شغالتي هربت ودقت عليه تهددني الحقوا علي

شوفي ياقلبي .. أنتي لازم تعطينها حقها لأنه حقها .. ولو ما عطيتيها بيصير برقبتك ..

ومثل ما قالت إحدى الأخوات ودي رسالتها التهديد للشرطة عشان تفتشونها إذا ماخذه أثر

أو شيء وتعطينها فلوسها .. والله يكفيكم شرها ..

اقووولاتعطينها والا ريااال هي وجهها حنا نخسر التقديم عشر الاف وهم ماخسرو شي


روحي لها ولاتفتشين والا شي قصي من شعرها وقولي اذا سويتي شي انا اسوي لك


وبسسسسسسسسس

مثل ماقالت وحده بتندمين طول عمرك لو كان عندها شي ..
لو تروحين للترحيل يكون افضل

السلام عليكم
تسلمون بنات كلكم ومشكوره على دعواتكم والله يكفينا ويكفيكم شر الاشرار وبغي الفجار

المهم
اول شي احب اقولكم انها هاربه وسارقه مننا جوال وتعليقه وسلسال ذهب
ومع كذا قالي زوجي مايخالف الي سرقته تتحاسب عليه عند ربي اما راتبها الباقي نرسله لها عشان مايصير في رقبتنا شي
طبعا هالكلام قبل ماتدق علينا وقبل ماترسل لنا رساله وتهددنا
يعني فلوسها معطينها اياه معطينها مستحيل اخلي في ذمتنا ريال واحد


المهم بقولكم اخر الاخبار والتطورات الي صاااارت

طبعا زوجي اعطى الجوازات رقم جوازها ومعلومات عنها
قال مامسكناها
عرفنا وقتها انها نصابه
المهم وقتها ارتحت نفسيا انها ماسافرت على الاقل
وصرت ادق ادق يطلع مقفل
يوم جا بالليل الساعه 10 قلت بجرب
ودقيت ورن ولا احد رد
وشوي ولاهي مرسله رساله
تقولي انها صديقة شغالتيي وان شغالتي سافرت الصبح
ولاعاد تدقين على هالرقم
انا وقتها انجن جنوني
بس اشلون سافرت والجوازات يقولون مابعد جاهم شي عنها
كيف طلعت للمطار وحنا بلغنا
وجتني فكره ان اخلي سواق اهلي يدق على الرقم ويتفاهم معاها بلغتها
طبعا فهمناه الحكايه قال هذي نصابه مستحيل تكون سافرت للنا باصمين بالمطار
يعني مايخرجونا الا بالكفيل
قلنا مايخالف دق عليها وشوف
دق عليها على طول ردت
قالها ابغى اكلم (أأن)اسم شغالتي
قالت له اهلين انا صديقتها
قالها ابغاها ابغى اكلمها
قامت راحت تناديها
وسواقنا سمع صوتها
بعدين انقفل الخط لانها شكت انه سواقنا
وصار يدق ويدق وتقفل بوجهه
ماترضى ترد
وقتها عرفت انها موجوده ونصاببببه

الحين الرقم عندي
وش رايك
اعطيه لمين
للهيئه ولا للشرطه
ولا قسم الترحيل
وش السواة

وتسلمون