شاركي في النقاش

سجلي الدخول لإضافة تعليق.

التعليقات

2,011

  1. @byark_alaml_2

    بنات الله يخليكم قولولي:(

    ليا يومين لمن اجي انام جنبي يعورني والله مااقدر انام والله تعبت كل ماانسدح يزيد الالم

    والدكتور اذا ابا اخذ موعد لازم بعد الكريسمس

    الله يسعدكم قولولي هذا الالم طبيعي ولا لا وايش يخففه

    والله خلاص ابا انام بس ماني قادرة مع الالم الله يوفق اللي ترد عليا

  2. @modera

    بيارق الامل
    بنات الله يخليكم قولولي:( ليا يومين لمن اجي انام جنبي يعورني والله مااقدر انام والله تعبت كل ماانسدح يزيد الالم والدكتور اذا ابا اخذ موعد لازم بعد الكريسمس الله يسعدكم قولولي هذا الالم طبيعي ولا لا وايش يخففه والله خلاص ابا انام بس مان…
    بيارق .. والله ما أعرف إذا أنتي مثلي ولا لأ
    بس أنا هاليومين يعورني ظهري و القفص الصدري و أحس ضلوعي بتدخل في بعضها .. واليوم قالت لي الدكتوره طبيعي من ضغط البيبي ..

    يعني من وجهة نظري إذا ألم تقدرين تتحملينه و غير متواصل ويجيك أكثر شي إذا نمتي أحسه طبيعي من حجم البيبي .. انتظري موعدك الجاي وأسالي الدكتور ..
    لكن إذا مره يعورك ,, روحي والله يسهل لك .. والله أعلم تراها فلسفه من عندي بس ممكن تفيدك :bkh:

    رورو .. اجل اصبحتو الله يعينكم :7_5_131:
    اطلعوا تمشوا بالهواء الطلق إذا اشرقت الشمس ..

  3. صاحبة الموضوع
    MODERA
    بيارق .. والله ما أعرف إذا أنتي مثلي ولا لأ بس أنا هاليومين يعورني ظهري و القفص الصدري و أحس ضلوعي بتدخل في بعضها .. واليوم قالت لي الدكتوره طبيعي من ضغط البيبي .. يعني من وجهة نظري إذا ألم تقدرين تتحملينه و غير متواصل ويجيك أكثر شي إذا …
    :( بيارق لاتشكين لي ابكي لك

    والله لو اكتب باللي يصير لي .من الالام يتقفل الملف وافتح كل خمس ايام ملف جديد
    شوفي الالام هذا وقتها في السابع
    اتعب شهر بعدين تزيد معك
    انا االحوض عندي يولع ناااااااااااااااااااااااااار اذا نمت عرفتي النار كأني حاطه كريم هيتنق
    ويروح نص نومي وانا اتنبه واتقلب :(
    والظهر عاد حاله خاصه :16:

    لكن حتى لو رحتي بيقولون لك طبيعي ومن ضغط البيبي و و و يعني بالعربي انتي تأقلمي على الوضع لين ماربي يفرجها



    خخخخخخ اجل نطلع :p والله ميب شينة
    نروح نجيب فطور فلافل وكيدة وفول وخبز تميس ونجي نفطر وننام

    اااه ياريت:eek:
    وش نطلع نسوي البرد البرد اقضب ارضك بالبيت ياختي وماسلمنا من الكحه والحرارة
    >>>صوتها مبحوح:30:



    اليوم بنات انا فكرت اسوي حنيني

    مع اني ماكنت ناويه اسويه لكن مشتريه خبز توست بر ولا فتحته وحرام هذي ثاني مره اشتري وارميه قلت المره هذي تعوذي من ابليس وسوي لك وحطيه بالفريزر وان شاءالله ناويه اسويه:p

  4. @alam_alhnon_l

    رورو وش هو الحنيني يالله قوليلي ممكن أنا كمان أقلدك لأنه التوست موجود وماودي أرميه كمان
    مديره كيفك مع آخر الحمل إنتي بعدي بس ترى عادي حبيبتي لو ودك تولدين الحين إإتفضلي الطريق فاضي <<<خخخخخخخ نعزم على بعض
    أ م نسيبه وحوحو ليش ماجاوبتوني:06::44:

  5. صاحبة الموضوع
    الأم الحنونة ل
    رورو وش هو الحنيني يالله قوليلي ممكن أنا كمان أقلدك لأنه التوست موجود وماودي أرميه كمان مديره كيفك مع آخر الحمل إنتي بعدي بس ترى عادي حبيبتي لو ودك تولدين الحين إإتفضلي الطريق فاضي <<<خخخخخخخ نعزم على بعض أ م نسيبه وحوحو ليش ماجاوبتوني:06…
    مرحبا حبيبتي

    الحنيني هذي اكله شعبيه عندنا في السعوديه وخاصه في القصيم


    عبارة عن

    تمر كاستين تشيلين النوى عنه
    بيالة موية
    ملعقتين زبده كبيرة
    تحطينهم ع النار حتى يذوبوا


    بعد كذا تفرمين توست وتضيفينه عليه وتقلبين تخلينه ع النار حتى يتغير لونة

    وبالعافيه عليك

    ممكن تعصرين شوي فوقه ليمون
    وانا احب اشربه من اللبن
    مو الحليب ممكن اذا تحبي الحليب اشربي حليب معه
    او لين اللي هو عبارة عن نص كوب زبادي(يوقرت)ونصه مويه

    واحلى شي

    اذا حابه تضيفين له شوي حبة سوداء وكمون اثناء الطبخ
    لكن انا مافضل احب طعمه بدون اضافات :p

    بالعافيه ع قلبك


    بنات اعلان هام

    اشوف كثير منكم يشكي من ان الدم توقف

    شوفوا هذا لقيته رد لعضوة في منتدى

    هلالالالالالالالالالا بالغااااااااااالية
    انا سالت امي عن الحلبة تقول ما تنشرب العشرة الايام الاولى
    وتنشرب بعد عشر ايام ولمدة خمسة عشر يوما" فقط يعني ما تطولين عليها
    لان الحلبة اذا شربت في الايام الاولى تخفف من نزول الدم ..


    :30: من شان هيك كتير منكون يتشكي من توئف الدم عنده:p