لديــك سؤال في اي موضوع يختص بالشعر ...... تفضلي وتلقين الإجــــابة بإذن الله

هلا والله خواتي ..طيووفه ,غلا , المتفاائله , الشهد وبحرينيه قمر ...راح اخصص هالمساحه لسؤال تكرر منكم وهو شلون اغذي الشعر... الغذااء المناسب للشعر .. هو الغذاء الصحي يعني اللي كله فيتامينات وحديد ومعادن ... وتقل فيه الدهون ... ولا تقولون لي هذا ريجيم ابداااااا ... بس لازم تعطون الجسم كفايته من الفيتامينات والاملاح والمعادن ... اذا شكيتي انه ما تقدرين تعطين جسمج الكم المطلوب منهم ... فأنصح بحبوب الملتي فايتمن .. يعني تكون الفيتامينات متعدده في حبه وحده .. وايضا هناك الفولك اسد هذا نوع معروف من حبوب الشعر .. واذا ما لقيتي .. روحي الصيدليه واطلبي حبوب لتقويه وتغذيه الشعر .. وانشاء الله راح تلقينهم ... والماااااااء اكثروا من شرب المااااء راح تلاحظوون تحسن في بشرتكم وجسمكم والشعر وكل شيء لانه الماااء يغسل الجسم من جميع انواع السموم من الداخل ويفتح المسامات ويرطب ويعطي الحياه للخلايا ..
التمشيـــــــط مهم ايضا لانه يوزع نسبة الدهون على كل الشعر فما تبقى عند فروة الرأس دهنيه والاطراف جافه... لا تمشطووون بمشط خشب او في نتؤات لانه رااح يكون التقصف في جدار الشعره... اذا لقيتوا انبوولات مادة الكرياتين استخدموها للشعر المصبووغ لان مادة الكرياتين في عمليه الصبغ تنشال من على الشعره فانتي اعملي على انج ترجعينها وتردين اللمعه والنعومه للشعر.. وانشاء الله اكون ما نسيت شيء أي سؤال ثاني انا جاهزه...

هلا والله اختي ثريااا ... عمليه سحب اللون او غسيل اللون ما انصحج تسوينها في البيت لانها عمليه دقيقه تبي متابعه وطريقة وضع معينه ... فلا تغامرين. :)

هلا اوزه حبيبتي ... انتي لازم تشوفين دكتور متخصص بالشعر ومثل ما قلت من قبل ممكن الهرمونات عندج فيها خلل فلازم تعملين تحليل ... ويشووفه الدكتور

هلا اختي جويريه.. اذا تبين فرد في البيت انصحج تستخدمين آلات الفرد السيراميك لانها ما تأذي الشعر ...

مرحبا اختي انا عندي مشكله ويا شعري هي التقصف وخفيف بعد وايد
بس من فتره استعملت خلطات من المنتدى استعملت المحلب مع الزيت كنت ادهن شعري فيه كل اسبوع مره واخر الاسبوع احط حنا معيون بماي حلبه
هو وقف التساقط وراحت القشره والفراغات خفت وصار شعري زين تقريبا صح مارد مثل اول بس بالنسبه للحاله الي كان فيها اعتبره زين
بس بعدها يت فتره الامتحانات فوقفت الحنا لاني قاعده بسكن داخلي والماي في المنطقه الي ادرس فيها مش اوكي مالح وحالته صعبه, الحين تقريبا بكمل شهر ونص ماستعملت الحنا وصاير شعري سييييئ متقصف وحالته حاله الشعره صايره متقصفه من اولها لاخرها يعني من اول الجذر, الشعره صايره سميكه ومتقصفه ويتساقط وبعد بدت القشره ترد والشعر ناشف لكن الفروه مدهنه
شعري يطول بسرعه واقصه كل 6 شهور تقريبا وما استعمل الاستشوار ابدا الا يمكن مره كل ماقصيت شعري ولا عمري صبغت واستعمل شامبو الاطفال واكلي ماشي حاله والحين بديت اكل حبوب كبد الحوت ولا مادري شو اسمها وشعري اصلا كان ناعم وكثيف بس مع الوقت صار خفيف وتبين فيه فراغات وتقصف
فياليت لو عندج حل للتقصف وشو سببه هل من الحنا الوايد؟ ولا الماي ؟ولا شو
وشو رايج استعمل مايونيز يقولون زين حق الشعر ولا اسوي حمام زيت واي نوع زين حق شعري ولا بس ادهنه مرتين في الاسبوع بزيت اللوز مع المحلب؟؟؟؟