:04: :04: اخواتي العزيزات
قبل يومين طلبت من زوجي شوية زنجبيل طازج
علشان خلطة الشاي الاخضر
وجاب لي كرتونه كامله والحين محتاره شسوي فيها
الله يخليكم ساعدوني في شنو استخدمه
ولكم تحياتي و:19: :19: وقبلاتي
الطيبه
الموضوع مغلق
شاركي في النقاش
سجلي الدخول لإضافة تعليق.
التعليقات
8- بالنسبة للزنجبيل الطازج...ممكن تحفظي جزء منه بالثلاجة..في علبة محكمة الاغلاق...عشان ما تروح ريحته..ولا يعبي الثلاجة ريحة...والجزء الباقي افرديه على صينية كبيرة..ودعيه يجف..ومع جو الكويت بيجف بسرعة:)
...والافضل انك تكونين غاسلتيه ومنشفتيه من الماء من قبل...
وبعد ان يجف تماماقومي بطحنه والاحتفاظ به في علبة مخصصة للبهارات للاستخدام لاحقا في الطبيخ...
على فكرة ...انا مرات بستخدمه حتى وهو مجفف وكامل غير مطحون باضافته الى الدجاج او اللحم عند سلقه..وخاصة الدجاج ...يعطيه نكهة رائعة ولكن بدون الطعم اللاذع - هلا اختي الطيبه
ابقولك طريقتي اذاشتريت كميه كبيره اقشره وابشره با المبشره
وحطه في علبه بلاستك وبا الفريزر وروعه ما يتغير طعمه
يا الله بايوووووووووو - اشكركم حواتي ويعطيكم العافيه
بس ابي اعرف الحين عرفت انه ينفع للدجاج واللحم
هل ينفع لطبخات اخرى علشان اخاف استخدمه وبعدين
طعمه يغير الطبخه فاسأل مجرب وانتم مجربين ما شاء الله عليكم
وانا كنت استخدم البودره منه عالحليب لزوجي لما يكون مرشح
ارجو اني ما اكون ازعجتكم باسئلتي
لان ما لي غيركم (مصختها ادري) - اشكر لك مشاركتك معنا
اخت teen girl
وانشاء الله الاقي ردود اكثر حتى نستفيد
وهذا العشم فيكم والله
الطيبه - فيه حل رائعععععععععععععععععععععععععععععع
شوفى يا الطيبة ..
جيبى كميه من الثوم ،
البقدونس ،
الزنجبيل ،
وقليل من الفلفل الاخضر ..
قطعى كل المذكور ........... وحطيه فى الخلاط مع شوية من الماى .... راح تنتج لك عصارة .. احفظيها فى غرشة جبن او برطمان .. المهم امران مهما .. حطيهم فى بالك
1- اذا حبيتى تستخدميها استخدمى ملعقة نظيفة .. وغير مبللة .. حتى لا تعفن .
2- كلما اردتى استخدامها اعيديها الى الثلاجة
3- عليك ان تخلطيها لان الماء يكون مترسب فى القاع .
4- استخدميها لاغلب الاكلات ، المكابيس البريانى ، الصلصلات ، الخ
وبالهناء والشفاء . .
مواضيع مشابهة
تابعي تجارب أخرى من هذا القسم.