تعالي (أعلــــــــــمك من أنتي)؟؟؟(االجزء2)

اوربية رقم 7


أخاف اكرهك رقم 8

عاصفة 99





ماعليكم زود :10

غريبة سرطان الدوحة محتاجين تبرعات ,,كلهم 900 مريض الي عندكم والدولة ماشاء الله ,,

عموما براحتك مقبول التبرع بالدوحة عشان يمكن صعب تروحين الويسترن يونيون

,, بس تراهم موب محتاجين ,,كثر الجمعية الي حطيتهم ,, جمعية صغيرة وبمدينة صغيرة ,, ومافيها مستشفى للسرطان أصلا

جمعية الدوحة!!

يازين أسماء عواصم الخليج (الرياض ) مأخوذ الأسم,,من الحدائق البرية
والدوحة ,, كمان حديقة ,,, أو جنة أو خميلة (ماتبحرت باللغة العربية)
ولاعاد المنامة,,,, عشقي هذي اموت فيها ,, نقطة ضعفي البحرين,,
ولا الكويت ديرة اغلى الناس الي احبهم,, صديقاتي 2 هناك
ولا الشارقة
(شوفوا بس جمال الأسم ) الشارقة ,,
ياحمامة مسافرتن جنوب
سلمي لي على أهل الشارقة
وخبريني عن الغرو اللعوب
ليه يلعب بقلب سارقة
كل ماهب نسناس الهبوب
قالت الريح: ليه تفارقة؟


ماشاء الله اسامي قمة بالذوق تدل على رقي أهل المنطقة وجمال نظرتهم وتفاؤلهم ,,
موب مثل الدول الي اسامي مدنهم مدري وش تبي,,؟؟

يمكن اجمل اسم مدينة خارج الخليج (القدس) اسم يطيح قلبك من هيبته!!

حياك ياقمر الدوحة : نورتي حبيت شخصيتك وتحمست أحللها,,


الي كانو فوق مافهموا كلامي ,, أو ماعرفوا فكرة التحويل ويبون يحولون لو حولوا أبحلل شخصياتهم إن شاء الله
لأنهم ماكانوا رافضين التحويل بس مافهمو ,, وش المطلوب ,,

وبيدخلون بالترتيب من أول ماتنزل إجاباتهم ,, بإذن الله,,

مشكووووووووورة والله انك فر حتي قلبي بالرد تدرين حلمت انك كتبي التحليل وانه غير وانصدمت هههه
المهم بقولك التحليل
99% صحيح ماشاء الله تبارك الرحمن


يعني ما طلع بالتحليل طلع بالرسالة تدرين وشو - بس لاتخافين - عيونك وساع(هذي عرفتها من علم الفراسة)

وهذي الواحد بالمية اللي غلط عندك هههه
انا عيوني لوزية وحلوة بس وساع مت من الضحك الله يجبر بخاطرك

هلا علامو علاموا ,,
عساك بس بطلتي تسمعين اغاني ,,

المهم حبيبة قلبي عيونك وساع بس انتي ,, ماتعتبرينها وساع ,, على بالك الوساع لازم يصيرون مثل عيون اشوريا راي ,,
مستحيل تكون عيونك من النوع الصغير الضيق,,
***
اشوى الحمدلله ان التحليل طلع 99 صح ,,
بس عندي سؤال: وش اكثر نقطة اندهشتي يوم قريتيها بالتحليل؟؟

الشخصية 2 (غنوجة)


(يابنات صدفة اكتشفنا ,, التحليل يوم صار فيه صدقة وعمل خير صار سهل مرة,, كنت اتعب كثير وأنا أحلل,,

كان ذهني مشدود لأني(كنت أحلل ابي الناس يمدحوني ويقولون وشلون عرفتي ؟؟) يعني نيتي كانت الشهرة,,

الحين صار فيه هدف اسمى (دعاية لجميعة السرطان)

الحيل صار كأنه كوب موية ينكب على الطاولة,,,,,,,,,,,,,,بســــــــــــــرعة وسهل وحلو)

