زوجي صدمني ياحريم

:icon33::icon33::icon33:
انا حيل مصدومة من زوجي
زوجي اللي عزيته ورزيته وخدمته بعيوني ومدارية خاطره
تخيلو انا حاليا مسافرة مع اهلي خارج الديرة ومعي ولدي
اول ماوصلت اشتريت خط جديد وبعثت رسالة لزوجي
بس ماعرفني ولاعرف فتح الخط
أول مرة يرد على رسالة بها السرعة
قال من معي
انصدمت انه ماعرفني او يستهبل مدري
قمت استهبل واقول له انا فلانة طبعا غيرت اسمي وابغى اتعرف عليك
تخيلو وش رد ؟ كم عمرك !!!!!!!
قمت اجاريه وانا اقنع نفسي انه يستهبل علي وعرفني بنفسه طبعا معلومات خاطئة
وانبسط على السوالف قام دق علي قسم بالله ان لساني انربط مو مصدقة
لما سمع صوتي ارتبك وماعرف يتكلم بعدها قال انا داري انك عبير بس ماتوقعت حركات المراهقين تصدر منك
وبثواني قلب الموضوع على راسي ومارضى يسمع مني ولا كلمة
وانا وربي شاهد علي ولا مرة شكيت فيه او حاولت اختبره :icon33:
طاااااااااااااااااااااااااح من عيني والله انه ثقيل وشخصية تطلع منه هالسوالف مستحيل
نكد علي سفرتي اهلي يطلعون وانا جالسة بلفندق مدري كيف اتصرف معه :44:

77 تعليق 8,845 مشاهدة

شاركي في النقاش

سجلي الدخول لإضافة تعليق.

التعليقات

71
  1. @alkady_lydy_1

    من طق الباب سمع الجواب
    ياختي وش لك بوجع الراس وتسوين اختبار
    الرجال لو تختبرينه حتى بعد وفاتك
    كان تمنيين الموت من زمان

  2. الله يعينك يا حبيبتي

    والله احيانا العمى نعمه

    بس صدقيه اعطيه الثقه واذا شفتي عليه شي تقدرين تحاكمينه اما الحين فلا وخلاص لاتخربين على عمرك بيتك وسفرتك

    والله الدنيا ماتسوى

تابعي تجارب أخرى من هذا القسم.