كيف الحال والأحوال إن شاء الله تمام
من أول نفسي أنزل لكم بعض الصور لكن وصلة ججوالي ضاعت وأضطريت أرسلها لجوال ثاني
وأنزلها لكم صراحة الشغلة متعبه وتاخذ وقت لكن قلت صورت لازم أنزلها لعيون الحلوين
وإن شاء الله بعدين أستمر معكم بالصور إذا شريت وصلة
المهم
طبعاً الأربعاء خليته لنفسي وبس
والخميس /
رتبت البيت سريع سريع
+ رتبت فراش الأولاد وغيرت أكياس المخدات ونفضت فراشهم ورتبته من جديد
+ مسحت بعض الأجهزة الكهربائية اللي دايم أستعملها
المولينكس يدي اليمين وتساعدني كثير
**
الميكروويف
من برا قبل
من جوا قبل >> لا تدققون كثير كأنكم ما شفتوا شي *.*
وهذا بعد التنظيف وحطيت فيه كأس ماء فيه ليمون وشغلته يمكن دقيقة ونص أعطا ريحه خفيفة وحلوه
+ مسحت الغلاية والأسلاك تبعها
+ غسلت برميل الزبالة بالعملاق لكن ما صورته
**
بعدها رتبت درج الأكياس لفيت الأكياس الصغيرة على شكل رول وأكياس الزباله طبقتها
قبل
بعد
*******
طبعاً في بداية هالأسبوع غسلت شفاط المطبخ ونظفت فوق الدواليب
وهذي صورة الشفاط بعد التنظيف
****
كمان حاولت أستفيد من الفراغ اللي تحت التسريحة حقتي اللي ينحط داخلها الكرسي
كان مكانها مهمل وفاضي فأستغليت المكان بحيث أني حطيت علب الموية الكبيره
قصيتها وحطيتها بحيث أنها صارت أدراج دائرية
وفكرت أحط فيها الجزم مثلاً أو أي شي بصراحة فادتني كثير
وهذي صوره له بس طبعاً لسى ما كملت العلب .. كل ما فضيت وحده قصيتها وحطيتها فوقهم
طبعاً كتبت رد فيه الصور أنمسح فجأة أنقهرت لكن قلت هيهات هيهات أن أيأس >> ترا متعوب عليها *.^
ورجعت كتبت الرد مرتوووون ثانيتوووووون >>>> ما تقلد أحد ترا :22:
************
********
***
بناااااااااااات دعواتكم أني ربي يسهل الشغل عليه ويعني ويقويني
ناااس كثير يقولون ماراح تقدرين بتتعبين كذا .. لازم شغالة
يحطمون بس ما عليه.. هم والله طيبين وما يبغوني أتعب
لكن أنا نفسي أحد يشجعني ويكونون واثقين أني راح أقدر أسيطر ع الوضع بدون شغالة
يا ربي تعيني وتقدرني وتساعدني توكلت عليك يا الله