كوشية ( خدادية ) . . مبتكرة . . !!

مرحبا يا بنات . . . .




أكيد يا بنات أول ما تجوفوني بتعرفوني . . . ،
لأني معروفة . . ، وأكيد وإنتم صغار ياما تسليتوا فيني . .
وكثير منكم حبني أنا الشبكة وحب شغلي بالخيوط الصوف
والسنارة . .




المهم أنا أدري إن فكرتي أكثر من روعة . .
وشكلي وايد وايد وايد حلو . .
لا تقولون مغرورة . . ؟!!
لأن هذا شي واقع وما فيه جدال . . . !!

يمكن تكون فكرتي قديمة . . ، وبتقولون هنايا ليش مصورتني
وتعرضني لكم . . ؟!!
هنايا فكرة استغلالها لي هي الجديدة . .
قبل ما أقول لكم هنايا شنو سوت فيني . .
خليني باللأول أذكركم شلون تسوون فيني الشكل بالخيوط الصوف . .
طبعا إذا تذكرون لازم يكون عندكم خيوط صوف مقصوصة بالقياس
المناسب . . وسنارة . .



تدخلون السنارة في وحدة من مربعاتي . . بحيث تخلون الجزء المتحرك
من السنارة فوق خيط المربع . .



تدخلون الخيط الصوف من أسفل السنارة وبحيث يكون تحت خيط المربع . .



تمسكون طرفين الخيط الصوف وتمررونه داخل الجزء المتحرك من السنارة
وتطلعونه من تحت راس السنارة . .



بعدين تثنون راس السنارة إلى أسفل اليمين . .



وأخيرا تسحبون السنارة . . ويصير عنكم خيط الصوف ثابت على المربع . .




وهذا إللي هنايا سوته لين ما خلصت الشكل وطلع عندها بالأخير عصفورين . .




وأنا كنت مفكرة هنايا حالها حال غيرها راح تعلقني منظر أو لوحة . .
بس تفاجئت لما استغلتني استغلال ثاني روعة . . !!

خذت هنايا كوشية عادية عندها وبدت تخيط أطرافي الخالية من خيوط الصوف
عليها بحيث إنها ثنت أطرافي للداخل وخيطتني بالإبرة والخيط . .
وصرت أحلى وأروع كوشية من ابتكار هنايا . .





22 تعليق 3,528 مشاهدة

شاركي في النقاش

سجلي الدخول لإضافة تعليق.

التعليقات

22
  1. @am_4

    يسلمك ربي هنايا عمل رااااااااااااااااااااااائع ومتقن

    كنت متابعة اعمالك فهي ما شاء الله عليها روعة

    الله يجازيك بالخير اختي
  2. @hnaya

    صاحبة الموضوع
    عزيزتي أم . .

    الله يسلمج ويعافيج

    ولا يحرمني من متابعتج وتشجيعج لي . .

    إللي يزيد مواضيعي تميز وأهمية

    شرفتيني ونورتيني . .


    عزيزتي ام السالم . . .

    الله يسلمج

    مشكورة على التشجيع

    عجبتج الكوشية بغطاها القديم

    بس ما عجبتج بالغطا الجديد . . ؟!!

تابعي تجارب أخرى من هذا القسم.