السلام عليكم ورحمة الله وبركاته
اخواتي مثل ماهو في العنوان
يعني اللي عندها فكرة تنفع فيها خواتها تحطها يعني شي سويته لوجه الله
مثلا وحدة تقول اني شريت ساعات منبهه لكل البيت تقول والله ان الصلاة ماعاد تفوت
يعني افكار زي كذا يالله قولوا لنا
انا عن نفسي اي دعاء ينفع معي انشره في البيت كله واحفظه اهلي
مره في الصيف اللي فات شريت بارد وخليت السواق يوزعه على عمال في عز الظهر يشتغلون ماعندهم حتى موية واتذكر شلون فرحتهم وبكيت انا من الفرحة الله يتقبلها طبعا انا سمعت هالفكرة هذا اللي عندي
بنات طبعا الموضوع فكرته خذيتها من منتدى ثاني يعني مو من عندي اتمنى تثرون الموضوع لنا يالله
وتذكرو الاجر
شاركي في النقاش
سجلي الدخول لإضافة تعليق.
التعليقات
2- ماادري ماعندي افكار بس عجبتني فكرة وحدة من البنات مااتذكرها اني احط حصالة في البيت وكل يوم احط فيها فلوس موشرط كم حتى لو ريال واحد احط قد مااقدر ونهاية الشهر اخذها واتصدق فيها هالفكرة عجبتني وان شاء الله اطبقا لما ارجع لبيتي انا الحين عند اهلي عشان اولد دعواتك لي ياحلوة
- بالنسبه لي
اذا جيت اسوي الاكل وقطعت الدجاج انا اشيل الجزء الاخير من الجناح اجمعه في كيس والجلد اذا شلته واي شيء من الدجاج او اللحم مثلا الشحم الزايد وبعد ماناكل اجمع العظام والباقي من الاكل واحطه في كيس وانزله واحطه جمب الزباله الله يكرمكم وتعالي شوفي البسس والحمام
لدرجه والله يشهد على كلامي احيانا اكون طالعه ومعي كيس فيه اغراض البسس على طول يجون يحسبونه اكل
واعتبرها صدقه لان في كل كبد رطبه اجر
حتى الجيران صاروا يسون كذا
اي شيء اجمعه حتى لو حبة رز او عظام او جلد الدجاج او الشحم
واحنا نطلع لاستراحه احنا وخالاتي ومخلين كل شهر كل وحده تدفع 50 او اكثر ونجمعها وتكون مبلغ حلو نعطيه اي احد محتاج
اضن 50 مو ضاره بس اذا اجتمعت تكون مبلغ زين
مواضيع مشابهة
تابعي تجارب أخرى من هذا القسم.