كيف اسوي جدول للخادمه.....؟

up لعيونك

السلام عليكم ورحمة الله وبركاته
انا يا أختي عندي بيت دورين وشغالة وحدة وراح اعطيك طريقتي اللي اتعودت عليها وهي
اول ما تصحى طبعا تصلي وبعدين تجهز الفطور وتحطه على الطاولة وتروح ترتب الدريتي كتشن وتغسل النحاس اذا كان فيه وبعد ما نروح لاعمالنا تخرج لحمة والا دجاج اوسمك وتبدأ تنظف المطبخ وتمسحه وبعدين وانتم بكرامة تنظف دورات المياه الخاصة بالعائلة وهي 4 وبعدين تمر على غرف النوم الخاصة بابنائي وترتبها وتكنسها وتنظف الصالات الخاصة بالعائلة واثناء ذلك تحط الغسيل الخاص بالمطبخ او مفارش الحمام الله يكرمك وطبعا بعدها تنظف الدرج تكنسه اول على الناشف بعدين تمسحه بالديتول والصابون المعطر وبعدين تخرج تكنس الحوش
طبعا غرفتي انا انظفها وايضا غسيل الملابس انا اغسله مرتين بالاسبوع

ما تجي الساعة 10الاوهي مخلصة كل شي وتبدأ تروح تفطر لانها ما تحب تفطر قبل ما تشتغل وبعدين تروح تبدأ تطبخ وتبخر البيت ونجي من اعمالنا الاوالبيت يلق ما شاء الله عليها الله يخليها لي ولا يحرمني منها
طبعا مجالس الضيوف وحمامات الضيوف مهو كل يوم مرتين بالاسبوع في العصر ويوم الخميس والجمعه اما الكوي بعد المغرب كل يوم تاخذ لها شوي تكويه
وسلامتكم

نسيت اقولك ان التنظيف الكلي هذا كل يوم تنظف شي مثلا يوم السبت اثناء تنظيفها لدورات المياه تنظف حمام بنتي تنظيف كلي وتغير المفارش وستارة البانيو وتعطره وهكذا الخ الخ الخ ................................. يعني ما يخلص الشهر الا والبيت كله مر عليه التنظيف الكلي
بس المطبخ احب اكون معاها يوم التنظيف ارحمها و ترتيب دواليب الملابس دايما وهي تنظف غرف نوم العيال
لكن انا ارتب الترتيب الكلي للملابس كل فترة اشوف الملابس اللي صغرت على العيال اشيلها
وهكذا
كمان الحوش نجيب عمال للتنظيف الكلي كل اسبوع وتكون هي كل يوم تنظفه تنظيف خفيف ما يتعبها تكنسه على الناشف وبعدين تمسحه بمنشفة مبلولة بالعملاق او اي منظف وطبعا هي اللي تسقي الزرع دايما

ونسيت اقولك اهم شي انك تخليها ترتاح بعد الغدا تغسل نحاس الغدا وتاخذ غداها وتروح لغرفتهاوترتاح لحد العصر
وفي الليل طبعا بعد صلاة العشا نحط عشانا وعادة يكون خفيف وتنظف المطبخ وتروح لغرفتها
طبعا انا محرصه على عيالي بعد العشى واذا راحت غرفتها ما يطلبون منها شي لان هذا الوقت من حقها


ان شاء الله اكون افدتك وما اكون نسيت شي لان عندي الذاكرة يبيلها فرمته
:26::26::26:

اهلين
يعطيك العافيه ام رامبو
من جد ماقصرتي ربي يسعدك
والصراحه اعجبني نظامك مع الخدامه
الله يسخرها لك دووم

وشكرا ياعمري

السلام عليكم
أهم شيء ينبغي مراعاته عند وضع الجدول / عدد غرف المنزل , عدد الأشخاص والأطفال في المنزل فكلما كثروا كلما كثرت أعباء الخادمة سواء في الغسيل أو الكوي أو الطبخ أو التنظيف ، لذا ينبغي التخفيف عنها وعدم تكليفها مالا تطيق ...ويحكمه أيضاً كثرة الضيوف أو قلتهم أوعدمهم
بالنسبة لي أنا بيتي دورين وموظفة وعندي طفلة ، وطريقتي مع الشغالة هي أن العمل إذا كان منظم يكون أسهل لذلك وضعت لها جدول يتضمن ما يلي :
الأعمال اليومية /غسل الحمامات ، الصالة ، غرفة الجلوس في الطابق العلوي ، المطبخ ، مع الحرص على ترتيب البيت بشكل عام والاطلاع على جميع الغرف ..
ثم يقسم البيت بحسب أيام الأسبوع
السبت / بالإضافة إلى الأعمال اليومية يضاف مجلس الرجال ..
الأحد / ................................يضاف مجلس النساء ..
الاثنين /................................يضاف المستودع ...
الثلاثاء /...............................غرفة بنتي + المقلط
الأربعاء /..............................غرفة أم زوجي +الدرج
الخميس /غسيل الملابس والكوي لأني أكون خارج البيت في هذا اليوم
الجمعة / غرفتي مع الحمام وطبعا أكون معها فننتهي بسرعة
أما الحوش فتنظيفه لايحدده وقت معين ، يعني ممكن أقوم أنا بغسله أو هي
مع العلم أنها لاتطبخ إلا وجبة الغداء فقط ، لأننا نفطر في الدوام ولا نحرص على العشاء ، باستثناء ابنتي التي تدرس في التمهيدي أي أن المجال والوقت معها طويل لاستيعاب هذا الجدول ..
بالنسبة للتنظيف العميق لأي غرفة في المنزل فإن يدي بيدها , ولا أدعها تقوم بها لوحدها لأكون على اطلاع كامل بكل شيء فيه , فأنا أولاً وأخيراً المسؤولة عنه..
أرجو أن أكون قد أفدتك


......................