اهل زوجي وش الحل؟؟؟؟؟

الله يجزى كل وحده ردت علي كل خير والله انه كل رد قريته كذا مرررره عشان القى حل مشكووورات من كل قلبي

اذا صار لك زمااااااااان على هذا الوضع وهما خارجين داخلين بيتك وانتي لازم تنزلي كل يوم ,,,

اشوف الشغله صعبه شوي لازم تصبري الله يعينك واذا على زوجك سهل اقناعه اذا منزلتي كل يوم فيك تجيبيلو اي عذر

مثلا مشغوله والبيت حايس وماقدر انزل,,,, عندي غسيل,,, تعبانه ...>>>>.يااخي مابغى انزل غصب يعني وبابي مابغاه على طول مفتوح

وولدي انزلو على كيفي اذا كلامي مو عاجبك وديني عند اهلي الين يعجبك >>>>>>>>>>خخخ تهورت

اهل الزوج عمرهم مابيرضون عنك مهما سويتي انتي خلي لك شخصيه ولاتعطين احد جوالك هذا من خصوصياتك وولدك لا تخلين احد يتعبث في شكله وخليك عادي لا تقولين لزوجك ابغى اسوي ولا اخلي واهل زوجك زوريهم لا تقطعينهم بس مو كل يوم عشان ماتطيح المياته ع حسب ضروفك ولا تخلين البيت سداح مداح هذا خارج وهذاداخل والله يوفقك في حياتك حبيبتي

مرحبا حبيبتى
يقول المثل اكبر منك بيوم اعلم بسنه
وانا اختك اقول شوى شوي وبالتدريج بتنحل المشكله باهون سبب
الله اعلم انهم يحبونك بزياده بس ما يعرفون ان ها الشى يضايقك هم يعتقدون انهم اذا نادوك ونزلتى عندهم انكم اهل ومتحابين يخافون من الفرقه صدقينى
امى كذا على حريم اخوانى تحبهم وتبيهم يجونها اذا صارنا مجتمعين تزعجنا نا دوها تقهوى وهى حرمه كبيره وتزعل اذا قلنا خليها بكيفها تقول عيب مسكينه احنا نتقهوي وهى لحالها امى ياعمري تقيس على نفسها
المهم بادخل في موضوعك
شوفى اذا نزلتى سوى حلى معك وقهوه وسولفى وانبسطى معهم
بعدين قولى لهم باسلوب لطيف وانتى تضحكين وبينى انك تحبين الجلسه معهم
بس قولى اذا نزلت يضيع وقتىك وتتراكم الملابس حقت زوجك ولا تقدري تكويها ثم يهاوشك زوجك ويقولك انتى مهمله
وليش لبيت حايس وانتم ماترضون ان فلان يزعل منى
وانا ودى اريحه بس لاتقولين لزوجك ما احب انزل ابدا تري الرجال خقاق كلش بيقوله لهم
ثم تخرب علاقتك بهم قولى انا احب امك واهلك الله لايفرقنا بس المسؤليات
ويوم تعذري بان الدوره جايت وتعبانه ويوم عندك غسيل ويوم كوي وحددى وقت النزول لهم بيومين في الاسبوع وعلمى ام زوجك انه يناسبك مثال الاحد والاربعاء مثال
وشوى شوي راح يتعودون على الاستقلا ل بس اهم شى بلاش نرفزه
واخر نصيحه عليك بكثره الاستغفار مع الدعاء بان ربى يصلح لك الامر

اهم شي اكسبي قلب زوجك ودلعيه وحسسيه انك متعلقه فيه وموتي عليه وكل كلمت حب وغزل قوليها له الين تكسبين قلبه بعد كذا اطلبي اللي تبين منه وبينفلك اياه على طول وجوالك حطيه برقم سري اهم شي دايم امدحي اهله قدامه ودعيلي