فيني شره يهد جبال ودمعتي نزلت من هالمجتمع التعباااان

اقسم بالله جيتي على الجرح


انا تعبت من كل الي حولي

وهم عندي اكرمهم واحترمهم واثاريهم يكيلون لي بمكيال الحقد والغيره

ياما جاني من ورى طيبتي

بس والله ماندمت

لاني شفت نصر ربي لي فيهم

كل شي يسوونه ويقوولنه صار فيهم

وارجعو لي بس انا خلااص قلبي انقبض منهم


خفت ارجع انصدم فيهم مره ثانيه وانتكس ويضيق خلقي منهم

صرت اسمع قصيدة حامد زايد الجمهره وابكي

طنشت

وما احب اعاتب لان كل واحد بيدافع عن عمره وبيصير يجاملني واصدقه

خليت الي بالقلب بالقلب وصرت اتحسب على كل جرح بخاطري وربي نصرني من فووووق سابع سما

احتسبي الاجر وخليك طيبه مثل ما انتي بس لا تخلين احد يستغلك اعتذري بلباقه عشان ما احد يزعل عليك ويسوي معك عداوات ...

دايم اسحبي نفسك من المسئوليه

والتمسي العذر لهم ولو انهم ما ينعذرون بس فيه ناس من كثر المشاكل يصير يشك باقرب الناس له واكثر الناس تدخل بيته وتعرف اخباره ..

واذا هم من قرايب زوجك اي وحده تطلبك طلب قولي لها كلمي ابو فلان واطلعي من السالفه ... وهم بيعرفون انك عرفتيهم على حقيقتهم ..:26:

لاتهتمي أهم شئ زوجك يعني مثل هالأمور ماتنفعك ولاتضرك فليش حريصة على أخبارهم؟
خليك بحالك وطنشي وراح يمشون لك مثل الألف

حبيبتي اسمحيلي هذي مو طيبه منك هذي سذاجه فرق بين الطيبه وبين السذاجه (اعذريني عيوني على هالكلام بس حطيت نفسي بمكانك)
تسمين ان تستغنين عن مستقبلك وتبيعين ذهبك عشان تسوين لك مشروع وفالاخير تحطينه على بنتهم طيبه
تهملين زوجك وبيتك وتضيعين وقتك اللي زوجك وعيالك احق لهم فيه بمراكضك ورى البنت بالمستشفيات وعند القرايه تسمينها طيبه
اي طيبه اللي تحكين عنها واي معروف سويتيه لهم انتي خليتي نفسك لعبه بيدينهم قريبتي على عيني وراسي اخدمها وافزع معها اوقات اساعدها بعزيمه ازورها بمرضها واسوي لها وجبه وارسلها لها واهي مريضه اهدي لها هدايا احسن لها اني ادعي لها بصلاتي اتصدق عنها بس مو اني افزع لها على حساب صحتي وبيتي وزوجي
انتي ينطبق عليك المثل خبز خبزتيه يا الرفلا كليه (عفوا على هالمثل بس قهرتين بطيبتك اقصد سذاجتك)
من اليوم ورايح خلي علاقتك فيهم رسميه اهلين كيف الحال وش اخبارك مع السلامه فقط لا تخافين بكره بنتها تحمل وتولد وتحتاجك انتي وقتها ردي لها الصاع صاعين >> عاد مو اشوفك من اول ما تولد تركضين لها بالعشاء والقهوه والحلويات والهدايا ترى اذبحك
الناس معاد ينفع معهم الطيب يا قلبي الناس اللحين تسكرين على نفسك بيتك ويالله يالله تسلمين منهم ومن كلامهم ومشاكلهم الله يعوض عليك فلوسك ويرزقك بصديقه حطك بعيونها

لا تندمين على شيء سويتية احتسبيه لله و راح تلاقينه اليوم او بكره

من الان خلي علاقتك فيهم رسمية و حاولي توصلي لهم انك مصدومه من تصرفهم معاك و لا تلومينهم اعتقد هم شليفين الابتعاث شيء عجيب ؟؟و ان محد راح غير بنتهم ؟ظ
عادي الناس اجناس و في ناس ما تعودت على هالشغلات و يبيلهم زمن لين يتعودون هذا اذا صار و تعودو

اهم شيء انتي حطي ببالك ان الخير اللي تسويه لله و ان هذول ناس جاهلين و ما ينشره عليهم
سبحان الله اعرف وحده معها ماجستير تستحي تقول ان معها ماجستير لا و بامتياز كمان مو كبر و الا خوف من العين لا والله حيا لا احد يقول الحمد لله ماشافت خير و لا مصدقه

استهدي بالله و روحي اشتري البطانية و ارسليها و لا تروحين عشان يعرفون انك زعلانه لكن خيرك باقي
و ما يضيع عند الله شيء

الله يفرج همك