتمر
كل مايحجز مادري شيصير وينلغي الموضوع
هالمرة قالي تروحين ؟ خفت اني اقولة لا لاني حامل لان الله سبحانه يعلم اني بودي ان زوجي يشوف بيت الله سبحانه لو مرة وحده فجاوبته قلت له ايه
وبصراحه ماحجز على طوووووول راح دفع المبلغ كااامل تذاكر +سكن يعني الكلام مافيه رده ان شاء الله

انا فرحت وايد وقلت بكلم دكتورتي .. بس بصراحه ولا وحده من اهلي شجعتني .. اقصد خواتي وامي
امي الله يحفظها لي متردده يوم تقولي روحي وتحملي بروحج ..ويوم تقولي قعدي يايمه اخاف عليج

بنات شنو تجاربكم ؟؟ ودي تشجعوني يوم الخميس السفر ان شاء الله لمده خمسه ايام ؟؟
ابي وحده تكلمني ..كلموني بنات بليز انا موقادرة اركز
ادعوا لي وان شاء الله بدعي لكم

12 تعليق 1,072 مشاهدة

شاركي في النقاش

سجلي الدخول لإضافة تعليق.

التعليقات

11
  1. @trngh_sfra

    روحي ماعليك الا العافيه انتي رايحه ونيتك زينه
    اهم شى لا ترهقين نفسك الطواف سهل بس السعي خذي عربيه
    والبسي كمامه
    وتوكلي على الله وادعيلي الله يرزقني بالولد الصالح ويسخر لي رجلي ويصلح بنياتي
  2. صاحبة الموضوع
    الله يجزاكم الف خير على الرد

    اختي ترنجه صفرا بدعي لك اهني واذا ربي كتب لي اعتمر ان شاء الله بدعي لك بالطواف
  3. صاحبة الموضوع
    الله يجزيج الجنه يا اختي ام رووق وكل واخت جاوبتني ويرزقج ولادة سهله وهينه وتقومين بالسلامة وتقر عينج بشوفه النونو ان شاء الله .. الحمدالله قلبي ارتاح .. عموما اليوم عندى موعد مع الدكتورة وبقولها وربي يسهل ... الحمدالله الحمدالله الحمدالله

تابعي تجارب أخرى من هذا القسم.