" الى كل اللي راحوا لاستراليا "

وش ذا حرااااااااام عليكم ..
انا قاعده على احر من الجمر ولا وحده ردت !!!!!
وانا شاده الظهر فيكم وين اللي كانوا باستراليا !!!
شكلي بزعل منكم مسرع نزل للصفحة الثانيه انا قلت ابروح وارجع والقالهم على طول رادين بس لقيت العكس !!!!

السلام عليكم اختي ليدي
ادخلي قسم المغتربات وشوفي موضوع انتي في استراليا...تفضلي للكاتبه الاخت عاشقة الباطنه
وراح تلاقين كل اللي تبغينه وكل البنات متكلمين عن المناطق اللي متواجدين فيها
واي استفسار انا في استراليا....

السلام عليكم و رحمة الله
هلا اختي العزيزة

انا من الامارات و قبل فترة بسيطة اختي سارت مع زوجها شهر العسل
ساروا اول شي ماليزيا بعدين استراليا
المهم انهم ساروا((( جولد كوست )))لا يفوتج احلى مكان عندهم و على البحر تقول روعة روعة
و عندهم وايد اماكن للسياحة و بحرهم رهيب حتى تراب البحر مثل الذهب تقول تبين تاخذينه و تودينه معاج ههههههههههههههههه
و الجو عندهم برد الحين عندهم شتا عكس العالم
و اكثر شي عجبهم هناك معاملة الناس
يقولون شعب طيييييييييييييييييييييييييييب وايد و يحبون العرب و يحترمونهم واااااااااايد

ان شاء الله تروحين و تستانسين
و الله من كثر المدح و الصور الحلوة اللي شفناها ودي انا و ريلي نسير لها
بس مشغولين الحين :(:(

اتمنالج رحلة موفقة

ان شاءا لله ربنا يكتب لنا نزورها وراح ارد لك على كل اسئلتك:) بس ادعي لي:)

والله شوفي يالغاليه انا رحت لها وبصراحه لاتفوتينها تجنن0000بالنسبه للجو الحين برد لانهم عكسنا اذا كنا صيف هم شتا والعكس صحيح000المهم انا رحت لها وقت صيفهم يعني عز الشتا عندنا وكان الجو خيال الا انه بالنهار في سدني شمس حاره شوي 00اهلها ناس محترمين ويقدرون العرب ويحبون ياخذون ويعطون معاهم ومبتسمين وعلى فكره كثير المحجبين هناك وخاصه المصريات المهاجرات طبعا فيها مهاجرين كثير بس اكثر شي تلقينهم في سدني انا كنت لابسه عبايه سودا والحجاب مره اسود مره ملون عادي ماينقدون 00طبعا احلى شي القولد كوست اللي هو الشاطيء الذهبي هذي احلى مدينه ساحليه تجنن ونضيفه والموج يمكن مترين وشوي بصراحه خيال وحواليه المطاعم والاسواق والفنادق تتمشين على رجولك مايحتاج سياره طبعا اسكني فندق انا هوتيل 5ستارز وخدمتهم ممتازه بعدين كل فنادقهم موجود فيها دسك بوك هذا مكتب صغير عنده بروشرات لصر الاماكن اللي تبغين تروحين لها تطلبين سياره توصلك لهاالمكان طبعا يقولن لك السياره بتمر الساعه كذا واذا نزلكم في المكان يقول لكم متى اجيكم00طبعا قعدي اسبوع هناك عالاقل لان فيها اماكن كثيره حلوه المدينه المائيه والدريم وورلد واللموفي وورلد لاتفوتك خصوصا اذا معك صغار فيها عروض رائعه 00وفيه سدني انا اعتبرها عاصمه الحضاره انا سكنت الفورسيزن فيها بصراحه تجنن وفيها اسواق كثيره بس مااتذكر اسمائها الحين بس فيه سوق اسمه هاربو ماركيت يبيع الماركات بسعر الجمله حلو روحي له بس الضاهر انه بالقولد نسيت صراحه اسالي عنه00على فكره سدني مليانه عرب مهاجرين وانتبهي منهم تراهم نصابين لاتعطونهم وجه00بالنسبه لملبورن قمه كان الجو بس كان خضره وامطار وبرد وثلووج وكلها عرب لاحضي كانوا بالصيف يعني اتوقع الحين انها ماتصلح عموما اسالي عن درجه حرارتها برزبن لاتروحين لها مدري ليش ماحبيتها0000والله استراليا روعه اتمنى انك تستانسين فيها