من فيكم تأمن الشغاله على عيالها حتى لو انها طيووووووووووووبه

السلام عليكم ورحمة الله وبركاته
ودي استشيركم في موضوع الشغالات:angry:
اغلب البيوت فيها شغاله منهم الطيبه ومنهم اللي الله يكفينا شرها
بالنسبه لي عندي شغاله طيبه =على حسب ما اشوف=:(
لكن احياناً الاحظ انها تطول لسانها على عيالي
وهذا نادر جداً
بس ماني قادره اامنها على عيالي وانا خرجاتي كثيره
بالنسبه لعيالي فيهم شقاوه وانا امهم مااقدر اتحملهم احيانا
فهل معقوله تكون معاملتها طيبه مع اولادي في غيابي؟
احياناً اسال عيالي =قالت لكم شئ؟
احياناً يقولون رفعت صوتها علينا
واحياناً يقولون ما قالت شئ

اللي مرت بتجربه تقولنا على شان نستفيد

وبارك الله في الجميع

=== اللهم اني استودعك اولادي ===

31 تعليق 3,101 مشاهدة

شاركي في النقاش

سجلي الدخول لإضافة تعليق.

التعليقات

29
  1. @grooh_alzmn

    اميييييي

    كثير تخلي اخواني الصغار عندها بس هي كانت طويله لسان تسب وتشتم

    بس انا قطعتلها هوا

    اخص شي عندي اذا احد مد يده اولسانه على اخواني الصغار
  2. @hmom_kthyrh

    اولادى لما كانوا صغار كنت اتركهم مع الشغاله .. بش شغالتى كانت حرمه كبيره وخايفه الله .. صحيح كانت تهاوشهم بعض الاحيان .. بس على الاشياء الغلط .. وهذا كان يعجبنى فيها حتى الصلاه كانت تخليهم يصلونها فى وقتها ..
  3. @dmaa_moadaa

    شوفي على حسب عمر عيالك؟
    انا اكبر عيالي عمره 9 سنين واللي وراه 8 والشغاله هبلا من قلب وتطول لسانها قدامي لا وابشرك اول ماشطح نطح احترت على ولدي ليش يعيب عليها قامت قرصت اذونه خخخخخخخخخخخخخخخ>>>>ماقلتلك هبلا لو هي فيها خبث كان ماسوتها قدامي

    نرجع للموضوع .
    شوفي انا لاكانوا عيالي الكبار جالسين اخلي الصغير ابو شهور معها واطلع ماعندي مشكله>>>>>عيالي يهتمون فيه اكثر منها.
    بس لاكانوا نايمين مثلا مدارس او شي زي كذا نو واي مستحيييل اخلي الصغير معها لو شنو حتى لو قلت طيبه وهبلا يختي حنا اوقات لابكوا عيالنا مانتحمل وشلون هم بيتحملونهم اخاف تجلده وانا مدري وهو الفقير لاينطق ولاشي ........
    لاتأمنين وانتبهي>>>>>من زمان قولي الزبده
    الله يحميهم وعيالنا يارب..
  4. @alhnon_25

    انا عندي شغاله قبل كنت امنها اكثييييير عليهم مع انها كانت تهاوشهم لكم هواشها من طهارة قلب

    قلبها ماكان فيه خبث ابد
    اما اللي عندي الحين جديده ولا امنها ابداً مو مرتاحه لها ابد لكن بجلس اراقبها وأشوف والله يسخرها لهم يارب

تابعي تجارب أخرى من هذا القسم.