الموضوع مغلق

الفزعه تكفون يابنات الرياض

اخواتى هذي اول مشاركة لي وابغاكم تساعدونى وبالذات بنات الرياض

ابغى اعرف احوال الاسواق عندكم في شعبان عشان ابغى اضيفكم بعد اسبوع

انشاء الله بشتري ملابس للعيد وابغى اسئلكم كم سؤال
1/افضل محلات ملابس الاطفال وخاصة الاولاد عندي ولدعمره سنتين ونصف

وافضل محلات الدقلات وابغى افكار جديده فى الدقله غير القماش التقليدي
2/افضل محلات الملابس النسائيه الماركات وغيره

3/سوق الجمله الى في شارع الثميري
4/مراكز الملابس الكبرى الى زي الهرم


ولكم خالص حبي وتقديري

3 تعليق 1,041 مشاهدة

شاركي في النقاش

سجلي الدخول لإضافة تعليق.

التعليقات

3
  1. @am_rha

    الأخت راجين بالنسبه لملابس الأطفال عندك محلات كثيره في العليا مول وخاصة محل اوكيدا عنده بضائع حلوه وكمان في صحاري بلازا عندك في الدور الثاني محلات لملابس الأطفال0
    بالنسبه للملابس الجاهزه في صحاري بلازا محلات بماركات عالميه وحسن ما في صحاري بلازا انه صغير ومتنوع ومرتب تلفينه على طول هذا الي اقدر افيدك فيه مع تحياتي0
  2. @ragyn2003

    صاحبة الموضوع
    تسلمين حبيبتي ام رها الله يحفظلك رها يارب انت الوحيده اللى جبرتى بخاطري الله يجبر بخاطرك ماادري فين بنات الرياض ياخساره كذا تستقبلون ضيوفكم ضيفتكم تطلب منكم المساعده و26 قراءه ولا احد يرد غير ام رها الله يسعدها في دنيا واخره

    حبيبتى ام رها ايش احسن محلات نسائيه وماعندك فكره عن الدقلات ولك خالص حبى واحترامي
  3. @am_rha

    الأخت راجين2003
    معليش اذا كنت تأخرت بالرد بس النت ما رضى يفتح معي0 بالنسبه للدقلات بصراحه ما فهمت قصدك واذا كنت تعنين الجلابيات ف صحارى مع المدخل الثاني فيه كم محل له0اما بالنسبه لمحلات الملابس النسائيه فيه محلات كثيره للسبورات والرسميات وكمان تقدرين تنسقين بين القطع 0 وانصحك انك تتجنبين الماركات الي لها فرع في كل سوق وعليك بالماركات الي فروعها محدوده واذا بغيت التميز فشارع العليا العام فيه محلات حلوه واذا كنت محظوظه ومن الأوزان الخفيفه فراح تحصلين الي تبينه بسرعه0
    وبالنسبه للمراكز لكبيره مثل الهرم هو مفيد من ناحيه البيجامات الداخليه والخارجيه للأطفال وعليك بالسدحان للملابس مرتب0 وواسع0
    ويبقا شيء واحد نسيت ما قلته لك في المره السابقه اهلين فيك في العاصمه 0 واي سؤال ثاني انا في الخدمه0 مع تحياتي0

تابعي تجارب أخرى من هذا القسم.