ألي طااقه تسبده من الناااااس تدخــــــــــل...

والله ياكلامكم يبررررررد الخااااااااااطرر

انا الحين صرت ماطلع واجد من بيتي ولااجتمع مع العالم الا في عزايم رسمية ومافي امل اتهرب منها..

واذا كان عندي فرصة اني ماروح لها ...اسوي اللي براسي ومارووح<<مع ان امي تاكلني بالهواش

غير اللي حواليني يقولون انتي انطوائية انتي مدري ايش..!!!

طيب انا وش اسوي بعمري

انا انسانة اكررررررررره المظاهر..والتكلف..ولاتجيني وحدة تطيرين للسماء بلسانها الحلووو واوول ماروح تاكلني بالكلام وتحش فيني

مع اني الحمدالله البس من افضل الماركات واركب احسن السيارات

يعني لو بتفشخر زي هالعااااااااالم كان ماسكت

بس انا اكررررررره هالشي..

صارت مملة الاجتماعات الان..

صارت الاجتماعات عيووون تتلفت يمين ويسار ولسان مايهرررررررررج محطوطين على الصامت

وان اهرجت قالت ..تهقين شنطتها تقليييييييد...يوووه لبسها شايفته قبل كم شهر بزارا

او..مو هذا اللبس اللي لبيسته بعزيمة بنت عم جد خالتها..!!!

يوووووووووه شوفيها مرررة قرووية لابسة كعب عريض..ماتدري هالقروية ان الموضة كعب مسمااااااااار وطوله عشرة متر..!!

وعنبوووو بليسهن...السنتهن ماتتتعب..

وش دخل امكم اذا كانت شنطتها ماركة اولا..ولاوش شكل كعب جزمتها..!!!!

اخبر كنت مرررررة بعزيمة..ومعاي شنطة ماركة..فتحت الشنطة بطلع لي منديل..الاجنبي وحدة شوي وتطب داخل الشنطة

عشان تشوف هل القماش من داخل..زي قماش الشنطة الاصلية ولالا؟!!!


واقوولكم سالفة ثانية..في عيد الضحية..عيده اهل زوجي واجتماعهم يكون عشاء بالليل

تخيلوو كان مررررررررة مقررف..وممل

كل واحد حاط شنطتها الماركة ياقدام رجوووووووووووله ولابحضنه..!!

واذا كانت حاطته جنبه ..كل شوي تشيله وتحطه قدامنا ؛؛<<شوفو ياعالم ترا شنطتي بخمس الالاف..!!

والبعض كان مسوووووي مرة نفسه اتيكيت وهم من جنبه..مايتقهووون.. ولايشربون ولاشي ولاياكلون ولاقطعة شكولاته..ومافي سبب..!!

مع انهم بغير المناسبات لما يجلسووووووووون ماتشوفين ماياكلون الاالخرابيط..

يقهررررررون صراحة

الواحد وده يمسك دلة القهووة ويتفنجل ويمخمخ مع السواليف ويفلهااااااااااا بالعيد..وبغير العيد

والله رحت لبيتي وانا اتحلطم عند زوجي خخخخخ اقوله ترا اول ماصل بسوي لي قهوة ماتقهويت زي العالم والناس..

ولااخذت راحتي بالاكل:(

"
والحين مو بس الحريم صارو كذا..حتى البنات الصغار اللي بالابتدائي صاروو اشد والعن

مايهرجون الابالماركاااااااااات وتشوفينها تحط من هالمكياج<<اكره المكياج على البنات الصغار احسه يخرب برائتهم مع انه الحين اللهم ياكافي مافي براءة مثل زمان اول

الله يخلف علينا بس...

مرت اخووي مرة بعزيمة عند اهلها..تقول جت بنت اخووه برابع ابتدائي ومسكت بنت اخوي الصغيرر اللي عمرها سنتين

من عند الرقبه تبي تشوف وش ماركة اللبس..!!!

تقووول عاد والله جلست البنت تهرج عن اسماء ماركات تقووول انا يالكبيرررررررة مدري وش هن..!!!


