مكياجك في المناسبات والزواجات كيف تسوينه



السلام عليكم

مرحبا بنات حواء

اختكم راحت لمركز في احدى المناسبات لعمل مكياج

وماعملوه كويس

ولاني مااعرف كيف اسوي مكياج السهرات ماعرفت كيف اتصرف


ياليت كل وحدة تدخل وتقول كيف تسوي مكياجها

اهم شئ الاساس ايش تستخدم

وايش ميزة هالاساس هل هو ثقيل او عادي

وكمان تقول نوع بشرتها

6 تعليق 1,269 مشاهدة

شاركي في النقاش

سجلي الدخول لإضافة تعليق.

التعليقات

6
  1. @bnt_alhfr

    شوفي الاساس لازم يكون ثقيل وبرضوا البودره لازم تحطينها اكثر من طبقه
    ولازم تحطين شوي مويه في الفرشاه حقت الشدو علشان يكون ثابت
  2. @bnt_alhfr

    لا ابدا ماتحسين كذا هذا شي
    والشي الثاني انه في الحفلات لازم يكون لون البشره ساطع
    بس انا ماادري انت من وين لان اللي اعرفه ان اللي في الرياض يحبون الميك اب خفيف
    وحنا عندنا الثقيل مثل الكويت وكل منطقه غير
    انت قولي لي انت من وين وانا اقولك كيف تضبطينه خفيف ولا ثقيل واعطيك بالتفصيل وش تشترين
  3. @othab

    صاحبة الموضوع
    يسلمو بنت الحفر

    انت من حفر الباطن ياحبي لاهلها

    شوفي اختي انا احب الخفيف لكن في نفس الوقت ابيه مميز

    اذا مافيه كلافة تقولين لي الطريقة حقت الخفيف والثقيل حتى اجربهم الثنتين

    ولو ماعجبني الثقيل اوريه اختي لانها تحب الثقيل

    وتسلمي , الله يجزاك خير ويسعدمك
  4. @bnt_alhfr

    اللي بتستخدمينه للميك اب الخفيف هو اللي بتستعملينه للميك اب الثقيل بس الفرق هو تحطين كثير او خفيف
    شوفي حبيبتي
    1- اغسلي وجهك ويستحسن بمويه بارده
    2- جففيه وحطي مرطب عادي جرجنز او اي شي بس احسن شي جربته هو لانه خفيف ومايخلي الكريم يتكتل
    3- حطي كونسيلر من ريميل وهو ب30 ريال على الهالات عشان يثبت الشدو وحطيه بعد على حوالي الشفايف عشان المنطقه هذي سمراء
    4 - حطي اساس ديور رقم 718 ب 156 ريال على كل وجهك ماعدا الهالات
    وبعدين بودره بوتيك رقم 7 ب35 ريال وهي احسن بودره جربتها لاني جربت لانكوم ونينا ريتشي وديور وماعجبوني
    وطبعا البودره ماتحطينها على الهلات
    5 - تحت عيونك تحطين بودره سايبه (حره) عشان اذا تناثر شي من الشدو تزيلينه بلفرشاه بسهوله
    6- كملي باقي مكياجك عادي واذا خلصتي حطي اضاءه على وجهك واختاري اللون اللي يناسب لبسك ومكياجك
    فضي او ذهبي وتحطينها على عظمه الانف وعلى الخدود اللي من جهه الانف
    واحسن شي
    الفضي من شارمل ب45 ريال
    الذهبي على لؤلؤي من ال جي ب55 ريال
    وبسسسسسسسس

تابعي تجارب أخرى من هذا القسم.