الموضوع مغلق

من قد شافت حالة إحتضار أو أحد يموت قدامها ؟/ قديم

@rog_foshy

قد يحتوي هذا الموضوع على محتوى غير مناسب. عرض الموضوع
السلام عليكم
بنات من قد شافت احد يموت قدامها ؟
أنا سمعت ماشفت جدي الله يرحمه يارب :44:
تقول أمي يوم جته سكرة الموت كان يرفع رجله وينزلها
الين طلعت روحه
عسى مثواها الجنه يااارب ..
ابغى كل وحده تقول لنا الأموات اللي شافتهم وكيف ماتو نبغى التفاصيل أو تعرف قصة أحد مات وكيف مات ؟
عشان العظه والعبره وعشان ماننسى
الأموات ونترحم عليهم بكل وقت :(
الله يرحمنا برحمته :26:

474 تعليق 162,706 مشاهدة

0 0

شاركي في النقاش

سجلي الدخول لإضافة تعليق.

التعليقات

446

  2. @lhn_alhya_13

    موضوعك غريب ...بالنسبه لي مآعمري شفت وان شاءالله ماأشوف

    يوم جانا خبر اخوي انه توفى بحآدث بغينا نموت لحضتها لأنه مآت فجأه (طلع الظهر مسآفر من عندنا وكان في رمضآن وصآر الحآدث عليه بعد ماأفطر هو وخويه ...يآصعبه من لحظه يطلع شخص من عندك ومآتدرين انها رآح تكون آخر لحظه تشوفينه فيها من غير ودآع ومن غير سلآم كل اللي أتذكره انه كآن قبل مآيطلع جآلس يكلم امي وكآنت امي تبي السوق ووعدها بعد مآيرجع ومشى ومدري ليش وقتها كآنت عيوني مركزه على خطوآته وهو يمشي لين مآطلع مع باب الحوش وسكر البآب وراه يآآآه الله يرحمه لاتنسونه من الدعاء أرجوكم.....سبحآن الله فصل ثوب العيد ومآلبسه ....

    نزل علينا الخبر كالصاعقه ومتحملنا فما بآلك بالشخص عزيز عليكٍ جآلس يحتضر وأنتي جآلسه تشوفينه صدقيني يآأختي مآفي اصعب منها عليه وعلى اللي حوله

  3. @rog_foshy

    صاحبة الموضوع
    ^^
    ^

    ياقلبي الله يرحمه يارب رحمه تغشاه وسط قبره
    ياختي لاتنسونه تصدقو عنه كثير لو تعطون قطو ولا عصفور آكل على نيته
    وادعووله بالرحمه كثرو الدعااااااء له

  4. @fofo_aldosryh

    المشاركة المقتبسة غير متاحة.

    وش دعوه مانرد على الموضوع !!! البنت ماقالت شي غلط با العكس التذكير با الموت وسكرات الموت الرسول عليه السلام امرنا به ( اكثروا ذكر هادم اللذات )

    انا عن نفسي اختي الله يرحمها ويجمعني بها في الفردوس الاعلى توفت قدامي كانت من الليل تنازع بس ماكنت

    ادري انها سكرات الموت وكانت تعرق كثييير وبس تقول آه آه تخيلي من الليل لين بكره العصر وجيت اغطي يدها لانها

    كان مثلجه وتناظر فيني واقولها قولي لا اله الا الله ياختي وانا مااااااكنت ادري انها تطلع الروح آآآآآآه يانوره وكانت ترد

    وراي وتتشهد .....

    واذن العصر ورحت الله يكرمكم لدورة المياه وطلعت و وقفت قدام سريرها وتناظر فيني وكانت تتنفس بصعوووبه

    واخر نفس طلع ولاعاااااااااااااااد رجع جيت لها احاول اطق صدرها قلت يمكن منكتمه بس خلااااص

    راحت نوره

    الله يرحمها ويغفر لها وجعل ماجاها تكفير والله يرحم امي وابوي واموات المسلمين

  5. @rog_foshy

    صاحبة الموضوع
    ^
    ^

    فوفو الله يرحمها يارب بس افرحيلها نطقت الشهاده وهذا المهم :)
    من كان آخر كلامه لاإله إلا الله دخل الجنه بأذن الله

تابعي تجارب أخرى من هذا القسم.