بعض الامهات تخطئ بالتعامل مع الطفل اللي يتبول عالفراش .. إما تعايره أو تجرحه أو تفشله إما قدام نفسه أو قدام أخوته أو حتى تتضايق ويبين على وجهها الضيقة والغضب والقرف.. بعض الأمهات تسوي كذا وهي بنيتها إنها بتداوي هالمشكله عند طفلها لكن طريقتها قمة الخطأ
الاسلوب هذا بيأثر على نفسية الطفل لآخر حد.. وبتزيد المشكلة عنده وبيكبر وبتكبر المشكلة عنده
والدتك الله يحفظها كانت مرات تسوي معك الطريقة هذي ومرات لا.. لكن يمكن المرات اللي سوت معك الطريقة الخاطئة أثرت بنفسيتك
(ايه حياتك كلها مافيها أي مشكلة نفسية وحاسة انك تمام _ولله الحمد_ يعني بس عندك مشكلة بالجزء هذا بس) المعنى أنه لاتغفلين التأثير النفسي على هالشي..
فرأيي إن بغيتِ رأيي إنك تعرضين مشكلتك هذي مع معالجة نفسية.. مش ضروري تروحي عيادة نفسيه ومدري إيش ممكن تعرضينها في موقع نفسي
(وترا موضوع إنك تروحي عيادة نفسية مو بهالصعوبة.. في مستشفى الحبيب أو أي مستشفى يكون فيه عيادة نفسية.. وإذا عالملف ممكن تدخلين بملف جديد ولاتحطي الاسم كامل)
اللهم إني أسألك بأنك انت الله الذي لاإله إلا هو الواحد الأحد الفرد الصمد الذي لم يلد ولم يولد ولم يكن له كفواً أحد أن يرفع عنك مايؤذيك ويتمم زواجك على خير ويجعل زوجك أحن عليك من الوالد على ولده وينزل عليكما المودة والرحمة والسكينة ويرزقكما الذرية الصالحة
لكِ ولكل من قال آمــــــــــــين :)
*وبضيف شي بإذن الله بيفيدك.. اللي هو تمرين كيجل هذا كثير ينصحون فيه للي عندهم سلس بول أو إرتخاء لأنه بيقوي عضلات قاع الحوض
سويه خاصة وانت منسدحة بتنامين (هو سهل وينفع بأي وضع كنت.. نايمة جالسة واقفة أي شي)
دعواتكم خواتي عروس وأتبول في فراشي مثل الأطفال(استوفى حقه من الردود)
متابعة النقاش، صفحة 91