والله انكم بتزيدوكا كثير يا بنات عالم حواء...تعالوا اقول لكم ليش!!!

السلام عليكم ورحمة الله وبركاته
انا صار لي فترة طويلة بدخل المنتدى وبقرأ وبشارك ...وللامانة منتدى رائع وجميل...بس للاسف في ظاهرة بتزداد ومش حلوة بالمرة....
للاسف كثير من المشاركات في كثير من المواضيع والاقسام بيزيدوها ومنهبلين وهم مش صاحين...
مثلا
اللي بتقولك زوجي بدو يتزوج لاني سمرا...يمكن 90% من الردود عليها راحوا يتغزلوا بحالهم يوقولوا الحمد لله انا بيضا !!!! ههههه شو خليتو من البياض للاوروبيين!!!!
وعلشان هيك نص المنتدى شكاوي من اسوداد تحت الابط والركب!!!!!
واللي قاعدة بتوصف بطولها وعرضها وارتفاعها ولون شعرها ....والله ما ضل شي !!!! لا حول ولا قوة الا بالله....
طيب ما دام هييك ليش داخلة ع المنتدى باسم مستعار...ٌولي انا فلانه الحلوة الامورة بنت فلان او زوجة فلان!!!

واللي كمان صورت لنا بيتها غرفة غرفة من الحمام (اعزكم الله) لغرفة النوم (قمة الخصوصية!!!!!!!)
طيب اعرفنا انك وصفك كذا ووصف بيتك كذا ...شو بقي كمان !!!!

والاغرب في كثيرات منزلين صور لملابسهم !!! (انا اليوم نزلت ع السوق وشريت هالملابس) والله ما ظايل الا تلبسيهم وتفرجينا !!!

لازم يكون الطرح كثير ارقى من هالاسلوب...وبعدين حرام توصفي بحالك وجسمك وشعرك وغيره وغيره لانه في رجال بتدخل وبتقرأ

وبحلفك بالامانة لو انك ما بتخافي اهلك وزوجك يقرأوا الي بتكتبوه ...بتكتبوه اصلا ؟!؟!!!

بالنهاية..... اجعلوا مخافة الله بين اعينكن
واعلموا انه ما يلفظ من قول الا لديه رقيب عتيد
وان العين حق
واننا محاسبين على كل ما نفعل ونقول

الله يهدينا جميعا لما يرضي الله

35 تعليق 3,445 مشاهدة

شاركي في النقاش

سجلي الدخول لإضافة تعليق.

التعليقات

30
  1. @am_ayhab_ohbh

    انا معك في بعض الامور ومش معك في امور اخرى
    حكاية انو يفرجونا الملابس و الغرف اللي في البيت انا شايفة انها شغلة عادية وبالعكس حلوة كمان .. ممكن من ترتيبها نتعلم ونستفيد ..
    اما حكاية البنات اللي بيشكوا من السمار عشان الزوج .. والبنات بردوا عليها نحنا بيض ووووو .. معك حق مو حلوة
    بس كأنك ما وضحت قصدك منيح .. معقول هاد اللي مدايقك ؟؟؟ و اهلا و سهلا فيك في المنتدى .
  2. @ro3h_3

    اللي توصف نفسها اوك مايجوز
    بس اللي تعرض ملابسها اتوقع شي عادي ومافيها شي
    بلاش كثر وسوسه المحلات كلها ملابس نسائيه وبأدق التفاصيل
  3. @ms_dndn

    صاحبة الموضوع

    المشاركة المقتبسة غير متاحة.

    يا حبيباتي بعضكم فهمني غلط...انا مش ضد طرح بعض المواضيع....انا ضد بعض الردود اللي ما الها داعي.... ما ني مع اللي قاعدة توصف بجسمها من راسها لاساسسها !! ويمكن كل الكلام خيال بخيال !

    وقصدي من تصوير البيوت انه اين الخصوصية خاصة بغرف النوم والحمامات ...
    والملابس كمان احيانا فيها خصوصية ( والله مرة شفت واحدة مصورة دولاب ملابسها الداخلية !!!!!) واولله عيييييييييييييييييييييييييييييييييييييييييييييييييييب

    كمان شغلة مهمة جدا جدا جدا
    العين حق
    ومش كل الناس قادرة تعمل اللي انتي بتعمليه..

    مع امنياتي بالتوفيق للجميع والاعتذار عن الحلفان بالامانة ...لغوة والله
    ودمتم سالمين
  4. @shmokh_alhyla

    اناااااااااا معك لابد ان تكوون هناك خصوصيه لان المنتدى مكااان عاااام يدخله الجميع واضيفي اللي تكتب يوميتهاا هي وزوجهاااا وغيره الكثير الله يجزاك خير ويكثر من امثالك اختي الفاضله
  5. @__286

    جزاك الله خير
    بس اللي تصور غرفها يمكن هي عادي اذا
    احد عرفها فكل وحده بكيفها اذا ماتعدى الشي المحدود
    ومشكوره

تابعي تجارب أخرى من هذا القسم.