الغنوجة,,
انتي مفاجأة


عندك ذكريات مريـــــــــــــــــــــــــــــــــرة
قاهرتك
حازة بخاطرك,, محزنتك ومدمرة حياتك,,
وانكشفت ذكرياتك السوداء بالتحليل,, كلهااااااااااااااااااا
على قولة الشاعر الحر الي قال:وانسرقت مكاتيبي وعرفوا انك حبيبي)
كأني سرقت رسايلك وعرفت قصتك كاملة,,
أول ماقريت شخصيتك انهمرت علي مثل زخات المطر,,,,,,,,
انتي تلقائية طيبة ,,عسل,,,أحلامك كثير,,,أحبابك (حمير) مايستاهلونك
حبيتك ولو انك قدامي (ضميتك )
انتي انسانه تجننين,,ياحظ صديقاتك بك,,
ياعمري مجروحة مرة
لما يكون لك صديقه أو زوج الخ,,(الشخص الي تحبينه)
,, وتحبين ,, تبالغين بإظهار حبك
ولو حصل لك ودك تشترين صفحة اعلانات بالجريدة تقولين احب :فلانة أو أحب زوجي,,

,,والمشكلة (وإن انت أكرمت اللئيم تمردا)) الحقيرات
مايحترمون قلبك الطيب يقومون (يتغلون عليك),,ويصيبهم الغرور(ويسوون ثقل)
مالت عليهم بس مايستاهلونك ياقمر(ينطبق الكلام على زوجك او خطيبك وكل الي تحبينهم)

لذلك عندي لك نصيحة
(لاحبيتي أحد ,, لاتظهرين كل الحب الي في قلبك ترى ,,,كثير من الناس ماتعودوا يكونون محبوبين,, متعودين على المذلة والحقران,, هذا الجو الي يناسبهم,,) اثقلي عليهم (وبيضبطون إن شاء الله)
بطلي ترسلين رسايل..فيها(أشعار وكلمات حب ,, ترى تكبر روسهم ويثقلون أكثر وأكثر)
الجميل فيك,, أنك ماتقدرين تجاملين أحد ,,
الشخص الي تكرهينه ماتطيقين تقعدين معه ,,
والي تحبينه,, ودك ماتفارقينه,,
مثلك مثل الشاعر الي قال(أنا كرهي خبال ولا عشقت أعشق بعد بخبال
ولا أعرف الوسط بين الحلول وذي طبيعة نفس)

قلبك
كبيـــــــــــــــــــــــر
ومليان حب,,
ينبوع الحب الي بقلبك
يكفي مدينة ,,
ياليتك تكونين تشتغلين في دار رعاية ايتام ياعمري محتاجين الحنان الي مثلك,,
وإن ماحصل روحي لو زيارة,,
حسافة كل الحب ذا يروح للناس العادين الي موب محتاجين حب كثير,,
يانبع الحب يالغنوجة,,
ياقمر الشعر والعاطفة,,
ياملكة المشاعر,,
الشخص الي تحبينه,,
تحبين تجلسين جنبه,,
تحبين تمسكين ايده
ينطبق عليك الشاعر الحنون الي قال:
(ودي أرقد على ذراعك وأنام,,,,,,,
وأنت تحكي ويدك في يدي,,,)

******.

نومك ثقيل مرررررررررررررة
***********.
توصلين على كل موعد متأخررررررررررررررررره
**********,
تكررين أخطاءك
************,
هذي نقطة مهيب أكيده:
(تحتاجين أحد يقول لك: يالله يالله يالله سوي الشغل الي عليك,, لأنك تحتاجين أحد يلحك,, تسوين شغلك,,
ولو سويتيه ماتكملينه لآخرة لاوصلتي حول النهاية قلتي: يكفي)



ماتحبين تزعلين أحد,, لو زعل منك أحد على طول تعتذرين,,, الزعولين لاعبين بحسبتك لعب ,,
بالتزعل والتشره والتغلي والتفلسف
مسوين لك أرهاب ياعمري عليك,,

