آخر يوم هو اليوم ولاني حاسه بشي

الله يسهل عليكم و يولدكم طبيعي و يفرحكم بشوفة اطفالكم معافين يا رب
و عقبالنا ان شاء الله

اللهم ياحي ياقيوم سهل على اخواتن الحوامل ويسر ولادتهم ..قولو اميييييييييييييييييييييين.

آمين....يا loolo30

انا معك ياحبيبتي
ولادتي المفروض في 29 _6
بس الى الحين وانا انتظر

المشكلة اني مدري وش السالفة ؟؟
قبل يومين حسيت بالم اسفل البطن يعني انا دايم احس به بس المرة الفايته كان اقوى قلت بس بداية طلق ====غشيمة

واروح للدكتورة اللي اراجع معها وقالت لي كشف من تحت وبعدين تقول مفتوح 2 سم مبرووووك ولادة وتروح وتشربني زيت خروع بالغصب علشان يحمي الطلق
وتقول لي بعد 4 ساعات روحي للمستشفى علشان تولدين لان الجنين بدا يقل نبضه هذا اللي باين بالتخطيط

رحت للمستشفى على الاسعاف وعلى طول كشف من تحت وبعدين قالو لي مفتوح 1 سم بس
المشكلة انها عورتني وهي تكشف وبعدها قام يطلع معي دم احمر وخفت وانا مدري وش السالفه

ورجعت للبيت وانا اجر اذيال الفشيلة ههههههههه
كنت احسب اني بولد بس الحمد لله على كل حال

ونمت وقمت من النوم والدم لايزال ينزل مع مخاط الله يكرمكم بس لون الدم بدا يتغير الى البني وانا مدري وش السالفة
يوم جا العصر والام اسفل البطن موجودة ماراحت قلت بروح اشوف يبين طلق بالتخطيط او لا
واروح للدكتورة اللي اراجع معها_ واتوقع انها وارتاعت مني يوم جيتهاوكأني بها تقول ((الله انتي لسه ما ولدتيش )) _ والممرضات اللي معها يناظروني مرتاعين
وش سالفتها ذي ؟؟!!

وادخل واوقول لها ابي تخطيط اشوف بي طلق او لا قالت ابشري
وتسدحني وتركب علي الاجهزة ولا يطلع فيني طلق وش السالفه مدري ؟؟
وتقول كشف من تحت قلت يله يوم كشفت قالت مفتوووووووووح 3 سم الحقي على المستشفى
واروح للبيت وتجهزت للمستفى ورحت
يوم دخلت والله اني متفشلة من الممرضات اللي فية واقول لهم كلام دكتورتي واعلمها ان معي دم من امس ويسولي كشف من تحت قالت لي مفتوح 1 ونص سم مداااااام انتي مافيه ولادة الحين
قلت لا ركبي التخطيط وتضحك علي بنت الحلال وتركبة وكل شوي تقول لي مافيه طلق قلت لها والدم اللي نزل قالت لي ذا من الفحص اللي امس قلت اييييييييييه زين

ورجعت للبيت للمرة الثانية وانا اجر اذيال الفشيلة ههههههههه
لا المشكلة اني وانا طالعة من عندهم يقولون لي لاتنسين تجين بكرة طبعا يمزحون معي

وها انا انتظر الفرج من الله الله يسهل علينا اجمعين

بس بغيت اذكر اننا لازم نستشعر ان كل الم نحس به انه تكفير لذنوبنا وان الله يزيد حسناتنا به الله يجمعنا في جنات النعيم
آآمييييييييييين