أنا بعلمك علوم زينه بس اسمعيني واقرأي ردي برواقه ولو احتاج الأمر كرري قرائته اكثر لمصلحتك والله:
أولا: لاتنصحين زوجك الا في امر الدين لأن هذا واجب عليك غير كذا لاتنصحينه بشيء لأنه ماراح يتقبل منك النصيحه وراح يعتبرها تدخل منك وراح يضايقك كل مانصحتيه فالأفضل اتركيه في حاله الا اذا شفتي منكر فلازم تنصحينه ابراء للذمه امام الله سواء تقبل منك او لا......
ثانيا: اعملي كل الواجبات اللي عليك وخففي من الدلع قدر المستطاع والحاجات الكماليه واللي ما امر بها الشرع لاتسوينها له بس مؤقت حتى تنجح خطتنا.....
ثالثا: من اليوم بل من الساعه هذي وجهي كل اهتمامك لك ولبنتك بأي شي تحبينه مو شرط يكون بالطلعات او بالزيارات اذا كان هذا الشي ممكن يسبب لك مشاكل مع زوجك احنا خطتنا نبغى نتجنب المشاكل قدر المستطاع فبما انه عندك نت الحمد لله هذا راح يسليك ويفيدك في اغلب الوقت.....
رابعا: اشغلي وقتك بالصلاة وقرآءة القرآن والإستغفار واقرأي كتب مفيده هذي الأمور أولا راح ترضي ربك وثانيا ترتاح نفسيتك ومن اصلح مابينه وبين الله يصلح الله مابينه وبين عباده ولا تنسين الدعاء لزوجك بالهداية في كل صلاة واطلبي من الله أن يؤلف بين قلوبكم ترى الدعاء سحر والله وراح يغير حياتك بشكل ماتتصورينه بل الأهم انك ماتستعجلين الإجابه ولا تيأسين إذا تأخر الفرج......
خامسا: كل شي يحصل في حياتك ويكدر عليك احتسبي اجره عند رب العالمين واصبري ياحبيبتي والصبر مفتاح الفرج ولابد ماتشرق عليك شمس السعاده من جديد هذي هي حال الدنيا وفي ناس حياتهم أخس منك لكن مايملك الإنسان الا الصبر والدعاء ولا تفرطين في دينك لأن هذي الدنيا زايله وماراح ينفعنا بعدين غير العمل الصالح والجنة تستاهل من يتعب عشانها.....
سادسا: زوجك والله أعلم من النوع اللي مايحب المرأة تطرد وراه علشان كذا طنشه ولا تسألينه وين رايح ولا وين جاي ان جا رايح قولي الله يسهل عليك وان جا قولي حياك الله وخليه يعيش عالمه بعيد عنك بخيره وشره ادري انك راح تتضايقين و ودك يكون جنبك رجال يشاركك حياتك بس هذا الكلام مبدأيا فقط حتى يتغير زوجك ويبدأ يحبك ويرجع لك....
سابعا: لا اوصيك ابعدي تماما عن النكد والكدر والضيق ولا تخلين زوجك يشوفك مبوزة ابدا طول الوقت تظاهري قدامه بإنك مبسوطه وسعيده من غيره وانك تقدرين تسعدين نفسك بدون الحاجه للناس وهذا هو الكلام الصحيح السعاده ماهي بيد زوجك ممكن هو يكون طرف منها لكن اذا ماحصلتيه فالله الغني وانتي قادره تسعدين نفسك من غير وجوده والحمد لله ان الله رزقك على الأقل بنت تونسك وتسليك واذا كبرت تشكين لها وتخفف عنك همومك فاحسني تربيتها علشان تبرك وتريحك.....
ثامنا: ادعي الله ليل ونهار انه يرزقك بالذرية الصالحة وارقي نفسك واشربي مويه مقري فيها وزوجك عالجيه بدون مايدري سويله خلطات عسل من اللي في المنتدى ورغبيه فيها وقولي راح تعالجك وتنفعك واحمل ومانحتاج للدكاتره واذا الله رزقك راح يخف عنك الهم شويه لأنه مع الأيام تنشغلين بأولادك وتنسينه وهو كمان مع المسؤلية والعيال يكبر ويعقل.....
وعسى ربي يوفقك ويسهل عليك ويفرج همك ان شاء الله
انا ..احبه قمة الحب ....وهو يكرهني قمة الكره
متابعة النقاش، صفحة 19