سلام عليكم
يا بنات بغيت أعرف اللي سويته صح أو خطأ
ووالله أنا ما سويته من باب غيرة لكن من دافع الخوف على أختي
شوفوا يا حلوين
أختي بنت مؤدبة جدًا.. واهتماماتها أنا أعرفها زين
وصاحباتها كلهم أعرفهم
وهي عندها لابتوب خاص فيها وانترنت طبعا
أنا متزوجة في مدينة ثانية.. وكل زيارة لأهلي أدخل غرفتها بالسر وأفتش بلابتوبها وعمري ما لقيت شي يزعجني ولله الحمد
بس لاحظت أن أمي تاركة لها الحبل على الغارب وليل نهار البنت قاعدة على النت أيام الإجازات
أما أيام الدراسة فأمي تسمح لها بساعة وحدة باليوم
لكن أهلي مو متعلمين تعليم عالي وما يعرفون للكمبيوتر طبعا
وأخواني وأخواتي كلهم متزوجين
أنا اليوم كلمت أبوي وقلت له لازم يصير في رقابة على البنت في النت
مو معقول طول الوقت في غرفتها مقابلة الكمبيوتر
يعني أهلي ما عندهم دش بالبيت خايفين من انحراف اختي.. يقومون يسمحون بالنت بها الانفتاح؟؟؟؟
وربي يشهد يا بنات أني عمري ما شفت عليها أي شي غلط.. والمواقع اللي تدخلها على مدار سنتين كلها يابانية وفيتنامية وخرابيط انمي وكارتون
عمرها 18 وحتى ايميلها مرة تركته ودخلته من وراها ولا لقيت فيه شي غير ايميلات زميلاتها والهبل حق البنات!
تتوقعون غلط إني قلت لأبوي يشد عليها شوي...؟
لأني حاسة بالذنب خصوصا إنها ما سوت شي
بس وربي أني خايفة عليها من مغريات النت
شاركي في النقاش
سجلي الدخول لإضافة تعليق.
التعليقات
106- لا ابد انتي ما غلطتي نبهتي اهلك واختك فهالوقت وقت مراهقه ولازم الواحد يراقب تصرفهابس من بعيد من غير ما يحسسها انها مراقبه
- اختي
اختج كبيرة وعاقلة 18 سنة تختلف عن بنت 15 سنة
وبالعكس المفروض تعطينها الثقة وخصوصا ان ما عليها شي ماشاءالله تبارك الله
لا تضغطين عليها واايد ولا ترخين خلكم وسط مثل الحين الوضع حلو
والله يهنيها يا رب ويكملها بعقلها - لا يا قلبي اللي سويتي عين العقل لأن الشيطان شاطر وفي اي لحظه مدام ما يعرفون اهلك للنت يجون بنات ابليس ويعلموها على
اللي ما كان على البال
بس فهمي ابوك ما يشد عليها مره وانك مالك صلاح في الموضوع - حرصك مو غلط بس الغلط انك قلتي للوالد
خلي المراقبة عن طريقك حتى لو انك متزوجه وبعيده بس اذا فيه شي غلط صدقيني راح تعرفيه خصوصا انها ماتدري بمراقبتك لها
والنصح خليه عن طريقك انتي نبهيها دااائما وحسسيها بالثقه
والوالد لاتدخليه تعرفي الابهات والكبار اسلوبهم غير يكفي ماعندها دش خليها تستفيد بمراقبتك انتي - يا رب يسعدكم وربي طمنتوني لأني خفت أشعر بالذنب
وأبوي على فكرة واعي ويعرف كيف يتصرف بدون شدة بعكس أمي
عشان كذا نبهت عليه ما يعطي أمي خبر ويتصرف بنفسه لأني أعرفه يحب أختي ولا راح يضيق عليها
مواضيع مشابهة
تابعي تجارب أخرى من هذا القسم.