السلام عليكم ورحمة الله وبركاته يا أخواتي
بإذن الله ملجتي بتكون خلال هالشهر ومحتاجة فستان حلو :27:
محتارة أشتري جاهز ولا أفصل ؟؟؟؟
أتمنى إنكم تعطوني رايكم ..
وإذا ممكن تحطون صور تصاميم تنفع للملجة وحلوة أو ترسلونها لي ..
ولبنات دبي والشارجة إذا تعرفون مصممين اوكي وأسعارهم حلوة أو محلات لبيع فساتين السهرة أتمنى انكم تكتبون أساميهم ...
معتمدة عليــــــــــــــــــــــــــــــــــــــــــــــــــــــــــكم :D
والسموحة
شاركي في النقاش
سجلي الدخول لإضافة تعليق.
التعليقات
5- اولا مبرووووووووووك الغاليه
انا انصحج بالجاهز
عن نفسي خذت حق ملجتي جاهز من دونا مودا فبوظبي
وكانت ملجتي شهر 2 يعني من 5 شهور تقريبا
التفصيل يحتاج وقت والخوف بعد الانتظار ما يطلع مثل ما تبينه
عشان جيه خلج عالجاهز
عندج محلين فصحارى
وعندج لي لي فالي قريب من سيتي سنتر بعد فندق رحاب اذا كنتي يايه من الشارجه
واذا تبين اسعار مناسبه عندج البستان بس انا ما عيبني شي عندهم
موديلاتهم حلوه بس ما تحسينها راقيه!!!
لازم اتشوفين قطعه قطعه يمكن على حظج يطلع شي حلو!!
وعندج الجعيدي اسعارهم وموديلاتهم حلوه
بس على حسب التشكيله مرات في ومرات ما في اشياء حلوه
وبالنسبه للمصممين شي وايد خيايط بدبي مجابل حمرعين قريب من دوار الساعه
ويمكن تحصلين جاهز حلو عندهم
انا مريت عليهم عالسريع
واذا كله كله ما حصلتي ببيع لج فستان ملجتي خخخخخخخ بس تراه غالي اشوي ==> مصدقه عمرها - الله يبارك في حياتج ومشكورة يالغالية ع الرد ....
بس الملجة بتكون في قاعة فخفت إني ما أحصل فستان لين هناك :(
وإذا ما لقيت باخذ فستانج بس اتمنى يكون قياسي لوووووول - شوفي يالغاليه إذا ملكتك بهاشهر ما في وقت إلا انك تجيبي جاهز ولا مفر من ذلك
وربي ان شاءالله يوفقك - مرحبا أتومه.... ألف ألف ألف مبروووووووووووووك.
الصراحة أنصحج تاخذين جاهز لانه التفصيل يباله وقت وماتظمنين المكان والمصمم الي تسيرينله....
اسمحيلي ماعندي خبرة في دبي والشارجة... بس في بوظبي شي محلين ان شاء الله تحصلين عندهم الي يعيبج... وأسعارهم معقوله حق ملجة وترا اكثر الاوقات تحصلين عتدهم كل المقاسات....
المحل الاول هو في مركز فتوح الخير... في الطابق الارضي...سوري نسيت اسمه بس عنده أشياء روعه...
والمحل الثاني هو " الاسطوره"... صرااحه عندهم موديلات تجنن...
اتمنى اني ساعدتج والله يوفقج ان شاء الله :) - مشكورة يالغالية ...
بس صعب إني أروح بوظبي لأني من بنات دبي ..
بحاول أطرش حد هناك ويشوفون لي الفساتين وإن شاء الله خير
مواضيع مشابهة
تابعي تجارب أخرى من هذا القسم.