][][§¤°^°¤§][][ نلتقـــــي لنرتقـــــــي....حياكم الله يابنات قطر3 ][][§¤°^°¤§][][

رووووووووووووووعة ,,,, شكرا يا فديت بناتي !

هلا بنات أنا من زمان أشوف مشاركاتكم و اتابع موضوعكم
بس ما حسيت ان مكاني بينكم .. بس اللي لفت نظري هالمره موضوع حضور الاب زواج بنته " أو عرس الرجال بالأصح" في ناس اللحين ماقاموا يسون هالشي .. وفي ناس مستمرين على هالعاده .. قبل كانت العاده ان العروس تبات في بيت اهلها و بعد اسبوع تنزف بيت ريلها...
والابو ما كان يبات فالبيت . طبعا الحين مافي داعي لأن العروس تبات فالفندق.. وقبل كانوا الحريم يخشون بناتهم وما يخلونهم يطلعون جدام الحريم عشان محد يقول يبون نخطب بنتهم ..وعادة ان الحريم ما يفصخون العباه فعرس الناس الغرب أنا اشوفه شي عادي الكشخه حق أهل العروس و المعرس أنا الغريبه شاللي يدخلني..تصدقين في ناس من أهلي فالامارات عيب عندهم ان البنت تحضر " لاحظي تحضر " زواج حد مب من أهلها...في اشيا بسيطه كانوا الاوليين يسونها بس ما تأثر على مجريات الحياه ولا أظن تأثر على الدين ...وهذي عادات وتقاليد نصحح اللي تتعارض مع الدين و عادي نحتفظ باللي مايأثر على الدين...
موضوعج حلو يا أم حصه بس ساعات الواحد لازم يتأقلم مع المجتمع اللي هو عايش فيه وحتى لو يشوف ان فيه عيوب بس مافي مجتمع كامل ...
وأختي أنا ما أعارض كلام عالم الدين بس كثروا علماء الدين و كثروا اللي يفتون في كل حاجه.. حتى الملابس الداخليه أفتوا فيها شي مب معقول ..
كلمه أخيره..
المذاهب اربعه و كل واحد له ان يتبع المذهب اللي يشوفه صح ..ما نقدر نجبر حد ان يتبع مذهبنا أو اي احد يجبرنا ان نتبع مذهبه...
البدعه هي الزياده فالدين ..وما أظن ان هذا الشي زياده فالدين... والسنه لك ان تتبعيها فتؤجري و لك ان تتركيها فلا تأثمي .. و هالأيام " بعض العلماء" ساووا السنه بالفرض ...
اسمحوا لي يمكن افكاري مش مرتبه بس اهم شي تكون فكرتي وصلت ...

بنت قطر

حياج بينا ..

كفيتي و وفيتي .. و هذا اللي كنت اقوله و ام حصه مب راضيه تتفهم وجهة نظري ان العادات لو ما تتعارض مع الدين ليش نتخلى عنها او ليش ما نحتفظ فيها لانها شي يميزنا عن الشعوب الثانيه .. و لنا الحق في انا نحتفظ فيها مثل ما لغيرنا يحتفظ في عاداته و تقاليده

و علماء الدين اكثروا مثل ما قلتي و صاروا حتى يكفرون المسلمين و العياذ بالله اللي ما يقتنعون بوجهة نظرهم .. للاسف و هذا هو الغلو في الدين

و وفكرتج وصلت حبوبه

و الله يهدي الجميع لما فيه الخير

*bint-qtr*
حياج بينا أختي :)