وعليكم السلااااام ورحمه الله وبركاااته
حبيبتي ريانه العود والله إنك قهرتيني بمشكلتك الله يعوضك خير مما راح من شعرك آمييين
حبيبتي اناابي اقولك على حلول وإنت خذي منها إللي يعجبك لكن قبل هذة الحلول ابي اقولك على مشكلتي ومشكله بنتي وشوفي كيف حليتها
اول شئ مشكلتي كان شعري إلين خصري وكان كثير لكن فيه ناااس تكلموا عليه وصابته عين وراح ذاك الشعر الطويل حتى صار يتساقط بشكل كبيرلدرجه إني بغيت اصلع وخاصه من الغرة والله إن جاها شئ صارت مثل الجبهه وخاصه من الجوانب لكني عرفت بعض الناس إللي تكلموا عليه وصرت اخذ من اثرهم إذا كان ماء او عصير واخذ حبوب الحديد فروز والحمد لله رجع شعري مو مثل الاول بس الحمد لله انا راضيه فيه
الموقف الثاني عندي بنت حلوووة ماشااء الله عليها وعليها عيون تهبل وكل من شافها إنبهر بجمالها وخاصه بعيونها لدرجه إنهم مسمينها ام العيون الحلوة وجاتها عين من كلام الناس والله لايوريك كيف صارت عيونها مثل الطماطم وصغرت وإذا صحت في الصباح ما تقدر تفتح عيونها تبكي من شدة الالم إللي في عيونها وما خلينا مستشفى إلا ونروحه وصرنا زبائن لمستشفيات المغربي لكن هذا الحال ما ينسكت عليه قمت وانا اختك وكلمت الناس إللي كنت شاكه فيهم بطريقه دبلوماسيه واخذت منهم وضوء وغسلت فيه بنتي وداومت عليها با الاذكار والرقيه والحمد لله الحين بنتي طابت عيونها ورجعت مثل اول يارب لك الحمد
بعد كل إللي كتبته ابي اوصيك وصايا 00
1- إقرئي على نفسك دائما وخاصه بأيه الكرسي والفاتحه وإنفثي في يديك وإمسحي بها على شعرك وجسمك وداومي بقرآة سورةالبقرة
2- حاولي إنك تاخذين اثر او وضوء إللي إنت شاكه فيهم بطريقه ما يحسون فيها انت وشطارتك
3-السدر زين للعين والسحر خذي سدر ودقيه بين حجرين وإنقعيه في ماء وإغسلي فيه شعرك وخليه في شعرك بعدين إغسلي شعرك عادي أنا إستخدمت هذة الطريقه لبنتي وفادتني ولله الحمد
4- حاولي تعالجين فقر الدم وانصحك بحبوب فروز إستخدميها لمدة شهرين بإنتظام فيها فائدة إذا الله اراد
قبل كل هذة الحلول توكلي على الله وإدعيه وألحي عليه با الدعااء وخاصه في السجود وايقني با الاجابه والله ما يرد من سأله وهو موقن به
اتمنى من الله العلي العظيم ان يشفيك ويعوضك شعرا خيرا من شعرك
لا تنسيني من دعائك
يالله انك ترزقهاا الرزق الحلاال من حيث لاتعلم وتفتح لها ابواب رحمتك وترضي امها عليها
متابعة النقاش، صفحة 8