السلام عليكم ورحمة الله وبركاته
كيفكم حوائيات أن شاءالله بخير
حبيايبي توي اليوم وصلت لأهلي وأنفجعت بمستوى أخوي الدراسي
أخوي بسنه رابعة أبتدائي هو ماشاءالله عليه في الثلاث سنوات اللي مضت من المتفوقين
بس السنه هذي قاعدين له بعض المدرسين قعده جامده
أخوي يعاني من التعتعه وبسببها صار يعاني من الاحراج واللي زاد الطين بله
المدرس يبيه ينطلق في الأيجابه وإذا ضغط عليه نسى الجواب ويصيبه خوف
وهذا غير الضرب من قبل بعض المعلمين
المشكله زادت وصار يتعتع بزياده أبوي راح للمدير وشكى له وضع أخوي
وبعد هم عرضناه على الطبيب وهو ألحين ياخذ جلسات عنده
في البيت ماشاءالله عليه يجاوب صح ويقرأ بتعتعه أقل
بس المشكله في المدرسين اللي يضغطون عليه
ولا هذا غير مدرس القرآن اللي كاتب ملاحظه - الطالب يتعتع في قراءة القران- وبسببها أخذ ضعيف فيالقرآن
وكأنه نسى حديث الرسول عليه أفضل الصلاة والتسليم بعناه
اللي يقرأ القران ويتعتع له أجران أجر القراءة وأجر التعتعه
ألحين أنا أبي أكتب معروض مدري ملاحظه المهم أبي أكتب خطاب للمدرسين
عشان يراعون أخوي أبي مساعدتكم أبي خطاب منسق قوي يفهموه
بلييييييييييييييييييييييييز أبي همتكم قبل الصبح
شاركي في النقاش
سجلي الدخول لإضافة تعليق.
التعليقات
9- لازم تقرون عليه سورة طه وسورة الانشراح
انا سمعت الشيخ يقول انها رقيه للي عندة تأتأه
ولا تهملون الموضوع لازم تعرفون ايش اللي سببها عشان يكون العلاج على اساس سليم
ولازم يكتب الدكتور وصف للحاله فيها التوصيات وتنسخون منها كذا نسحه راح يكون ابلغ من الخطاب بكثير
والله يشفيه عاجلا غير اجل - اهلين حبيبتي الموضوع مايبيله لا دعاوي ولا معاريض الموضوع يبيله رفعة سماعه ارفعيها وكلمي المرشد الطلابي هو الي متخصص في هالحالات واشرحي له السالفه واسماء المدرسين والله يكتب لخوك الخير كله :)
- اول شي اقروا عليه لان اغلب التعتعه من مواقف تعرض لها وهو صغير وصارت في نفسه مثل احد كان يصارخ في وجهه او عين
ثانيا الحقوه بحلقة تحفيظ القران تصقل اللسان صقل باذن الله
ثالثا اذا بالامكان تنقلوه عن مدرسته يكون افضل
الله يشفيه ويعافيه - شكرا لكل اللي ردوا
أخوي ياخذ جلسات في مستشفى المانع الخبر وأحنا بمنطقة بعيدة وأبوي دوام
عشان كذا أبي أكتب لأخوي خطاب للمدرسين على الاقل نلحق على شي من هالترم - اناولدي كان زيه ويستحي ولايبغى المدرسه وغيرنا مدرسته وتابعنه والمدرسين يشجعونه لو اخطا ومسكوه النظام وكنا ما نحسسه با التاتاة ونهاوش اي واحد ينقده والان الحمدلله تخطى هذه المرحله بتحسن ملحوظ وثقه با النفس وهو في سنه خامس
غيرو المدرسه ترى بعض المدرسين يتسلطون
مواضيع مشابهة
تابعي تجارب أخرى من هذا القسم.