سينــــــــابـــــون لزيز ومجرب (( انقذوني :( ))

21 ديسمبر 2009

شوفي حبيبتي أبغى أعطيك طريقتي في السينابون مع بعض النصائح إذا إتبعتيها مضبوط إن شاء الله تنجح معك هذه المرة :
جيبي كوب كبير ماء دافئ طيب واخلطي معه 4 ملاعق حليب بودة وملعقتين خميرة وملعقتين سكر ناعم وحبة زبدة صغيرة ابو 150 غرام سيحيها على على النار وحطيها عليهم واخلطيهم مضبووط إلين يذوب كل شي مع الحليب ok بعدين جيبي ثلاثة أكواب دقيق أبيض فاخر وحطي عليه ذرة ملح وضيفي الدقيق شوي شوي على الخليط حق الحليب واخفقي بالوسك أو المضرب اليدوي السلك واستمري حطي شوي دقيق واخفقي وهكذا إلين تشوفيها بدأت تتكون عجينة شيلي المضرب واعجنيها بيدك إلين تخلص كمية الدقيق وراح تلاحظي إن العجينة لينة جدا وزي القطن وإذا لقيتيها مرة تلصق ضيفيلها شوي دقيق وأعجنيه مضبوط وإذا إنتهيتي من العجن رشي دقيق في المعجن حتى ماتلصق فيه بعد ماتخمر العجينة رشي على العجينة شوي من فوق وشوي تحت وغطيها بمنشفة وأتركيها تخمر لمدة ساعة كاملة وبعدين قسميه أربع أقسام إفردي كل قسم بس مو مرة تخليها خفيفة خلي فيها شوي سمك وادهنيها زبدة ورشيها طبعا سكر وقرفة وشوي شوكلاته بودرة عشان اللون وأبرميها وقطعيها حلقات بسكين يكون حاد ورصيها بصينية وإذا خلصتي كل الكمية غطي الصينية بمنشفة واتركيها نص ساعة لين تنفش لمدة نص ساعة وبعدين دخليها الفرن
جينا للفرن أسفة أطلت في الشرح بس عشان الأخت تستوعب مضبوط لأني رحمتها لازم تتعلم العجين وماتستسلم المهم
خليه بالرف إللي بالوسط مو تحت عشان لا تنشف وحرارة عاليه وخليك جنبه لأنها بسرعة تتحمر أول ماتشوفيه صار لونه أصفر من تحت خلاص شعلي عليها من فوق تحمر شوي بسيط وطلعيه وأول ماتطلعيها من الفرن غطيها بالمنشفة حتى لاتنشف مع الهواء وبعدين لابردت شوي رشي عليها الصوص وبالعافية ترى هذه الطريقة تجنن يارب تضبط معاكي وهذه العجينة أنا سرت أعتمدها في كل معجناتي أكثر من رائعة والله .آآآآآآآآآآآآآآآآه تعبت سامحوني عل الإطالة وأنتظروني بإذن الله راح أنزل لكم الطريقة قريبا بالصور
ترى هذه الطريقة اخذتها من فتافيت للأمانة

سينــــــــابـــــون لزيز ومجرب (( انقذوني :( ))

التعليقات

طريقتي السهله تخلي سينابونك خيييال

بسبوسة السينابون

صوص السينابون

سينابون خطيررر

مساعده ممكن عجينة سنابون مضمونه