زوجي وشكله ومدى تقبلي له.. تعبت من البكاء...ساعدوني يابنات اللي مو عاجبها شكل زوجها

@alsnaah_9




السلام عليكم


انا مملكه منذ 3 أسابيع والحمد لله مستخيره ربي وتم كل شي على خير ..دعواتكم بالتوفيق والصلاح..

زوجي يكبرني بـ5 سنوات لكن تفكيره وكلامه تفكير واحد عاااقل ورجااال ومتزن كثير ولله الحمد

بدأت المكالمات ويتصل كل شوي وأنا ماني متعوده وأرد وهو يتكلم ماشاء الله كثير وأنا بس ساكته

ويسألني وأرد على قد السؤال .. ويوم أقفل أبكي وأشاهق وأقول موب معقوله أعيش مع هذا الإنسان !!

لإن إهتماماته غير عني تماماً ومابيننا أي شي مشترك هذا أولاً.. وثانيا كل مااتذكر شكله أقعد اصيح

مااقلكم قبيح لاا .. شكله عادي لكن مو حلو أبداا ..و مو على قد احلامي وتوقعاتي اللي زمان

خصوصاً إني مملوحه الحمد لله بدون غرور ..وجسمه صح طويل لكن نحيف جدا جدا :(..

يابنات المتزوجات أبي ربي يهديني عن وساوس الشيطان ويزرع حب زوجي بقلبي ..أعطوني نصايحكم

أبي أعيش مبسوطه مثل كل البنات المملكات بعيد عن الوسوسه والصياح والمشاهق اللي أعاني منه

أرجوكم ساعدوني والله أكتب وأنا أبكي وماابي أفجع امي وأعلمها إني أصيح بعد كل مكالمه

اللي زوجها يختلف عنها بالأهتمامات وشكله مو عاجبها كيف قدرت تحبه ؟؟!! عطوني نصايحكم

وقبل شوي أتصل ولاقدرت أرد عليه وقعدت اصيح:( وماابي أفارق اخواني واخواتي أبددددددد

أي وحده عندها تجربه مماثله مع خطيبها أو زوجها تعلمني وتنفعني سواء بكلمه أو نصيحه

جزاكم الله خير ولكم دعوه بظهر الغيب


اختكم


السنعه

174 تعليق 70,177 مشاهدة

0 0

شاركي في النقاش

سجلي الدخول لإضافة تعليق.

التعليقات

165

  1. @astorh_2

    شوفي صدقيني الشكل مو كل شي
    دامه يحبك وشاريك هذا افضل
    ممكن يجيك واحد حلو ونفس احلامك وامنياتك
    لكنه خااين ولا يقدر الحياة الزوجيه
    اذا زوجك اخلاقه حلووه وطيب اقبلي فيه وحبيه بقلبك
    على فكره هالاحساس كمان طبيعي لانك لسى توك مملكه
    وترى حلات الملكه بالمكالمات والسواليف
    انا اتذكر لما ملكت جلست ابكي ماادري ليه وخافوا كل اللي حوالي
    بس الحين الحمدلله لي متزوجه 6 سنوات ماشاء الله ماشيه بحلوها ومرهاا

  2. @ashorya_6

    يؤؤؤه
    قولي اعوذ بالله من الشيطان الرجيم
    هذي حياه اكبر من انك تربطيها بشكله
    نصيحه !!
    لاتضيعي الايام الحلوه بالوساوس اللي مالها داعي

  4. اولا مبروك عليك

    شوفي اذا جاك ريال احلى عنك راح يطنز عليك انا احلى منك وكل شوي بنات تدق والريال فرحان بروحه البنات طايحه عليه

    ولو كان مو من النوع اللعوبي محترم عاد بنات هاليومين بس واحد وسيم الله لا يوريك الاتصالات والغمز وانت طالعه معاه المول

    بتكرهين حياتك احسن شئ زوجك مو وسيم هههههههههههه

    جد اتكلم بنات كثير تتعب من وسامه زوجها وكم وحده تشتكي من هالسالفه عاد مادام هو مو قبيح احمدي ربك

    الرجال مايعيبه شكله لا

    يعينه اخلاقه لو اخلاقه مو حلوه مانصحك تكملي معاه

    النبي عليهه افضل الصلاه والسلام يقول مكارم الاخلاق ماجا الا ليكمل مكارم الاخلاق

    اذا طبعه حلو وتحسي انه محترم احمدي ربك!

    حاولي تشركيه باهتمامتك مو انت ساكته ومايعرف شو تبي وشو ماتبي


    قولي انا احب كذا وانت ياريت نركب خيل سوا ههههههههههه على اساي ميولك الخيول

    يعني اذا تحبي القراءه قولي شرايك نقرا كتاب كذا او نسوي كذا

    احب هالشئ وانت؟

    مو انت ساكته وتبي يكون زيك وهو اساسا مايسمعك تتكلمي عن شئ!

    لا تفكري دخيلك بالمسلسلات اوالبطل ابو حمار ابيض لا احنا بواقع

    الاخلاق اهم شئ بيه الجمال يروح والمال يروح يبقى شنو؟؟؟

    الاخلاق

    الحضن اللي يحبك يخاف عليك يحتويك مو ريال شايف روحه يبي يطلع عشان البنات تشوف جماله

    وحاطك بالبيت!

    لو تشوفي البنات شو تبكي من هالسوالف راح تحمدي ربك ليل نهار

    تعوذي من الشيطان وفتشي بزوجك عن اشياء حلوه كل انسان فيه اشياء حلوه


    اهم شئ اللعين اللي تشوفه تطالع حسناته مو تطالع عيوبه!

    بالتوفيق

  5. @ryma_10_1

    أسطورهـ
    شوفي صدقيني الشكل مو كل شي دامه يحبك وشاريك هذا افضل ممكن يجيك واحد حلو ونفس احلامك وامنياتك لكنه خااين ولا يقدر الحياة الزوجيه اذا زوجك اخلاقه حلووه وطيب اقبلي فيه وحبيه بقلبك على فكره هالاحساس كمان طبيعي لانك لسى توك مملكه وترى حلا…
    نفس الحاله جتني يعني شي طبيعي ولاتتعبي نفسيتك كلنا مرينا بهالحاله

تابعي تجارب أخرى من هذا القسم.