****.
ألأنذال اللي يتكلمون معك ويهاجمونك ويتشرهون عليك (ويسوون نفسهم فاهمينك غلط) عشان تقدرين تحترقين
وتشرحين موقفك وتبررين وتنهار اعصابك وهم مايفهمون (ولا ودهم يفهمون )) او بالأصح (فاهمين ويمثلون عدم الفهم)

(احتقريهم واكشفهم لك الحين تراهم كذابيــــــــــــــــــــــــن ويستمتعون بإذلالك)

تعلمي اسلوب امك امك الله يخليها لك اسلوبها تحتاجينه
نموذج بحياتك موجود ماشاء الله (وسيلة تعليمية ,,,,,,,درس تطبيقي) تعلمي منها,,
لامبالاتها,,
انتي حارة ماتصبرين اذا بغيتي شيء تبينه على طول ماتتحملين ولاتعرفين شيء اسمه(صبر,, ثقل ,, تغلي,,
)
لازم تتعلمين هالأشياء ,, عشان النوعية من الناس الي تحبينهم ماينفع لهم الا كذا,,
انتي جنوبية بحته وتحبين شخصيات شمالية ,, اقري عن الشماليين وتعلمي اسلوب التعامل معهم,,
طبعاً,,
أحب اقول لك الشمالي كل ماشافك متعلقة بشيء يتلذذ بحرمانك منه
حتى لو كان الشمالي هو نفسه الشخص,, يبي يحرمك من نفسه,,

كذلك
الشمالي ,, لو شافك مشغولة ولك ارتباطات وهويات بدى يحاول (يصطادك ) ويدورك,,
فهمتي ياقمر الدرس
انتي ذكية مرة تقدرين تطبيقنه,,
حياتك بتصير حلووة وتطلعين من القهر الي فيه

تعرضتي لصدمة قوية,,
حبيتي بكل مافيك,, وكان شخص,, جلف,, رماك بشراسة بعد ماعذبك ,, العن تعذيب,,
حسبي الله ونعم الوكيل,,

,,,خلاااااااااااااااااااااص
من اليوم اتخذي قرار اللي يزعل (إذا كنت يغلطانه اعتذري منه مرة وحدة فقط) لاتزيد,,,,,
أول الزعلة (وهذا وأنتي غلطانه )
لو ماكنتي غلطانه (طنشيه وخليه يطق براسه الجدار ترى الزعل ذا تمثيلية ,,
لأانك خنقتيه بحبك وعواطفك فيزعل عشان يطردك من حياته ويريح راسه منك,,
وبنفس الوقت,,
خطة عشان يمشي كلامه عليك,,
وبنفس الوقت,,
عشان يتمتع بإعتذارك وتذللك له ,, ورجاءك ,,,الخ)
حسبي الله ونعم الوكيل,,
هم يستانسون,,
وانتي تحترقين ,,
لين خنقوا قلبك

بطلي تعتذرين لأحد لمدة سنتين,,
حتى لو غلطتي بالطقاق فيهم مالت عليهم,,

الأشياء الي تحبينها تستمرين مدة طويلة ,, تستخدمينها بإسراف (مدمنة على بعض الأشياء )وماتملين من الي تحبينه أبد,,
لما يكون عندك شغل,,
ماتسوينه بسرعة,,
لازم أحد يلحك إلحاح عشان تسوينه,,
ولا يبقى ماتسوينه,,
وبالاختبارات ماكنتي تذاكرين الا ليلة الاختبار,,
صديقاتك,, كلهم من بنات العائلات الراقية (بنات حمايل ي وناس على أعلى مستوى)
ولبسك,, غالي وفخم,,
وراعية ماركات,,
تحبين الزين بكل شيء,,
تحبين الحفلات الحلوة,,
من النوع تستمعين بالتجهيز لحفلة (تطلعين تدورين فستان واااااااااو ,,,,,,,,وتختارين كل التفاصيل وكذا,,هواية حلوة)

