كيس بحجم 11 سم عالمبيض...؟؟؟؟

ياخواتي ..ساعدوني

اختي مو متزوجه ... فيها كيس على المبيض بحجم 11 سم
قالولها لازم عملية فتح بطن ويطلعون الكيس بالكامل..لانه وايد كبير
ياخواتي .. من سوت هالعملية...؟؟؟
ياريت تساعدني وتقولي شلون العملية وكم فتره العملية وشكثر تحتاج تقعد بالمستشفى
ومنو الدكتور الشاطر بالكويت اللي يعرف يسويها ؟؟؟

6 تعليق 12,790 مشاهدة

شاركي في النقاش

سجلي الدخول لإضافة تعليق.

التعليقات

6
  1. @bnt_mgrn

    و الله ما عندي فكرة ..
    بس ممكن تستخدمين أداة بحث في المنتدى بتحصلين الرد إن شاء الله ..
    الله يشفيها و يعافيها و يحفظها من كل سوء ..
    لا بأس طهور إن شاء الله ..
  2. حبيبتي ... للاسف انها مو متزوجة ... عندي سؤال واحد هل هذا الكيس قاعد يكبر ... لان هني يكون الخطر ... اما اذا كان ثابت خليها تشوف د. ناهدة العلي وتلفونها 5656886
    عيادتها في ميدان حولي شارع عبدالله الفضالة .

    او اي دكتورة شاطرة ... لان الدكاترة الشطار بالكويت وايد ...


    انا بصراحة صار معاي هذا الكيس لما كنت متزوجة ... وقالتي خلينا انشوف اذا حجمه يكبر ولا لاء ولما جيت في الشهر اللي بعده قالت لي ما في داعي انشيله لانج حامل ... خفت اكثر لكن بمجرد ما وصلت الشهر الخامس كان الكيس تلاشى ولم يعد له وجود.

    واذكر انها قالت لي نفتح فتحة صغيرة فوق المبيض وندخل المنظار عن طريق فتحة بالسرة ... لكن لما شافتني حامل ... قالت ما في داعي لكل هذا
  3. صديقتي سوت هذه العمليه والحمدلله هي كويسه
    بس طبيب قال لها الكيس من استحمام في وقت دوره
  4. إذا كان الكيس مايكبر خليها تستخدم

    ميراميه ومردقوش واقل من شهر راح يختفي
    والخلطه تنشط المبايض وتنظم الدوره وتزيل التكيسات على المبايض
    وتخفض هرمون الحليب
    ومجربينها بنات المنتدى وانا بعد والحمد لله اختفت الاكياس

    وطريقتها

    تاخذ ملعقه ميراميه وملعقه مردقوش وتصب عليها ماء مغلي وتغطيها وتتركها

    حتى تصير دافيه وتشربها بدل الشاهي

    والله يشفيها
  5. @shantyla

    انا سويت عمليه فتح البطن وشالو لي الكيس وانا لسا ما اتزوجت وانا الحين لي سنتين متزوجه ولا حملت الحمد لله على كل حال

تابعي تجارب أخرى من هذا القسم.