اخبر قبل احيانا اذا زارونا بنات خالتي القريبة منا حيل..يجوونا ببجامتهم او قمصانهم وحنا نفس الشي

وكانت جلساتنا قمة قمة في الوناسة


وفجاءة تغيرو صارو مايجونا الابمكياج كاااااااااااااااااامل..!! ولبسهم مايتكررررررر تقل رايحين عزيمة رسمية


غير اذا كنتي رايحة لاقاربكم والصالة اللي جالسين فيها ..فيها تلفزيون..يصير كل وحدة تحط عينها بالشاشة وماتهرج الااذا جت تعلق على المطربة الفلانية ولاالمكياج الفلانية


:


ااااااااااااااخ ياليت الزمن بس يرجع ورا اقل اقل اقل شي 15 سنة..قبل ماتجي الدشوش

والجوالاااااااااااات


كانت العالم قلوبهم على بعض..

كان لكل شي طعم ولووووووووووووووون

كان الواحد ينقهر ووده يصيح اذا جا ء وقت روحة الضيوف من كثر ماهو مبسووط منهم

مو الحيييييين الواحد يعد الدقايق والثواني يستنى متى هالضيوف يطلعون من عندهم


الحياة الحين..مجرد مظاهر وتكلف واستغلال..وشووفة نفس<<< يعني تراك بنت عزز

اذا صرت طيبة وحليلة معهمم..راح يقولون مسكينة على نياتها ..غبية..بريئة..

الاطبعا من رحم ررررررربي..وتعامل معاك بنفس طيبتك


ياليت والله فيه حملات وندوات ومحاضرات عن هالشي اللي صاير وذابحنا ماديا ونفسياااااا

آآآآخ .. كله كوم وإذا صرت حسنة النية وأعامل الناس بنفس اللي أحبهم يعاملوني، وأتقبل كلامهم وتصرفاتهم بناء على ما أفعله وأتصف به .. يعني بالعربي : مثال : يكذبون وأصدقهم .. وأتكلم معهم بكل صدق وهم حاطيني أكبر كذابه ..- لكن عرفت من خلال الحياة إن كل يناظر الناس بعين طبعه - فعلا الكذاب يكذب الناس، والحسود يخاف من الحسد، والنمام يخاف تنقل كلامه، والملقوووووووف يخبي كل شيء يخاف تتلقف عليه أو تحقق مع عيالك إذا شافوا شيء عنده مثل ما يخلي أطفاله على كرسي الإعتراف إذا جو من بيت أحد .. حتى تموت براءتهم وتصير وظيفتهم جمع أكبر قدر من المعلومات لإنقاذ نفسه من بوتقة التحقيق - مسوية مثقفة ههههههه .
لكن أسأل الله أن يرد الجميع إليه رداً جميلاً .. والله لو تطبقت سنة نبينا صلى الله عليه وسلم كان ما شفتي ولا مشكلة ..منها " من حسن إسلام المرء تركه ما لايعنيه " " انظر إلى من هو أسفل منك " " أحب لأخيك ما تحب لنفسك " أو كما قال صلوات ربي وسلامه عليه ..

والله توي جايه من جمعة حمووولتي الله لا يغير عليهم ماشاء الله قلوووب بيض وروااااق بالسواليف وحبابه ماتملين القعده
اما مجتمعي انا مهو بس يحومن التسبد يجي شي مدري وشو وه بس خربتي علي وناستي
انا تعديت مرحلة موجت التسبد بديت ارحم اللي تناغر ولا الي انا غنيه انا بنت نعمه احيانا افشل لهن من الناس ودي يسكتن
ههههههههههههههه
ترا هذااا كللللله يرجع للقناعه والثقه الحمد الله يارب
واستغفر الله على هالحشه صبحية الجمعه

أأأأأأأأأأأأأأأخ والله جبتيها على الجرح ماعاد في اعتدال او وسطية بالمجتمع الناس انقسموا أما تكون جدية ورسمية معك وطول الوقت ساكتة وتصيري تخترعي حكي من عندك مشان يتحرك الجو شوي
او ناس مابتحكي كلمة الا تكون نميمة وسب ولو سمعتيها اخذتي ذنوب ومعاصي
>>>>احترنا ياقرعة من وين بدنا نمشطك
والله لقيت احسن شي الوحدة تعتزل الناس وتصل رحمها بالمعقول وبالوقت الفاضي تقرأ شي كتاب او قصة
:icon35: