تعالي (أعلــــــــــمك من أنتي)؟؟؟(االجزء2)

انا كنت اتحرى دوري في التحليل

مدري بسسس مدري

ملايين سجليني رقم 7

السؤال الأول:

كنت في يوم من الأيام تمشي في غابة أوصف لي الأشجار الي في الغابة؟

اشجار طويله مره ونحييفه وشاامخه يعني مو متمايله طبعا الخشب حقها هو اللي طويل والشجر اللي فوق برضو طويلومرتب

تابع السؤال

كنت تمشي بسهولة ولا بصعوبة


كان الطريق واسع ولا ضيق

كان الطريق مستقيم ولا متعرج؟


كانت الأشجار ضخمة ولا عادية؟





السؤال الثاني:
صادفت بالغابة حيوان .
ياترى وشو الحيوان اللي صادفته؟

غزال



السؤال الثالث:
ايش سويت لما شفت الحيوان . وشلون تصرفت؟

ابعدت عنه



السؤال الرابع :
دخلت بيت في الغابة
أوصف صالة البيت الي انت دخلته.( ابي وصف دقيق ابي على الأقل ثلاث سطور)
كان بيت زي الكوخ من خشب وجواته سرير خشب وطاوله طعام وكرسيين ومدفئه وكان فيه غبار يعني مهجور وفيه شباك فوق السرير مفتوح ومنور المكان وفيه صندوق جواته ملابس



السؤال الخامس:
التفت وشفت في الجدار لوحة .
ماذا كان مرسوم في اللوحة(( ابي وصف دقيق ابي على الأقل ثلاث سطور)
لوحه منظر طبيعي اشجار عاليمين واليسار وبينهم زي النهر مويه وفوقهم سماا

الوان اللوحة كيف كانت كانت قوية ولا باهته؟

قويه مره


السؤال السادس


فتحت صندوق.


ماذا وجدت في الصندوق؟

مجوهرات وعقود لؤلؤ


السؤال السابع



التفت إلى الجدار الأول



فشاهدت


ثلاث براويز للصور فوتوغرافية لثلاث أشخاص على الجدار . صور من شاهدتها؟

صورة ام واب بالنص وعاليمن البنت وعاليسار الولد

السؤال الثامن


على الجدار كانت نافذة مغلقة قمت وفتحت النافذة ماهو المنظر الذي شاهدته عندما فتحت النافذة؟

(ابي الوصف تقريبا سطرين)


ارض خضرا وسيييعه وفيه كم شجره متفرقين وهدوووء وصوت طيور

وبــــــــس


اتمنى اعرف شخصيتي ايش شماليه او جنوبيه ؟؟؟

يااااااااااااه علامو علامو حسيت اني سافرت بعيد وأنا أحلل شخصيتك,,,
كثيرة وغنية وكبيرة,,هالشخصية,,,
كأني رحت استراليا وجيت,,,

***
علامو علامو
ما استغربت أبداً أنك كنتي أنتي أول إنسانه تبرعتي للتحليل,,
لأانك إنسانه تقدرين الوقت جداً جداً جداً
أنتي,,,
في سباق مع الزمن ,, دايم مستعجلة ,, أو دايم خايفة من التأخير,, أو دايم ,,تحبين تستفيدين من كل دقيقة
ودايم تطلين بساعتك,,وأول ماتقومين من النوم تشوفين الساعة قبل كل شيء,,
وساعتك باستمرار تضبطينها على الوقت الصحيح ماتحبين يكون عندك غلط بالتوقيت,,,
الخمس دقايق عندك لها قدر وقيمة كبيرة ماتحبين تضيعينها,,
ماشاء الله تبارك الله

قلائل الناس الي قابلتهم بحياتي كلها ,,
يقدرون الوقت بهالشكل,,,
فيك نزعة للدين,,بس مدري ليش ماتحبين تظهرين تدينك للناس!!,,,
يمكن ماتحبين تكونين انتي شخصية البنت المطوعة,,
أو تحسين أنه مفروض الإنسان يخفي تدينه وأعماله الصالحة عشان الأجر وكذا,,
ماشاء الله باره بوالديك وتقدرينهم وتحترمينهم,, ومعجبه بأمك,, وتعتبرينها رمز,,كبير,,
فيه بنات (تستحي من بعض تصرفات أمها أو من لبس أمها ,,,,,,,,,
أنتي لاااااااااااااااا,,,
أمك بعيونك أحلى أم,
انتي البنت البكر لأمك أو من أكبر عيالها
لأن امك مازالت شابة يمكن ماوصلت خمسين,
انتي يوم كنتي مراهقه كنتي تموتين على الأغاني والطق وعاد كانك تركتي الاغاني فأجرك مضاعف موب مثل أجر الناس العاديين لأنك تموتين عليها من جد,,
إذا اعجبك شيء,, يمكن تشترين منه أكثر من نسخه ,,نادر مايعجبك شيء بس اللي يعجبك تخافين يخلص,,
فتكثرين منه,,
انتي كريمة ,, وتصرفين مافي الجيب,,
شخصيتك حلوة ومحبة للحياة ,, ومتفائلة وهادية وتحبين الهدوء(هذي صفات كانت بامك بعد)


وانك واضحة,,
وانك صادقة,,
وعمرك ما خدعتي ولا كذبتي ,,
شفافة
ماتعرفين اللؤم الي بقلوب بعض الناس ولا بعد دريتي عنه يا حياتي..,

علامو انتي ياعمري
تحسبين كل الناس طيبين مثلك,,(كلن يرى الناس بعين طبعه وطبعك الطيب خلاك تشوفين طيبة الناس )
بس
حسك العالي,,
خلى عندك ذكاء وحاسة سادسه
تخليك تبعدين عن الاشرار من دون ما تتصادمين معهم
يا ترى كيف؟؟
مثل الأرنب يدري انه فيه صياد قبل يشوفه فيهرب بكل قوته,,
ربي حافظك منهم عشان نيتك الزينة,,
وعشان برك بامك وابوك,,
ما شاء الله
وفيه شيء خيالك واسع وأنيقة تحبين اللبس المميز ويكون على أصوله ماتحبين اللبس يكون ناقص,,
انت انسانة الحمدلله عشتي حياة جميلة جدا,,
اهلك كانوا طيبين وعشتي باستقرار الحمدلله,,وامك بعد كانت إنسانه جميلة بشخصيتها
ومريحة ,, ماكانت قاسية ولاكانت مضحية
كانت انسانه متوازنة اعطتكم جو مريح في الحياة
وحثتكم على العمل والاجتهاد وفهمتكم (ان الحياة عمل ولازم تكافحون ,,,لأفكرة أمك-من وجه نظري- مهيب صحيحة تماماً الحياة أسهل من كذا)
انتي تهبلين بس مشكلتك سباق الوقت
والوقت يسابقك وتسابقين(مثل خالد الفيصل اسابق الساعة وتسبقني الساعة)
(ابشتري وقت ,,وين اسواق بياعة )
متشوقة للحياة
متشوقة لكل شيء جديد,,
نفسيتك رائعة ورايقة انتي انسانه الحمدلله ماقست عليك الدنيا ابد,,
يمكن صادفتي عراقيل بحياتك بس ماكانت صدمات ولا مشاكل كبيرة
وأصلا انتي مانتب حساسة مرة ,, ومخك الكبير يخليك ماتضيعين (الوقت )بالدوران حول مشاكلك

هذا غير إن عندك موهبة تخليك بداخلك قدرة على التنبوء بالمشكلة قبل وقوعها
وكذلك لو حصلت لك مشكلة بسيطة ماتنهارين لأ تتماسكين وعلى طول يطلع لك حل سهل بمخك
ماشاء الله
هذا يدل على أنك مؤمنه حقيقية
متوكلة على الله
طموحك بالحياة موب كبير
رغم انك تقدرين تحققين الكثير
بس مشكلتك تتوقعين ان المكانة العالية والانجاز العالي يبي له مجهود كبير ومعجزات
عشان كذا تحطين طموح متوسط المستوى
هذا الكلام موب صحيح(الانجاز ما يحتاج مجهود كبير ,,ولاحظي الوظائف الصعبة والمرهقه رواتبهم قليلة مثل وظيفة كناس البلدية راتبه
600 ريال والوظايف السهله مثل وظيفة موظف في مكتبة راتبها اعلى بكثير)
حياتك فيها اشياء كثيرة
مشاعر كثير
راعية ذوق وأخلاق ومجاملات وبالمناسبات تباركين وتهدين لو كان شيء بسيط
وأحياننا تقدمين هديه فوق قدراتك المادية ,,
لو صارت لك مصيبة تنصدمين لمدة يوم أو يومين بالكثيرر وبعدين تقومين منها
ما شاء الله قوية وبكامل تماسكك,,
جريئة وتحبين تجربين كل شيء جديد,,
تقدرين تسوين عدة أشياء بوقت واحد,,وتحبين هالشيء بعد
ممكن تكونين جالسة على النت ومركزة بسالفة تقولها أمك بالتلفون ,, وتكتبين رسالة بالجوال
ماتتسرعين بالحكم على الأمور,,
وماتسوين شيء ,, إلا وأنتي متأكدة أنك تبي تستفيدين منه
لما يطلع شيء جديد وغالي ماتشترينه على طول بحكمتم تصبرين ليش تشوفين الي اشتروه عجبهم ونفع
تشترينه
ماعجبهم (سلمتي من الخسارة)
تشاورين وتسالين قبل تخطين خطوة مهمة بحياتك,,,
دايم
دايم,
دايم,,
ماتمشين الخطوة المهمة إلا وانتي متطمنة لها
مع انك تغامرين كثير بالاشياء العادية,,
هذا من حكمتك

سمحة
حسنة الظن بالناس
كريمة
اللي يسوي لك معروف تبقين مديونة له كل العمر

مانتب انتقامية نهائي ولاعمرك دعيتي على احد
تحبين نفسك وتحبين الناس
كنتي مدلله في بيت اهلك
ماتسوين انتي شي من شغل البيت
تموتين بالمغامرات ,, والسفر لمكان جديد
وتحبين الاشياء والملابس والاثاث الراقي
تكرهين الرخيص ,,
عندك طاقة كبيرة على العمل
متفائلة
متشوقه
تكتمين السر

طيبة
يجذبك الشخص الي يثقل ويصير رزه,,
تحبين الاناقة كثيـــــــــــــــــــــــــر
شخصيتك غربية جنوبية
تطمحين تكونين باره باهلك ويكونون عيالك بارين بك
ماشاء الله

ماتعني لك شيء الفلوس يعني اذا عجبك شيء تشترينه باي سعر

ذوقك صعب شوي موب اي شي يعجبك
تحبين التميز
تحبين تكونين باجمل صورة
علاقاتك بالناس ,,,لها حد معين
وماتحبين تشعب العلاقات
صديقاتك عددهم قليل جداً موب أي وحدة تستحق تاج صداقتك

الناس يعطونك اسرارهم وتكتمينها يثقون بك

فيه شيء غريب ظهر بتحليل شخصيتك
انتي صادقة
صريحة
ماتحبين تترجين أحد,
إذا وعدتي وفيتي ,,
طيبة وياحظ اهلك والي حولك بك
والحمدلله هذا بسبب ظروفك الزينة
ونيتك الزينة ,,
ومثابرتك ,,
فيك شيء جميل بشخصيتك
مانتب من النوع الي يتفشخرون ولا يسوون نفسهم أغنى من حقيقتهم ولا يهمك البنات الي اغنى منكم او اكشخ ,,
ثقتك بنفسك وقناعتك تخليهم ماقاموا عندك ولا قعدوا,,
مانتب غيورة ,,
ماتقارنين نفسك بالناس نهائي
مقتنعة باللي عندك
شخصيتك غنيه كثير بالمعاني بس والله تعبت من الكتابة ,,

فيه شيء رائع فيك:تثقين بإحساسك,,وتمشين وراه
ماكان بحياتك الحمدلله مشاكل كبيرة بس فشلتي ببعض الأشياء العادية,,ويمكن كان يجيك انتقادات أو سخرية ,,من بعض الناس ,, اللي يجدون نفسهم بالتقليل منك وتنقهرين وماتردين عليهم (لأنك ذوق,, ولا رحتي للبيت قلتي!!,,اف ليتي قايلة كذا وكذا)
عندك قدرة كبيرة على العمل والعطاء والتضحية (معظمها لأهلك)

انتي الان في مرحلة ,, من مراحل الحياة وتبين تروحين للمرحلة الي بعدها مدري(انتي إما تدرسين وتبي تتخرجين ,, أو تخرجتي وتبين تتوظفين,,,,الخ انتي نجحتي بشيء ماشاء الله ومتجهه قريب للي بعده,,إلى الأمام)
***




,,ابقول لك شيء غشيته من الرسالة الخاصة الي كتبتيها لي,,



يعني ما طلع بالتحليل طلع بالرسالة تدرين وشو - بس لاتخافين - عيونك وساع(هذي عرفتها من علم الفراسة)


علم يعتمد على إنك تشوفين الشخص وتعرفين صفاته,,(انا عرفت صفاتك واستنتجت شكل عيونك)


ههههههههههههههههه (رسالتين بعد وأدل بيتكم!!!)


كل هذي توقعات(ظنون ) فيه صح وفيه غلط,,
فمان الله:26:

السؤال الأول:

كنت في يوم من الأيام تمشي في غابة أوصف لي الأشجار الي في الغابة؟

اشجار شامخه في الارتفاع <<مثل اشجار الصنوبر

تابع السؤال

كنت تمشي بسهولة ولا بصعوبة

صعوبه بس مو مره

كان الطريق واسع ولا ضيق

ضيق

كان الطريق مستقيم ولا متعرج؟

متعرج


كانت الأشجار ضخمة ولا عادية؟

ضخمه


السؤال الثاني:
صادفت بالغابة حيوان .
ياترى وشو الحيوان اللي صادفته؟

اسد



السؤال الثالث:
ايش سويت لما شفت الحيوان . وشلون تصرفت؟

ضحكت له ومشيت <<مدري كدا تخيلت



السؤال الرابع :
دخلت بيت في الغابة
أوصف صالة البيت الي انت دخلته.( ابي وصف دقيق ابي على الأقل ثلاث سطور)

اممم صاله مربعه الشكل فيها كنب مرتب بس شكله قديم شويا
ومليان ترااب وفيها مدخنه وحطب وقدام المدخنه في جلسه ارضيه


السؤال الخامس:
التفت وشفت في الجدار لوحة .
ماذا كان مرسوم في اللوحة(( ابي وصف دقيق ابي على الأقل ثلاث سطور)

مرسووم بيت زي شكل الاكواخ فوق جبل اخضر وفي البيت مدخنه وكان فيه قدام البيت اطفال يلعبون

الوان اللوحة كيف كانت كانت قوية ولا باهته؟

قاتمه


السؤال السادس


فتحت صندوق.


ماذا وجدت في الصندوق؟


ذهب


السؤال السابع



التفت إلى الجدار الأول



فشاهدت


ثلاث براويز للصور فوتوغرافية لثلاث أشخاص على الجدار . صور من شاهدتها؟


ابويا وامي في صوره وحده وصوره زوجي وصوره ولدي


السؤال الثامن


على الجدار كانت نافذة مغلقة قمت وفتحت النافذة ماهو المنظر الذي شاهدته عندما فتحت النافذة؟

(ابي الوصف تقريبا سطرين)


ارض خضراء واسعه وفيها عين جاريه وناس جالسين مع اولادهم <<زي الحديقه كدا

انتهى الاختبار

انا رقم ثمانيه

السؤال الأول:

كنت في يوم من الأيام تمشي في غابة أوصف لي الأشجار الي في الغابة؟
اشجار كبيره وخضراء ولونها جميل جدآ

تابع السؤال

كنت تمشي بسهولة ولا بصعوبة


كان الطريق واسع ولا ضيق

كان الطريق مستقيم ولا متعرج؟


كانت الأشجار ضخمة ولا عادية؟





السؤال الثاني:
صادفت بالغابة حيوان .
ياترى وشو الحيوان اللي صادفته؟

ارنب



السؤال الثالث:
ايش سويت لما شفت الحيوان . وشلون تصرفت؟

عادي ماسويت شي تركته يروح



السؤال الرابع :
دخلت بيت في الغابة
أوصف صالة البيت الي انت دخلته.( ابي وصف دقيق ابي على الأقل ثلاث سطور)
كان كوخ شكله جميل وداخله نظيف ومرتب وكان فيه صاله فيها جلسه ومدخنه ومطبخ صغير وغرفة نوم وفيه درج يطلع للدور الثاني وكان معلق على الجدار لوحات ومناظر جميله


السؤال الخامس:
التفت وشفت في الجدار لوحة .
ماذا كان مرسوم في اللوحة(( ابي وصف دقيق ابي على الأقل ثلاث سطور)
كان منظر طبيعي شلالات واشجار وزهور واطفال
يلعبون وحيوانات تاكل العشب ومنزل صغير بجانبه
حديفه صغيره
الوان اللوحة كيف كانت كانت قوية ولا باهته؟

قويه


السؤال السادس


فتحت صندوق.


ماذا وجدت في الصندوق؟

مجوهرات


السؤال السابع



التفت إلى الجدار الأول



فشاهدت


ثلاث براويز للصور فوتوغرافية لثلاث أشخاص على الجدار . صور من شاهدتها؟

صورة بنتي وابني وابوهم
السؤال الثامن


على الجدار كانت نافذة مغلقة قمت وفتحت النافذة ماهو المنظر الذي شاهدته عندما فتحت النافذة؟

(ابي الوصف تقريبا سطرين)


حديقه جميله وااسعه وفيها حيوانات واشجار فواكه
ومياه تجري وزهور في كل مكان