حبيبتي غنوجة
انجرحتي كثير
خذلوك كثير
تحطم قلبك منهم,,,
صار الحين قلبك مجروح,, وخاطرك مجروح,,
لايهمك قلبي, ارجعي بالعلاقات الجديدة إن شاء الله واتبعي نصيحتي في عدم إظهار حبك للي تحبينهم,, إلا بالقطارة وقليــــــــــل مرة
اعتبري حبك لأي إنسان هو سر مفروض هالإنسان مايعرفة إلا (بالظروف الصعبة)
وإن شاء الله,, بتتغير حياتك للأفضل,,
تسأليني وتقولين ليش؟..
وليش ما ينفع اظهر حبي؟؟
أقول لك,,
لأن ,,فيه ناس يحبون الشيء الذي لا يمتلكونه,,
وانتي لما تظهرين حبك,,
يكونون خلاص امتلكوك فتصيرين مالك قيمة عندهم فيتركونك ويبتدون يبحثون عن شخص جديد لا يمتلكونه,.,
بينما انتي حبيتيهم خلاص وودك تستمرين معهم,,
وتبدين اتصالات ورسايل وزيارات,,
وهم يتعذرون وانتي تصدقين أعذارهم,,
وآخر شيء تنجرحين جرح أكبر, من الأول,,

لابديتي بعلاقة جديدة,,
اصحي تتصلين للسواليف ,, خلي اتصالك للضروروةة القصوى,,
ولا اتصلوا اثقلي ولا تردين على طول,,
ولا ترسلين رسايل حب نهائي,,
وأياك تهدين هدية غالية إلا لأمك وابوك واهلك وبس
تبين تكسبين الشخص بدون رسايل حب (امدحيه وبيموت فيك لانك مدحتيه)
حبيبتي ,,
فيه بحياتك شوية هزايم,, وإنكسارات,,
انتي شخصية قوية انفضي الغبار عن شخصيتك الجميلة ,,
وإرجعي إكتشفي جمالها,,
وأرجعي تذوقي الجمال اللي بشخصيتك ابيك توصلين لمرحلة الغرور,,
وابيك تصنعين بداخل نفسك قناعة جديدة (إنه محظوظ االي يحصل عليك ,,,) بدال القناعة السابقة الي تقول (اتمنى احصل على الي احبه)

أمك كنت شخصيتها أقوى منك بكثير,,, والظاهر اقوى من شخصية أبوك بعد
اعجبتني أمك,, استعيني برأيها وقلدي أسلوبها وبتكون حياتك مية على ميه,
ترى أمك معها حق,,
أمك كانت تعطي وتبذل وتضغط على نفسها ,,بس ,, موب للصديقات والعلاقات والزوج,,
لأ,,
لعيالها وبس,,
أمك شوي ماعندها عواطف,, قاسية يعني ,,تعلمي منها,, ترى هي صح,,
وكانت تقسى عليك أحيانناً بس ترى لمصلحتك
وظروفكم الحمدلله كانت زينه ,,
فيه بحياتك إنسان واحد هو,, تتمنين توصلين له , وماتبين شيء من الدنيا ذي كلها ,, إلا إنك تكونين معه بساعة رواق,,وتسولفون,, أو تسافرون مع بعض,,أو تطلعون لمطعم مع بعض,,
هذا بس قمة طموحك,,
هذا الانسان ,,,,,,يبدوا أنه أما صديقة او زوج ,, أو شخص تتمنين تتزوجينه,,


فيه شيء أخير:
ماتحبين الانتظار,,
ماتصبرين,,
تصيحين بسهولة ,,
كثير نتمي وانتي تبكين,,
تتتشكين أحياناً,
ناعمة
متفائلة
تحبين المتعة والوناسة والعزايم والسفرات,,

ياحلوك حلواه

الله يجعلها بميزان حسناتك ياربي.